Կիորկի Մարկուելաշվիլի

Կիորկի Մարկուելաշվիլի վրաց.՝ გიორგი მარგველაშვილი
Ծնած է	4 Սեպտեմբեր 1969
Ծննդավայր	Թպիլիսի, Վրացական ԽԸՀ
Քաղաքացիութիւն	Կաղապար:Country data ԽՍՀՄ Խորհրդային միութիւն Կաղապար:Country data Վրաստան Վրաստան
Կրօնք	Քրիստոնեայ
Ուսումնավայր	Կենտրոնական եվրոպական համալսարան?, Թիֆլիսի Պետական Համալսարան և Վրաստանի Գիտութիւններու Ազգային Ակադեմիա
Մասնագիտութիւն	քաղաքական գործիչ և փիլիսոփայ
Վարած պաշտօններ	Վրաստանի նախագահ? և Վրաստանի կրթության և գիտության նախարար?
Կուսակցութիւն	անկախ քաղաքական գործիչ? և Վրացական երազանք
Ամուսին	Մակա Չիչուա?
Կայքէջ	president.gov.ge
Ստորագրութիւն

Կիորկի Մարկուելաշվիլի (վրաց.՝ გიორგი მარგველაშვილი, ծն. 4 Սեպտեմբեր 1969), վրացի քաղաքական գործիչ, Պիծինա Իւանիշվիլիի հիմնադրած «Վրացական երազանք - Ժողովրդավարական Վրաստան» կուսակցութեան անդամ է եւ Վրաստանի 4-րդ նախագահը։ Ունի փիլիսոփայի մասնագիտութիւն, եղած է Վրաստանի հանրային գործերու համալսարանի գլխաւորը (2000-2006, 2010-2012) եւ Վրաստանի կրթութեան եւ գիտութեան նախարարը (2012-2013) ։

2013 թուականի Հոկտեմբեր 27-ին Վրաստանին մէջ կայացած նախագահական ընտրութիւններուն յաղթանակ տարած է Միխայիլ Սահակաշվիլիի հիմնադրած «Միացեալ ազգային ճակատ» կուսակցութեան առաջադրած Դաւիթ Պաքրաձէի նկատմամբ եւ Վրաստանի 4-րդ նախագահը դարձած է։

Կը տիրապետէ անգլերէնի եւ ռուսերէնի։

Չէ ամուսնացած։ Ունի մէկ դուստր։

Կրթութիւն եւ ակադեմական ասպարէզ

Կիորկի Մարկուելաշվիլի ծնած է Թիփխիս (Թպիլիսի), ճարտարագէտ Թէյմուրազ Մարկուելաշվիլիի (ծնեալ՝ 1938) եւ հոգեբան Մզէանա Կոմելաուրիի (ծնեալ՝ 1933) ընտանիքին մէջ: Մարկուելաշվիլի 1992-ին աւարտած է Թիփխիսի պետական համալսարանը՝ փիլիսոփայութեան վկայականով: Ան իր յետընթացաւարտ (post-graduate) կրթութիւնը շարունակած է Պուտափեշտի (Հունգարիա) Կեդրոնական եւրոպական համալսարանին մէջ (1993–1994), ինչպէս նաեւ Վրաստանի Գիտութիւններու ակադեմիայի Փիլիսոփայութեան հիմնարկին մէջ (1993–1996): 1998-ին ան ստացած է փիլիսոփայութեան դոկտորի կոչում Թիփխիսի պետական համալսարանէն: 1990-ականներու սկզբնաւորութեան ան աշխատած է որպէս լեռնագնացութեան ուղեցոյց «Caucasus Travel» գործակալութեան մօտ:

1995-ին ան միացած է Ազգային ժողովրդավարական հիմնարկի (National Democratic Institute) թիփխիսեան գրասենեակին որպէս ծրագիրներու խորհրդատու եւ հոն աշխատած է մինչեւ 2000 թուականը, որմէ ետք անցած է Վրաստանի հանրային գործերու հիմնարկ (Georgian Institute of Public Affairs)՝ վրաց-ամերիկեան համատեղ կրթական հաստատութիւն մը: Մարկուելաշվիլի երկու անգամ վարած է նոյն հիմնարկի տնօրէնի (rector) պաշտօնը՝ 2000-էն 2006-ին եւ դարձեալ 2010-էն 2012-ին: Իր երկու պաշտօնավարութիւններու միջեւ ինկած շրջանին (2006–2010), ան գլխաւորած է հետազօտական բաժանմունքը: Այդ տարիներուն ան յաճախ հանդէս եկած է որպէս Վրաստանի քաղաքականութեան եւ հասարակութեան հարցերով մեկնաբան: