Կատուի Օր

Jump to navigation Jump to search
Աղչոկ եւ կատուն

Կատուի օր (կատուներու օր), ոչ պաշտօնական տօն կատուներու պատուին, որ կը նշուի ամբողջ աշխարհին մէջ։ Այդ օրը մարդիկ կը մեծարեն այդ կենդանիներու արժանիքները, ցոյց կու տան իրենց յարգանքն ու սէրը:

2002-էն ի վեր՝ կատուներու միջազգային օր ճանչցուած է 8 Օգոստոսը: Անոր նախաձեռնողը Կենդանիներու պաշտպանութեան միջազգային հիմնադրամն է[1]։ Որոշ երկիրներու մէջ կատուներու օրը կը նշուի այլ օրերու:

Օրուան տօնելը տարբեր երկիրներու մէջ[Խմբագրել | Խմբագրել աղբիւրը]

Ռուսաստանի մէջ կատուներու օրը կը նշուի 1 Մարտին[2][3]։ Առաջին անգամ տօնը Ռուսաստանի մէջ կազմակերպուած է 2004-ին կատուներու մոսկովեան թանգարանի եւ «Կատու եւ շուն» (ռուս.՝ «Кот и пёс») ամսագրի եւ թերթի խմբագրութեան կողմէ:

ԱՄՆ-ի մէջ Կատուի օրը 29 Հոկտեմբերն է։ Ըստ Կատուի ազգային օրուան կայքի[4]՝ տօնը կը նշուի 2005-էն՝ կենդանիներու նկատմամբ դաժան վերաբերմունքի կանխարգիլման ամերիկեան ընկերութեան աջակցութեամբ[5][6]։

Ճափոնի մէջ կատուի օրը կը նշուի 22 Փետրուարին։ Այդ պայմանաւորուած է այն հանգամանքով, որ ճափոներէնին մէջ կատուի մլաւոցը կը հնչէ իբրեւ «նեան-նեան-նեան»։ «Նեանը» կրնայ նաեւ նշանակել «երկու», իսկ «երկու-երկու-երկու» բառաշարքը կարելի է գնահատել իբրեւ 22 Փետրուարի։ Այդ օրը Թոքիօյի մէջ տեղի կ՚ունենայ կատուներու օրուան փառատօնը, ուր կատուները մրցանակներ կը շահին ամենաիւրայատուկ պահուածքի համար։ Տօնը տեղի կ՚ունենայ 1987-էն, երբ հարցման արդիւնքներու հիման վրայ այն առաջին անգամ կազմակերպեց կատուներու օրուան գործադիր կոմիտէն՝ կերի արտադրութեան կազմակերպութեան հետ համատեղ[7]։

Լեհաստանի մէջ կատուի օրը կը նշուի 17 փետրուարին։ Տօնի մասնակիցները կը խաղան բրդեայ կծիկներով եւ օրուան աւարտին բոլորը կը յայտնուին գունաւոր թելերով փաթաթուած վիճակով[8]։

Իտալիոյ մէջ 17 նոյեմբերին կը տօնեն սեւ կատուի օրը (խուզարկութեան ժամանակ զանոնք կ՚ոչնչացնուէին, քանի որ նման կատուներուն կը համարէին սատանայի օգնականներ)[8]։

Իւրաքանչիւր երեք տարին մէկ՝ Մայիսի երկրորդ Կիրակի օրը, Պելճիքայի Իբր քաղաքին մէջ տեղի կ՚ունենայ կատուներու շքերթ[8]։

Ծանօթագրութիւններ[Խմբագրել | Խմբագրել աղբիւրը]

  1. International Cat Day 2014: Cat Lovers Worldwide Celebrate Feline Obsession, International Business Times, IBT Media Inc. (9 August 2014). Дата обращения 10 августа 2014.
  2. http://womanadvice.ru/
  3. 1 марта в России отмечают День кошек
  4. NationalCatDay.com
  5. Editors of Chase's Calendar of Events. Chase's Calendar of Events, 2011 Edition : The Ultimate Go-to Guide for Special Days, Weeks and Months: The Ultimate Go-to Guide for Special Days, Weeks and Months. — McGraw Hill Professional, 9 сентября 2010. — «NATIONAL CAT DAY. Oct 29. Every year approximately 4 million cats enter shelters—and 1–2 million are euthanized. Often cats are overlooked and under-appreciated because they don't usually have jobs like dogs. Yet cats still lower blood ...». — ISBN 978-0-07-174027-2.
  6. Visser, Nick. National Cat Day 2013: It's Time To Celebrate Our Feline Pals, Huffingtonpost.com (October 29, 2013). Дата обращения 29 октября 2013.
  7. 22 февраля
  8. 8,0 8,1 8,2 Когда празднуется день кошек?