Յակոբ Ալոճեան

Յակոբ Ալոճեան
Ծնած է	Պոլիս
Ազգութիւն	Հայ
Աշխատավայր	գրող

Յակոբ Ալոճեանը, վկայուած պոլսահայ ուսուցիչ է։ 1910-էն մինչեւ 1920, Յ. Ալոճեանը եղած է Պարտիզակ խմբագրականին եւ Պոլիս տպուած Փարոս ամսաթերթի խմբագրապետը։

Հրատարակած է «Երիտասարդ» անուն բարոյաշունչ գրքոյկը 1908-ին։

1932-ին Սելանիկի մէջ Քաղաքացիական կրթութիւն անուն դպրոցական դասագիրք մը hրատարակած է։

Անտիպ կը մնան հետեւեալ ձեռագիրները. «Իսկական պատմութիւն Հայերու». սկիզբէն մինչեւ մեր օրերը երկու հատոր (որ մէկը անգլերէն գրուած է եւ կը կոչուի «The Armenian Church»։ Նաեւ կայ «Աշխարհի տասը կրօնքները» (ուսումնասիրութիւն), «Ամէնուն համար» (Առողջապահական), «Կրօնի դասեր» (Հին եւ Նոր Ուխտի), «Մայրենի բարբառ» Ա.Բ.Գ., «Հատընտիրք Հայ Գրականութեան» (մասն Ա.), «Պարտիզակ սկիզբէն մինչեւ 1922», «Ի՞նչպէս աքսորուեցանք» եւ վերջապէս «Երկրաչափութիւն» (Գործնական եւ տեսական)։

Յակոբ Ալոճեանը գրած է «Բազմավէպ», «Բիւզանդիոն», «Սուրհանդակ», «Ծաղիկ», «Մասիս», «Բիւրակն», «Հանրագիտակ», «Հայաստանի Կոչնակ», եւ այլ բազմաթիւ թերթերու մէջ գրական, ընկերական, ազգագրական, լեզուական հարցերու շուրջ յօդուածներ՝ ստորագրելով «Նշոյլ», «Զգօն Սիւնի», «Գեղամ Գրասէր», «Ռ. Ռոզմերի» եւ «Հայր Վարդաբոյր» ծածկանուններով։

Աղբիւրներ

• Հայ հանրագիտակ, Հ.Մկրտիչ Վարդ. Պոտուրեան, 1938 (էջ 70)