Իզոլա Պելլա

	Իզոլա Պելլա; իտալ.՝ Isola Bella
	; Իզոլա Պելլա կղզիին տեսքը
Կոորդինատներ
	45°53′43″N 8°31′37″E / 45.89538°N 8.52708°E
Երկիր	Իտալիա
Կղզեխումբ	Պորոմէեան կղզիներ
	Կաղապար:Տեղորոշման քարտեզ
	Վիքիպահեստում

Իզոլա Պելլա (իտալ.՝ Isola Bella՝ «գեղեցիկ կղզի»), Իտալիոյ կղզիներէն մէկը։ Կը գտնուի Մաճորէ լիճին ( Lago Maggiore) մէջ^[1]: Տեղակայուած է Սթրեզայ քաղաքին հակառակ ուղղութեամբ։

Աշխարհագրութիւն

Կղզին շատ փոքր է․ երկայնքը 320 մեթր է, լանքը՝ 400 մ։ Ամբողջ տարածքը կը զբաղեցնեն Պորոմէօ դղեակն (The Rocca Borromeo di Angera) ու անոր կից այգին։

Պատմութիւն

Այս ժայռոտ կղզին ազնուական խաւին ուշադրութիւնը կը գրաւէ 1632-ին, երբ Քարլօ Գ. կը սկսի կառուցել իր նստավայրը^[2], զոր կը նուիրէ իր կնոջ՝ Իզապելլային։ Նստավայրին կառուցողական աշխատանքներով կը զբաղի Անճելօ Քրիվելլին (Angelo Crivelli), իսկ այգին կը կառուցէ Քարլօ Ֆոնթանան (ԺԷ. դարուն)։

ԺԸ. դարուն կը կառուցուի նաեւ տեղի թատրոնը, որ կը գրաւէ ողջ Եւրոպայի ուշադրութիւնը։

Հոս կը հիւրընկալուին Անգլիական լորտերը, Նափոլէոնը եւ Ժոզեֆինան, պատմաբան Էտուարտ Գիբբոնը։ Կղզին ունի նաւու մը տեսքը։ Մինչ օրս կղզիին վրայ պարբերաբար կը կազմակերպուին դասական երաժշտութեան միջոցառումներ։

Պորոմէօ Պալատը

Պորոմէօ պալատը կառուցած են ճարտարապետներ՝ Ֆրանչեսքօ Քասթելլին, Ֆիլիփփի Կագնոլան եւ Քարլ Ֆոնթանան լոմպարտինեան վաղ պարոքքօ ոճով։ Ներկայիս պալատը օժտուած է թանգարանով մը։ Ներքին կահաւորանքը պարոքքօ ոճով է, սենեակները զարդարուած են նկարներով, քանդակներով, հին կահոյքով։ Թանգարանին մէջ կը գտնուին Նափոլէոնի. Լուքա Ճորտանոյի եւ այլ սրահներ։

Թանգարանը ունի մանուկներու հագուստեղէնի եւ խաղալիքներու յատուկ բաժին մը, կառուցուած՝ 1988-ին^[3]:

Առաստաղը կառուցուած է նեոդասականութեան ոճով։ Պալատին ստորին թատերայարկին մէջ կայ խեցիներով զարդարուած վեց քարայր։

Այգին

Անգլիական այգիին մօտ կը գտնուի իտալական այգին, որ կառուցուած է վաղ շրջանի պարոքքօ ոճով։ Անիկա 10 սանդխափուլ ունեցող փոքրիկ յենահարթակ մըն է՝ զարդարուած որմնախորշերով եւ շատրուաններով: Յաւերժահարսերու քանդակները կը կազմեն իւրօրինակ կախուած այգի մը։ Այգիին մէջ կ'աճին տարաշխարհիկ բոյսեր։ Յենահարթակին վերնամասին՝ 34մ բարձրութեան վրայ վեր կը խոյանայ միաեղջիւրը՝ Պորոմէօ ընտանիքին խորհրդանիշը։

Կախուած այգին
Այգիին տեսքը

Ծանօթագրութիւններ

[1] Բրոքհաուսի եւ Եփրոնի հանրագիտական բառարան

[2] Բորոմեյյան կղզիներէն մէկը` Իզոլայ Բելլան

[3] «Խաղալիքներու թանգարանը»։ արխիւացուած է բնօրինակէն-էն՝ 2022-01-16-ին։ արտագրուած է՝ 2022-01-16

[1]

[2]

[3]