Մոնս Զելմերլօ

Jump to navigation Jump to search
Մոնս Զելմերլօ
20150516 ESC 2015 Måns Zelmerlöw 0017.jpg
Հիմնական տուեալներ
Աւազանի անուն շուէտ.՝ Måns Zelmerlöw
Ծննդեան անուն շուէտ.՝ Måns Petter Albert Sahlén Zelmerlöw
Ծնած է 13 Յունիս 1986(1986-06-13)[1] (34 տարեկան)
Կաղապար:Country data Շվեդիա Շուէտ
Երկիր Flag of Sweden.svg Շուէտ
Տեսակ/ներ փոփ երաժշտութիւն
Մասնագիտութիւն երգիչ, հաղորդավար
Գործիքներ Վոքալ
Պիտակ Warner Music Group
Շրջանաւարտ Lars-Erik Larsson-gymnasiet[2]
Կողակից Ciara Janson[3]
Ցանցային կայքէջ mzw.se
manszelmerlow.se

Մոնս Փիթըր Ալպերթ Զելմերլով (շուէտ.՝ Måns Zelmerlöw, 13 Յունիս 1986(1986-06-13)[1], Լունդ, Մալմյոհուս համայնք, Շուէտ, 1986, Շուէտ), շուէտացի երգիչ, հեռատեսիլի հաղորդավար է։ Ան ծանօթութիւն ձեռք բերաւ 2005-ին՝ մասնակցելով շուէական «Սուփըրսթար» նախագիծին, ուր զբաղեցուց հինգերորդ դիրքը, այնուհետեւ մասնակցեցաւ շուէտական «Պարահանդէս» պարային նախագիծի առաջին եթերաշրջանին, ուր յաղթանակ տօնեց, եւ 2007-ին "Cara Mia" (Իմ սիրելի) երգով, որով ալ ներկայացավ այդ տարուան Melodifestivalen երգի մրցոյթին։ 2011-2013-ին ան եղած է Allsång på Skansen երաժշտական փառատօնի հաղորդավար։ 2007-ին, 2009-ին և 2015-ին մասնակցած է Melodifestivalen։ 2015-ին, զայն յաղթելով, ստացաւ իրաւունք ներկայացնելու Շուէտը Եւրատեսիլ 2015 երգի մրցութին իր "Heroes" (Հերոսներ) երգով։ Ան Եւրատեսիլի եզրափակիչ հանգրուանին հաւաքած է 365 կէտ եւ ճանչցուած է այդ մրցոյթին յաղթող։

Կեանք Եւ Ասպարեզ[Խմբագրել | Խմբագրել աղբիւրը]

Մոնս Զելմերլով ծնած է 1986-ին Շուէտի Լունտ քաղաքին մէջ։ Զելմերլովը երաժշտական կրթութիւն ստացած է Լունտի աւագ դպրոցին մէջ եւ եղած է դպրոցի երգչախումբի անդամ[4]։ 2002-ին Մալմոյի մէջ խաղացած է տարբեր օփերեթներու մէջ։

Զելմերլովը հասարակութեան առջեւ ներկայացաւ 2005 թուականին՝ մասնակցելով շուէտական «Սուփըրսթար» նախագիծի երկրորդ եթերաշրջանին։ 8 շաբաթներէ ետք ան հեռացուեցաւ մրցոյթէն եւ գրաւեց հինգերորդ դիրքը[5]։

2006 թուականին ան մասնակցեցաւ շուէտական «Պարահանդէս» պարային նախագիծի առաջին եթերաշրջանին Մարիա Քարլսոնի հետ միասին, ուր անոնք յաղթանակ արձանագրեցին[6]։ Նոյն տարուան ընթացքին Մոնսը մասնակցեցաւ Grease միւզիքլի շուէտական տարբերակին։ Որպէս արդիւնք իր առաջին ձայնասկաւառակը թողարկելու համար ան պայմանագիր ստորագրեց M&L Records-ի հետ, որ Warner Music Group-ի ստորաբաժանումներէն է[7]։

2007-ին ան մասնակցեցաւ Եւրատեսիլ 2007 երգի մրցոյթի շուէտական նախընտրական փուլին՝ Melodifestivalen 2007-ին, ուր հասնելով եզրափակիչ՝ զբաղեցուց երրորդ դիրքը[8]։ Մրցոյթին ան կը ներկայանար իր "Cara Mia" (Իմ սիրելի) երգով, որ թողարկուեցաւ որպէս մեներգութիւն եւ տեղ գտաւ Մոնսի առաջին ձայնասկաւառակին՝ Stand by For...-ին մէջ։ Ձայնասկաւառակը զբաղեցուց առաջին դիրքը Շուէտի մէջ, անոր 4 երգեր թողարուեցան որպէս մեներգութիւններ եւ Շուէտի մէջ ընդգրկուեցան Լաւագոյն 50 երգերու ցանկին մէջ։ Stand by For...-ը 2007-ին թողարկուեցաւ նաեւ Լեհաստանի մէջ[9]։

2007-ին որպէս հաղորդավար հանդէս եկաւ Lilla Melodifestivalen 2007-ին[10]։ Նոյն թուականին մասնակցեցաւ Footloose միւզիքլին՝ մարմնաւորելով Թոմին։ Մոնսը շարք մը նշանաւոր շուէտացի երգիչներու հետ հանդէս եկաւ Սթոքհոլմի եւ Կոթենպուրկի մէջ[11]։

2009-ին Մոնսը կրկին մասնակցեցաւ Melodifestivalen-ին այս անգամ "Hope & Glory" (Յոյս Եւ Փառք) երգով[12]։ Յաջող անցնելով կիսեզրափակիչը՝ ան եզրափակիչ հանգրուանին զբաղեցուց 4-րդ դիրքը՝ դատական կազմին կողմէ ստանալով բազմաթիւ ձայներ։ Նոյն տարուան ընթացքին ան թողարկեց իր երկրորդ ձայնասկաւառակը՝ MZW-ն, որ առաջինը ճանչցուեցաւ շուէտական ալպոմներու չարթին մէջ եւ թողարկուեցաւ նաեւ Լեհաստանի մէջ։ 2009-ի ամրան Մոնսը հանդէս եկաւ շրջագայութիւններով Շուէտի մէջ[13]։

2010-ին Մոնսը՝ որպէս հաղորդավար, հանդէս եկաւ Melodifestivalen 2010-ին՝ հիւրընկալելով բոլոր ցուցադրութիւնները։

2013-ին ան սկսաւ աշխատիլ իր երրորդ Barcelona Sessions ձայնասկաւառակին վրայ։ Մինչեւ թողարկումը ան հանդէս եկաւ քանի մը մեներգութիւններով, որոնցմէ էին "Broken Parts" (Կոտրած Յատուածներ) , "Beautiful Life" (Գեղեցիկ Կեանք) , "Run For Your Life" (Վազէ' Կեանքիդ Համար) , "Parallels" (Զուգահեռներ) երգերը։ Ձայնասկաւառակը թողարկուեցաւ 2014-ի Փետրուարին[14]։

Մոնսը հանդէս եկաւ նաեւ Melodifestivalen 2013-ին, սակայն այս անգամ որպէս երգահան։ Իր "Hello Goodbye" (Ողջոյն, ցտեսութիւն) երգը եզրափակիչ չհասաւ[15]։ Անիկա կը կատարէին Էրիք Սեկերսթետը եւ Թոն Տեմիլը։ 2013-ին Մոնսը հանդէս եկաւ նաեւ նաեւ շուէտական Spök միւզիքլին մէջ[16]։

Զելմերլով անգամ մը եւս մասնակցեցաւ Melodifestivalen-ին 2015 թուականին։ Ան եզրափակիչին յաղթեց 288 կէտով եւ իրաւունք ստացաւ ներկայացնելու Շուէտը Եւրատեսիլ 2015 երգի մրցոյթին իր "Heroes" (Հերոսներ) երգով[17]։ Նոյն մրցոյթին ան կը մասնակցէր նաեւ որպէս "Det rår vi inte för" երգի հեղինակ, որ կը կատարուէր Պեհրանկ Միրիի կողմէ, սակայն այս երգը հասաւ մինչեւ Երկրորդ շանս փուլ[18]։

Եւրատեսիլ 2015–ի եզրափակիչի քուէարկութեան արդիւնքին մէջ Մոնսը կը հաւաքէ 365 կէտ եւ կ'ըլլայ յաղթողը[19]։

Անձնական Կեանքը[Խմբագրել | Խմբագրել աղբիւրը]

Զելմերլովը ունի մէկ կրտսէր քոյր։ 2008-2011 թուականներուն լրատուամիջոցներու կողմէ աշխուժօրէն կը լուսաբանուէր անոր եւ շուէտացի բնորդ եւ երգչուհի Մարի Սերնեհոլտի սիրավէպը։ 26 Դեկտեմբեր 2004-ին Մոնսը իր ընտանիքի հետ Թայլանտի մէջ փրկուած է Հնդկաց ովկիանոսի մէջ տեղի ունեցած ցունամիէն[20]։

Սկաւառակներ[Խմբագրել | Խմբագրել աղբիւրը]

  • «Stand by For...» (2007)
  • «MZW» (2009)
  • «Christmas with Friends» (2010)
  • «Kära vinter» (2011)
  • «Barcelona Sessions» (2014)
  • «Perfectly Damaged» (2015)

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 Dutch Top 40
  2. Röster om LELLars-Erik Larsson-gymnasiet.
  3. https://www.svd.se/mans-zelmerlow-har-gift-sig
  4. Radio Sveriges։ «Cara Mia - P4 Melodifest – webbkanal»։ արտագրուած է՝ 2016-05-12 
  5. «Måns utröstad ur "Idol"»։ Expressen։ արտագրուած է՝ 2016-05-12 
  6. «Måns och Maria vann ”Let's dance”»։ Aftonbladet։ արտագրուած է՝ 2016-05-12 
  7. Spektra Stockholm TT (2006-09-28)։ «Tajta jeans för Måns Zelmerlöw i "Grease"»։ Metro։ արտագրուած է՝ 2016-05-12 
  8. TT։ «Måns Zelmerlöw öppnar för schlagern»։ SvD.se։ արտագրուած է՝ 2016-05-12 
  9. «Plats 1: Måns Zelmerlöw»։ Expressen։ արտագրուած է՝ 2016-05-12 
  10. «Zelmerlöw leder Lilla Melodifestivalen»։ Aftonbladet։ արտագրուած է՝ 2016-05-12 
  11. «Stjärnorna i ny musikal»։ Expressen։ արտագրուած է՝ 2016-05-12 
  12. «’Allvarligt - nu ska jag vinna skiten’»։ Aftonbladet։ արտագրուած է՝ 2016-05-12 
  13. Stoltz Paulina։ «Måns Zelmerlöw - MZW»։ SvD.se։ արտագրուած է՝ 2016-05-12 
  14. «Måns Zelmerlöw - "Run for your life"»։ Expressen։ արտագրուած է՝ 2016-05-12 
  15. «Måns Zelmerlöw: ”Jag kommer aldrig lämna Melodifestivalen”»։ Poplight։ 2015-02-28։ արտագրուած է՝ 2016-05-12 
  16. Spektra։ «80-tals musikalen ”Spök” återuppstår»։ SvD.se։ արտագրուած է՝ 2016-05-12 
  17. «Eurovision Sweden: Måns Zelmerlöw wins Melodifestivalen 2015!»։ Eurovision News, Polls and Information by esctoday (en-US)։ 2015-03-14։ արտագրուած է՝ 2016-05-12 
  18. «”Det rår vi inte för” skrevs för Måns Zelmerlöw»։ svt.se։ արտագրուած է՝ 2016-05-12 
  19. «Who won Eurovision 2015? Full Song Contest results»։ Mirror։ Մայիսի 24, 2015։ արտագրուած է՝ Մայիսի 24, 2015 
  20. «– Det var ofattbart hemskt»։ Aftonbladet։ արտագրուած է՝ 2016-05-12