Հայք (թերթ)
| Հայք | |
|---|---|
| Լեզու | հայերէն |
«Հայք», հայկական քաղաքական եւ հասարակական շաբաթաթերթ։ Առաջին համարը լոյս տեսած է 4 Նոյեմբեր 1989-ին՝ ՀՀՇ առաջին համագումարի օրը։ Թերթը հայաստանեան առաջին ոչ կոմունիստական թերթն էր, որ տպագրուեցաւ մեծ տպաքանակով եւ ոչ ինքնահրատ եղանակով։
Թերթի առաջին գլխաւոր խմբագիրը «Ղարաբաղ» կոմիտէի անդամ Սամուէլ Գէորգեանն էր։ Թերթը կարճ ժամանակահատուածի մէջ խմբագրած են նաեւ նոյն կոմիտէի անդամներ Վանօ Սիրադեղեանը եւ Ալեքսան Յակոբեանը։
1990-ականներու սկիզբը «Հայք»ին մէջ տպագրուած են ճանաչուած շատ գործիչներ, ինչպէս եւ ՀՀ առաջին նախագահ Լեւոն Տէր-Պետրոսեանը, Ռաֆայէլ Իշխանեանը, Վազգէն Մանուկեանը եւ այլք։
«Հայքը» ըլլալով ՀՀՇ պաշտօնաթերթ, ազատ էր եւ այստեղ տեղի կ՚ունենար մտքերու բախում, կառուցողական քննարկում։ Թերթը տարբեր տարիներուն խմբագրած են Վասակ Դարբինեանը, Արծրուն Պէպանեանը, Յասմիկ Պոդոսեանը, Վարդգէս Դաւթեանը, Տիգրան Յակոբեանը, Արմէն Բաղդասարեանը, Գեղամ Նազարեանը։
1998-ի սկիզբները «Հայքը» օրաթերթը վերածուեցաւ շաբաթաթերթի, որու գլխաւոր խմբագիր նշանակուեցաւ Տիգրան Յակոբեանը։ Անոր հետ թերթին կ՚աշխատէին եւ կը տպագրէին Արմէն Բաղդասարեանը, Արայիկ Մանուկեանը, Գեղամ Նազարեանը, Արտակ Գնունին, Մհեր Արշակեանը, Նայիրա Զոհրաբեանը, Նելլի Գրիգորեանը, Նորայր Պօղոսեանը, Անահիտ Ադամեանը։ Մինչեւ 1999 թ. կեսերը «Հայք» շաբաթաթերթը հայաստանեան ամենամեծ հեղինակութիւն ունեցող եւ վաճառուող պարբերականներէն էր։
Ֆինանսական խնդիրներու պատճառով թերթի տպագրութիւնը դադրեցաւ Յունիս 1999-ին։ Տպագրութիւնը վերսկսաւ Սեպտեմբեր 2006-էն։ Այս գործին մէջ հսկայական ներդրում ունեցաւ Արարատ Զուրաբեանը, որ այն ժամանակ կը զբաղեցնէր ՀՀՇ վարչութեան նախագահի պաշտօնը։ «Հայքը» կը խմբագրէր Վասակ Դարբինեանը, իսկ 2008 թ. Գեղամ Նազարեանը։
Կրկին ֆինանսական խնդիրներու պատճառով թերթի տպագրութիւնը դադրեցաւ Յուլիս 2010-էն։