Միքայէլ Արամեանց

Միքայէլ Արամեանց;
Ծնած է	4 Մայիս 1843
Ծննդավայր	Քյաթուկ
Մահացած է	19 Դեկտեմբեր 1922 (79 տարեկանին)
Մահուան վայր	Թիֆլիս, Անդրկովկասի ԽՖՍՀ
Քաղաքացիութիւն	Ռուսական Կայսրութիւն; Վրացական Խորհրդային Ընկերվարական Հանրապետութիւն
Մասնագիտութիւն	ձեռնարկատէր, մեկենաս

Միքայէլ Արամեանց (4 Մայիս 1843(1843-05-04), Քյաթուկ - 19 Դեկտեմբեր 1922(1922-12-19), Թիֆլիս, Անդրկովկասի ԽՖՍՀ), 19-րդ դարու թիֆլիսաբնակ հայ ձեռնարկատէր, նաւթարդիւնաբերող, մեծ բարերար եւ հասարակական գործիչ^[1]։

Թիփղիսի «Ազգային բարեգործական ընկերութեան» հիմնադիր։ Ալեքսանտր Մանթաշեանի մտերիմ ընկեր եւ գործընկեր։ Մանթաշեանի հետ Պաքոին մէջ կը զբաղեր քարիւղարդիւնաբերութեամբ եւ առաջիններէն եղած էր, որ իր կապիտալի մեծ մասը տեղափոխեցաւ Պաքու՝ քարիւղը երկաթուղիով, սիսթերններով տեղափոխելու համար։

Կենսագրութիւն

Միքայէլ Արամեանցը ծնած է Արցախ^[2]^[3], 1843 թուականին:

Ներսիսեան դպրոցի մշտական հոգաբարձուն ու հովանաւորը եղած է։ Աջակցած է Թիփղիսի նշանաւոր «Արամեանցի հիւանդանոցին» (ներկայիս՝ Թպիլիսիի թիւ 1 բուժական հիւանդանոց) կառուցմանը՝ նուիրաբերելով հարիւր հազար ռուպլ։ Արամեանցի անուան հետ կապուած է նաեւ իր կառուցած Թպիլիսիի ներկայիս «Մարիոթ» հիւրանոցի շէնքը, որուն ճարտարապետը նոյնպէս հայ Գաբրիէլ Տէր-Միքելեանն էր։ Առաջին համաշխարհային պատերազմի տարիներուն ապաստաններ կառուցած է հայ գաղթականներու համար։

Խորհրդային կարգերու հաստատումէն ետք, Արամեանցը կորսնցուցած է իր գրեթէ ամբողջ կարողութիւնը։ Հարստութիւնէ եւ դիրքէն զրկուելով 1924 թուականին մահացած է սովի ու աղքատութեան մէջ։

Արամեանցը թաղուած է հայկական Խոճիվանքի Գերեզմանատունին մէջ։ Ստալինեան ժամանակաշրջանին գերեզմանատունն աւերած են, իսկ 1990-ական թուականներուն գերեզմանատունին տեղը շինած են վրացական Սամեպա տաճարը։ Կատարուած հողային աշխատանքներու հետեւանքով հարիւրավոր աճիւններ, այդ թիւին նաեւ Արամեանցինը, ոչնչացուած են։

Պատկերներ

Միքայէլ Արամեանցը Ախթալայի Իր Տան Մէջ

Ծանօթագրութիւններ

↑ «Հայաստանի Լքուած Վայրերէն` Միքայէլ Արամեանցի Դղեակը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2020-09-10։ արտագրուած է՝ 2020-10-29
↑ «Archive copy»։ արխիւացուած է բնօրինակէն-էն՝ 2018-01-01-ին։ արտագրուած է՝ 2018-01-01
↑ «Ո՞վ է Միքայել Արամյանցը.»։ Ankakh։ 22 Սեպտեմբեր 2010։ արխիւացուած է բնօրինակէն-էն՝ 2013-07-18-ին։ արտագրուած է՝ 2018-01-01

[1] «Հայաստանի Լքուած Վայրերէն` Միքայէլ Արամեանցի Դղեակը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2020-09-10։ արտագրուած է՝ 2020-10-29

[2] «Archive copy»։ արխիւացուած է բնօրինակէն-էն՝ 2018-01-01-ին։ արտագրուած է՝ 2018-01-01

[3] «Ո՞վ է Միքայել Արամյանցը.»։ Ankakh։ 22 Սեպտեմբեր 2010։ արխիւացուած է բնօրինակէն-էն՝ 2013-07-18-ին։ արտագրուած է՝ 2018-01-01

[1]

[2]

[3]