Կարօ Աբրահամեան
Կարօ Աբրահամեան, մատենագէտ եւ բանասէր։
Կենսագրութիւն
[Խմբագրել | Խմբագրել աղբիւրը]Ծնած է Իսթանպուլ։ Նախակրթութիւնը ստացած է ծննդավայրին, իսկ երկրորդական եւ համալսարանական ուսումը Պէյրութի մէջ։ Մասնագիտացած է առեւտրական վարչագիտութեան եւ տնտեսագիտական պատմութեան ճիւղերուն մէջ։
Աշխատակցած է Իսթանպուլահայ եւ Պէյրութահայ մամուլին, գրականագիտական, մատենագիտական, բանասիրական եւ թարգմանական յօդուածներով։
Աշխատակցած է Մարմարա, Զարթօնք, Արարատ օրաթերթերուն, Շիրակ, Բագին, Ջանասէր, Դիտակ ամսաթերթերուն. Հայկազեան Հայագիտական հանդէսին եւ Հասկ Հայագիտական Տարեգիրքին։
Խմբագրական աշխատանքով աջակցած է
[Խմբագրել | Խմբագրել աղբիւրը]- Շիրակ գրական ամսաթերթի Զարեհ Խրախունիի նուիրուած բացառիկ համարին (Շիրակ ԽԱ. Տարի, թիւ 4-6, Ապրիլ-Յունիս 1997)։
- Լեւոն Վարդանի Արեւմտահայութիւնը Տնտեսական Յարաբերութիւններու ճամբուն Վրայ (Պէյրութ, 1998)։
- «Արաս Հրատարակչատուն»ի հրատարակած Գէորգ Բամպուքճեանի թրքերէն լեզուով ամբողջական գործերուն Ա., Բ. եւ Դ. հատորներուն (Իսթանպուլ, 2002-2003)։
Հրատարակուած գործեր
[Խմբագրել | Խմբագրել աղբիւրը]Բանասիրական-մատենագիտական աշխատանք
[Խմբագրել | Խմբագրել աղբիւրը]- «Վաղահաս Ու Անփոխարինելի Կորուստ Մը՝ Գէորգ Բամպուքճեան (1923-1996)» - առանձնատիպ՝ Հասկ Հայագիտական Տարեգիրքի) (Է.-Ը. տարի, 1995-1996)։
- «Մատենագիտական ցանկ Լեւոն Վարդանի առանձին հատորով լոյս տեսած գործերուն եւ պատմաբանասիրական յօդուածներուն» - առանձնատիպ՝ Հայկազեան Հայագիտական Հանդէսի (ԺՆ. տարի, 1998)։
խմբագրական աշխատանք
[Խմբագրել | Խմբագրել աղբիւրը]- Լեւոն Վարդանի Հարկերը Օսմանեան Եւ Պարսկական Կայսրութիւններուն Մէջ. ԺԵ.-Ի. Դար. Ա. հատոր. Ա.-Ի. - Երեւան, 2004։
Աղբիւրներ
[Խմբագրել | Խմբագրել աղբիւրը]- Ժամանակակից Իսթանպուլահայ Գրողներ, Կարօ Աբրահամեան, Ա. հատոր, Անթիլիաս 2004, էջ 554։
Արտաքին յղումներ
[Խմբագրել | Խմբագրել աղբիւրը]- «Ժամանակակից Իսթանպուլահայ գրողներ» գործի Ա. հատորին հրատարակման առիթով ընթերցման հանդիպում (Պէյրութ): Archived 2016-03-04 at the Wayback Machine.