Լեֆքա Օրի (լեռնաշղթայ)

Jump to navigation Jump to search
Լեֆքա Օրի, համայնապատկեր

Լեֆքա Օրի (Λευκά Όρη) կամ Մատարես (Μαδάρες) լեռնաշղթայ. Լեֆքա Օրի այսինքն՝ Սպիտակ Լեռներ: Լեֆքա Օրի լեռնաշղթան կը գտնուի արեւմտեան Կրետէ եւ կ՛ ընդգրկէ 35 քմ․ լայնութեամբ եւ 60 քմ․ երկարութեամբ տարածք մը։  Ամենաբարձր գագաթն է Փահնես (2453 մ․)։

Լեֆքա Օրի լեռնաշղթան տիեզերքէն դիտուած․ նկար՝ NASA

Աշխարհագրութիւն[Խմբագրել | Խմբագրել աղբիւրը]

Դիրքը[Խմբագրել | Խմբագրել աղբիւրը]

Լեֆքա Օրի լեռնաշղթան կը գտնուի Կրետէ կղզիին արեւմտեան մասը։  Կը գրաւէ Խանիա նահանգին գրեթէ ամբողջ տարածքը եւ Րեթիմնօ նահանգին արեւմտեան մասը։

Երկրակազմախօսութիւն[Խմբագրել | Խմբագրել աղբիւրը]

Լեռնաշղթային հարթ մակերեսին վրայ կը ձեւաւորուին բազմաթիւ լեռնադաշտեր, որոնցմէ գլխաւորներն են Օմալոս եւ Ասքիֆոս, բազմաթիւ կիրճեր, որոնցմէ ամենածանօթն է Սամարիա Կիրճը, ինչպէս նաեւ անթիւ ձորեր, քարայրներ, անդունդներ, աւազաններ, վիհեր եւ ճեղքեր։

Սամարիա կիրճ

Գագաթներ[Խմբագրել | Խմբագրել աղբիւրը]

Լեֆքա Օրի լեռնաշղթան ունի բազմաթիւ գագաթներ, որոնցմէ 58-ն 2000 մեթրէն բարձր են։  Ամենաբարձր գագաթներն են՝ Փահնես (2454,54), Թրոհարիս (2401), Մես Սորոս (2397) եւ Տիփլի թոտորի (2377)։

Յատկանշական է բարձր գագաթներով շրջապատուած ներքին բարձրաւանդակը՝ 1800 – 2100 մեթր բարձրութեամբ։

Կլիմա[Խմբագրել | Խմբագրել աղբիւրը]

Ամառը չոր է եւ անջրդի։  Սակայն մնացեալ եղանակներուն անձրեւները յաճախակի են։

Մագլցում[Խմբագրել | Խմբագրել աղբիւրը]

Լեռնաշթան մագլցելու համար, կան բազմաթիւն անցքեր, սակայն ամենապահովները կը գտնուին հիւսիսային կողմը։

Մարդու ներկայութիւնը[Խմբագրել | Խմբագրել աղբիւրը]

Հնագիտական պեղումները կը փաստեն թէ Նոր Քարէ Դարի շրջանէն, մարդը հոն բնակութիւն հաստատած է։ Լեռնաշղթան եղած է նաեւ կրետացի յեղափոխականներու ապաստան եւ ապստամբութիւններու մեկնակէտ։

[1] [2] [3]

Տե՛ս նաեւ[Խմբագրել | Խմբագրել աղբիւրը]

Կրետէ

Իրաքլիօ

Քրի-քրի

Փսիլորիթրս

Ծանօթագրութիւններ[Խմբագրել | Խմբագրել աղբիւրը]