Ճոն Լենըն
| Ճոն Լենըն |
|---|
Ճոն Լենըն (անգլերէն՝ John Lennon, 9 Հոկտեմբեր 1940 - 8 Դեկտեմբեր 1980), բրիտանացի երգահան, երգիչ։
Լենըն եւ Պիթըլզը[Խմբագրել | Խմբագրել աղբիւրը]
Ճոն Ուինսթըն Օնօ Լենըն, ծնած է 9 Հոկտեմբեր 1940-ին՝ Լիվրփուլի մէջ եւ սպաննուած 8 Դեկտեմբեր 1980-ին՝ Նիւ Եորք։ Եղած է մեծ անգլիացի երաժիշտ, հեղինակ-երգահան, երգիչ եւ յօրինող[1][2] : Ազդուած է իր երիտասարդ տարիքէն ռոք ն ռոլլէն։ Հիմնադիրն էր Պիթըլս (Beatles) խումբին, որ միջազգային հռչակ ունի։ Խումբը հմնուած է 1960-ին, անդամներն են՝ Փոլ Մըգգարթնի (Paul McCartney), Ճորճ Հարիսըն (George Harrison), Րինկօ Սդար (Ringo Star) եւ Ճոն Լենընը (John Lennon): 1960-1970-ական թուականներուն, ուր Պիթըլզ խումբը կը հասնի իր հռչակի գագաթնակէտին։ Սակայն, 1970-ին խումբը կը բաժնուի եւ Լենըն անձնական գործերով կը սկսի զբաղուիլ ։ Լենըն ճանչցուած է իր հակա-պատերազմի կեցուածքով։ Հարցազրոյցի մը ընթացքին, ան քննադատած է Վիէթնամի պատերազմը։
Կենսագրութիւն[Խմբագրել | Խմբագրել աղբիւրը]
.jpg)
Իրլանտական ծագումով ծնողներն էին՝ Ալֆրէտ Լենըն եւ Ճիւլիա Սթանլին: Ճոն իր կրթութիւնը ստացած է Միմի Սմիթ, Ճիւլիայի քրոջը տունը եւ Միմին Ճոնը համարած է իբրեւ իր իսկական զաւակը։ 1962-էն 1968 ամուսնացած էր Սինթիա Բոուէլի հետ եւ ունեցած մէկ զաւակ՝ Ժուլիան Լենըն: Իսկ 1969 էն ամուսնացաւ Եոքօ Օնոյի հետ միասին ապրեցան մինչեւ 1980 եւ ունեցան 1 զաւակ՝ Շան Լենըն:
1952-էն 1957 յաճախած է Կարի Պանք աւագ դպրոցը։ 16 ամեայ Ճոնը կը հիմնէ Քարիմէն խումբը, ուր կը ծանօթանայ Փոլին։ 1958-ին Ժորժ կը միանայ խումբին եւ աւելի ուշ խումբին անունը կը դառնայ Տը Պիթըլզ: Յաղթահարելով բազմաթիւ խնդիրներ անոնք աշխարհահռչակ կը դառնան։
Նոյեմբեր 1968-ին, Ճոն Լենըն կը հրատարակէ մեներգ 3 ալպոմ՝ «Give Peace a Chance»: Սեպտեմբեր 1969, Լենըն կը յայտարարէ իր մեկնումը Տը Պիթլզ խումբէն։ Հոկտեմբեր ամսուն, ան կը հրատարակէ իր 2-րդ մեներգ ձայնասկաւառակը՝ «Cold Turkey»: 1970-ին կը հրատարակէ «Instant Karma»-ն իր 3-րդ մեներգ ձայնասկաւառակը։
8 Դեկտեմբեր 1980, Նիւ Եորքի մէջ կը սպաննուի համակիրի մը կողմէ։
Ծանօթագրութիւններ[Խմբագրել | Խմբագրել աղբիւրը]
- ↑ Сайт «Liverpool Lennons»(անգլերէն)
- ↑ Дэвис Х. The Beatles: авторизованная биография (пер. с англ.) М.: «Радуга», 1990.