Միթիքաս (լեռնագագաթ)

Միթիքաս
Լեռնագագաթ
	Միթիքաս
	Μύτικας (βουνοκορφή)
	Միթիքաս․ Ողիմպոս լերան բարձրագոյն գագաթը
Երկիր	Յունաստան
ԲԾՄ	2917․727 մ

Միթիքաս (յուն․՝ Μύτικας)․ Յունաստանի Ողիմպոս լերան բարձրագոյն գագաթն է, իսկՊալքանիոյ թերակղզիին՝ երկրորդը։ Բարձրութիւնը յետ բծախնդիր ուսումնասիրութիւններու 2917,27մ․ է։

Տեղեկութիւններ

Միթիքաս կոր գագաթ է եւ Սթեֆանի գագաթին հետ՝ Ողիմպոսին 3-րդ գագաթը, կարծես կը կազմեն եռանկիւնի մը երկու կողմերը։

Միթիքան ըլլալով Ողիմպոսին բարձրագոյն գագաթը, ծանօթ է որպէս երկոտասան աստուածներուն բնակարանը, իսկ Սթեֆանի գագաթը որպէս Զեւսին գահը։

Լեռնագնացութիւն

Հակառակ անոր թէ Միթիքաս բարձրագոյն գագաթն է, անոր մագլցումը աւելի դիւրին է բաղդատմամբ երկրորդ գագաթին՝ Սթեֆանիին։

Միքիթաս մեծ ժողովրդականութիւն կը վայելէ։ Շնորհիւ լերան առասպելական հմայքին, աշխարհի չորս ծագերէն մագլցողներ, լեռնագնացներ կը ներգրաւէ։ Երկու արահետները՝ Սքալա-Քաքոսքալա եւ Զոնարիոն-Լուքիու, կը պատկանին E4 Եւրոպական Արահետին: