Թորգոմ Փօսթաճեան

Թորգոմ Փօսթաճեան
Ծնած է	1 Մարտ 1926(1926-03-01)
Ծննդավայր	Վանք, Թուրքիա
Մահացած է	21 Յուլիս 2023(2023-07-21) (97 տարեկանին)
Մասնագիտութիւն	հասարակական գործիչ, հոգեւորական
Աշխատավայր	Ազգային Մեսրոպեան վարժարան

Թորգոմ Փօսթաճեան (աւազանի անունով` Արամ, 1 Մարտ 1926(1926-03-01), Վանք, Թուրքիա - 21 Յուլիս 2023(2023-07-21)), գրական, հասարակական, եկեղեցական գործիչ։ Լոս Անճելըսի հայ գրողներու միութեան ատենապետ (1994—2000):

Կենսագրական գիծեր

Ծնած է Արաբկիրի Վանք գիւղը։ Ընտանիքին հետ Հալէպ փոխադրուած է 1930֊ին։ Յաճախած է Կիւլպէնկեան եւ Ուսումնասիրաց վարժարանները։ Այնուհետեւ դարձած է Անթիլիասի Դպրեվանքի սան` աւարտելով անոր ուսման եօթնամեայ շրջանը։ Ձեռնադրուած է կուսակրօն քահանայ` ստանալով Թորգոմ անունը։ Եղած է գաւազանակիրը Յովսէփեանց Գարեգին Ա.կաթողիկոսին։ 1950-55 հովուական ծառայութեան կոչուած է Ամերիկա՝ Պոսթըն։

Փօսթաճեան հրաժարած է կուսակրօնութենէ։ Ան կազմած է ընտանիք եւ ունեցած՝ 3 զաւակ։

Ան սերտօրէն կապուած մնացած է ազգային կեանքին։ 1965֊1974 վարած է տնօրէնութիւնը ամերիկահայոց երկրորդ ամէնօրեայ դպրոցին` Ազգ. Մեսրոպեան վարժարանին, որուն բուն հիմնադիրը եղած է։

Աշխատութիւններ

Հրատարակած է ի պատմուածքներու 2 ժողովածու․

• «Անհանգրուան տարագիրներ» (1982),
• «Սէրը եւ իր այլակերպութիւնները» (1988)։

Հեղինակ է նաեւ․

• «Յուշամատեան՝ ձօնուած բանաստեղծ գրագէտ Լեւոն Զաւէն Սիւրմէլեանի յիշատակին» (1996),
• «Հայաստանեայց եկեղեցին եւ միաները» (2002, 2005 թուականին՝ նաեւ անգլերէն),
• «Քննադատութիւն եւ փաստաթուղթ» (2006),
• «Ականաւոր հայ գրական դէմքեր» (2006) ուսումնասիրութիւններու։

Իբրեւ բարերար

Կատարած է կարեւոր բարերարութիւն մը. Հայաստանի Արարատի մարզի Բաղրամեան գիւղին մէջ շինել տուած է դպրոց մը, որ կը կրէ իր անունը։