Յակոբ Փանոսեան
| Յակոբ Փանոսեան | |
|---|---|
 | |
| Ծնած է | 8 Յունիս 1946 (77 տարեկան) |
| Ծննդավայր | Այնճար, Զահլեի շրջան, Պեքաա, Լիբանան |
| Քաղաքացիութիւն |
 Լիբանան |
| Ուսումնավայր |
Պէյրութի Ամերիկեան Համալսարան Քալիֆորնիա Համալսարան (Լոս Անճելըս) |
| Մասնագիտութիւն | թուաբանագէտ |
| Անդամութիւն | Հայաստանի Գիտութիւններու Ազգային Ակադեմիա |
Յակոբ Փանոսեան (8 Յունիս 1946, Այնճար, Զահլեի շրջան, Պեքաա, Լիբանան), հայ գիտնական։ Ճարտարագիտութեան դոկտոր, ինքնաշխատ համակարգերու կառավարման բնագաւառի գիտնական, ՀՀ ԳԱԱ արտասահմանեան անդամ, Քալիֆորնիոյ ԱՐՓԱ հիմնարկի նախագահ, Քալիֆորնիոյ պետական համալսարանի Նորթրիճի մասնաճիւղի դասախօս[1]։
Ընտրուած է Հայաստանի գիտութիւններու ակադեմիայի արտասահմանեան անդամ արդարօրէն արժանանալով Ակադեմիկոս-ի կոչումին:
Կենսագրական գիծեր[Խմբագրել | Խմբագրել աղբիւրը]
Ծնած է Այնճարի մէջ ուր ստացած է իր նախնական եւ երկրորդական կրթութիւնը Այնճարի Հայ Աւետարանական Վարժարանին մէջ:
Համալսարանական ուսումը ստացած է Պէյրութի Ամերիկեան Համալսարանին մէջ մասնագիտանալով ուսողութեան մէջ: Մագիստրոսի վկայականը ստացած է Ամերիկայի Հարաւային Քարոլայնայի համալսարանէն՝ աւարտելով կիրառական ուսողութեան բաժինը, իսկ դոկտորի վկայականը՝ Քալիֆորնիոյ համալսարանի Լոս Անճելըսի մասնաճիւղէն աւարտելով ճարտարագիտութեան բաճինը եւ մասնագիտանալով կառավարման բնագաւառին մէջ:
Գործունէութիւն[Խմբագրել | Խմբագրել աղբիւրը]
Իբրեւ գիտաշխատող աշխատած է Թեքստրոն, Ռաքըտայն, Պոյինկ եւ Եունայթըտ Թէքնոլոճիզ ընկերութիւններուն մէջ՝ ծրագրաւորելով հրթիռային սարքաւորումներու կառավարման համակարգեր:
Դոկտ. Յակոբ Փանոսեան գիւտերու հեղինակ է, անոնցմէ տատանումներու մարման նոր եղանակը լայն ընդունելութիւն գտած է: Այս գիւտին համար ան արժանացած է ԱՄՆ-ի կառավարութեան պարգեւին: Ան անդամ է բազմաթիւ կազմակերպութիւններու եւ հեղինակ է աւելի քան 80 գիտական յօդուածներու:
Դոկտ. Յակոբ Փանոսեան սարքած է ամենաբարդ հրթիռային շարժիչի կառավարման օրէնքներու ծրագրաւորումը որ փորձարկուած է ՆԱԶԱ-ի կողմէ եւ կրնայ օգտագործուիլ ապագայ ձայնի արագութենէն տասը անգամ աւելի արագ օդանաւ-հրթիռ նորատիպ համակարգերու վրայ:
Ան հիմնադիրն է Ամերիկահայ ճարտարագէտներու եւ գիտնականներու ընկերակցութեան (1983)[2]: Ան նաեւ հիմնադիրն է ԱՐՓԱ (1992) մասնագիտական կազմակերպութեան որ օգտակար կը դառնայ Հայաստանի գիտութեան, տնտեսութեան, կրթութեան, առողջապահութեան եւ այլ բնագաւառներու զարգացման:
Ծանօթագրութիւններ[Խմբագրել | Խմբագրել աղբիւրը]
- ↑ «Ամերիկահայ Գիտնական Յակոբ Փանոսեան Կ՛ուզէ Հայաստանի Մէջ Nanotechnology-ի Կեդրոն Հիմնել»։ horizonweekly.ca (hy-AM)։ 2017-10-06։ արտագրուած է՝ 2023-03-14[permanent dead link]
- ↑ «AESA – Armenian Engineers and Scientists of America»։ www.aesa.org (անգլերէն)։ արտագրուած է՝ 2023-03-14