Թարգմանիչի Միջազգային Օր
| Թարգմանիչի Միջազգային Օր | |
|---|---|
 | |
| Տեսակ | միջազգային օր |
| Ամսաթիւ | 30 Սեպտեմբեր |
| Հաստատուած | 1953 |
| Անուանուած է | թարգմանութիւն |
| Հիմնադիր | International Federation of Translators? |
Թարգմանիչի միջազգային օր (Journée mondiale de la traduction, International Translation Day), բանաւոր եւ գրաւոր թարգմանիչներու մասնագիտական տօն: Կը նշուի 30 Սեպտեմբերին Սուրբ Երոնիմոս Սոֆրոնիոսի մահուան օրը՝ 419 կամ 420 թուականին, որ կատարած է Աստուածաշունչի ամբողջական թարգմանութիւնը լատիներէն լեզուով (արդիւնքով առաջացած են «Վուլգաթները»), որու կապակցութեամբ աւանդաբար կը համարուի թարգմանիչներու հովանաւորը: Տօնը պաշտօնապէս հիմնուած է Թարգմանիչներու միջազգային դաշնութեան (FIT) կողմէ 1991-ին։ Այս տօնի ժողովրդականութիւնը կ՚աճի ամէն տարի:
2017-ին ՄԱԿ-ի Գլխաւոր Ժողովը 71-րդ նստաշրջանին միաձայն ընդունած է համար A/RES/71/288 բանաձեւը[1], ուր կը ճանչցուի ժողովուրդներու միաւորման, խաղաղութեան, ըմբռնման եւ զարգացման գործին մէջ մասնագիտական թարգմանութեան դերը, իսկ 30 Սեպտեմբերը կը յայտարարուի ՄԱԿ-ի շրջանակներուն մէջ նշուող թարգմանութեան միջազգային օր[2]:
Տօնի կարգախօսներ[Խմբագրել | Խմբագրել աղբիւրը]
2004-ին տօնը կը նշուէր «Թարգմանութիւնը բազմալեզու եւ մշակութային բազմազանութեան հիմքն է» կարգախօսով (ՄԱՖ)։
«Թարգմանիչները մշտապէս կապի գործընթացի կեդրոնին մէջ են: Իբրեւ գաղափարներու եւ գործողութիւններու արտաքին առաջնորդներ՝ անոնք մասամբ կը ձեւաւորեն այն աշխարհը, ուր մենք կ՚ապրինք: Թարգմանութիւնը, այս եղանակով, բազմալեզու հաղորդակցութիւնը որոշող գործօն է, եւ միեւնոյն ժամանակ կը խորհրդանշէ մարդոց հանդէպ բաց ըլլալը եւ ժողովրդավարութեան զարգացումը»: (2004 ՄԱՖ-ի մամլոյ հաղորդագրութենէն):
2005-ին տօնը կը նշուէր «Թարգմանիչի պատասխանատուութիւնը մասնագիտութեան եւ հասարակութեան առջեւ» կարգախօսով (ՄԱՖ):
2006-ին այն կը նշուէր «Շատ լեզուներ մէկ մասնագիտութիւն են» կարգախօսով:
2007-ին այն կը նշուէր «Մի կրակէք սուրհանդակի վրայ» կարգախօսով:
2008-ին այն կը նշուէր «Տերմինաբանութիւն. բառերը նշանակութիւն ունին» կարգախօսով:
2009-ին Թարգմանիչի միջազգային օրը կը նշուէր «Աշխատում ենք միասին» կարգախօսով:
2010-ին Թարգմանիչի միջազգային օրը նշուած է Ռուսաստանի թարգմանիչներու միութեան կողմէ առաջարկուած «Որակի հիմնաբափը բազմաձայն աշխարհին մէջ» կարգախօսով (անգլերէն՝ Quality Standard for a Variety of Voices):
2011-ին այդ օրը կը նշուէր «Մշակոյթներու միջեւ կամուրջներու կառուցում» կարգախօսով (անգլ.՝ Bridging Cultures)[3]:
2012-ին այն նշուած է «Թարգմանութիւնը որպէս միջմշակութային կապ» կարգախօսի ներքոյ»:
2013-ին այդ օրը կը նշուէր «Միասնական աշխարհը լեզուաբանական արգելքներէն դուրս» կարգախօսով (անգլ.՝ Beyond Linguistic Barriers — A United World):
2014-ին այս օրը կը նշուէր «Լեզուի իրաւունք. բոլոր մարդկային իրաւունքներու հիմքը» կարգախօսով (անգլ.՝ Language Rights: Essential to All Human Rights)[4]:
2015-ին այս տօնը կը նշուէր «Բանաւոր եւ գրաւոր թարգմանութեան փոփոխուող դիմագիծը» կարգախօսով (անգլ.՝ The changing face of translation and interpretation)[5]:
2016-ին ընտրուած է «Բանաւոր եւ գրաւոր թարգմանութիւն. միացնելով աշխարհները» կարգախօսը (անգլ.՝ Translation and Interpreting: Connecting Worlds):
2017-ին՝ «Թարգմանութիւն եւ բազմազանութիւն» (անգլ.՝ Translation and Diversity):
2018-ին Թարգմանիչի միջազգային օրը կը նշուի «Թարգմանութիւն. մշակութային ժառանգութեան զարգացման նպաստելը փոփոխութիւններու դարաշրջանին» կարգախօսով (անգլ.՝ Translation: promoting cultural heritage in changing times)[2]:
Ծանօթագրութիւններ[Խմբագրել | Խմբագրել աղբիւրը]
- ↑ «United Nations Official Document»։ www.un.org։ արտագրուած է՝ 2019-10-15
- ↑ 2,0 2,1 «International Translation Day – FIT» (en-US)։ արտագրուած է՝ 2019-10-15
- ↑ «WebCite query result»։ www.webcitation.org։ արտագրուած է՝ 2019-10-15
- ↑ https://ottiaq.org/en/2014/06/international-translation-day-four-venues-and-just-as-many-ways-to-celebrate/
- ↑ «ITD 2015: The Changing Face of Translation and Interpreting – FIT» (en-US)։ արտագրուած է՝ 2019-10-15