Թադէոս Եսայեան

Թադէոս Եսայեան;
Ծնած է	1941
Ծննդավայր	Ամման, Յորդանան
Կրօնք	Հայ Առաքելական Եկեղեցի
Ուսումնավայր	Պէյրութի Ամերիկեան Համալսարան
Մասնագիտութիւն	գրագէտ, ճարտարագէտ
Աշխատավայր	Halcrow Group?
Ամուսին	Լենա Ենիգոմշուեան
Ծնողներ	Իսկենտէր Եսայեան եւ Վերոնիքա Ասատուրեան
Երեխաներ	Ալեքսի, Լենար, Մարալ

Թադէոս Եսայեան, 1941, Ամման, Յորդանան, գրող, Ճարտարագէտ (Մագիստրոս գիտութեան վկայականով):

Կենսագրութիւն

Թադէոս Եսայեան արմատներով՝ Տէօրթ Եոլցի է: Հայրը՝ Իսկենտէր Եսայեան եւ մայրը՝ Վերոնիքա Ասատուրեան, ծնած են Տէօրթ Եոլ, ամուսնացած են Իսքենտէրուն: Թադէոս Եսայեան յաճախած է Ամմանի Ազգային Հեթումեան Վարժարան, ապա երկրորդական՝ Թերասանթա Քոլէճ:

Ամմանի մէջ փինկփոնկի լաւ խաղացողներ կային ու Թադէոս Եսայեան կը մրցէր անոնց հետ: Երկու տարի շարունակ ակումբի ախոյեանութեան արծաթէ բաժակակիր դարձած է:

1959-ի Յունիսին աւարտած է երկրորդական վարժարանը, բարձր նիշերով, մասնակցելով երկու քննութիւններու՝ GCE անգլերէն, մեթրիք Օրտոն՝ արաբերէն: Մեթրիք Օրտոնը պետական քննութիւնն էր։ Թադէոս Եսայեան երկրորդ հայն էր Յորդանանի մէջ, որ կը յաջողէր այս քննութեան:

Բախտի եւ ուրիշներու բարեացակամութեան արդիւնք՝ կարողացեր եմ համալսարանական կրթութիւն ստանալ նախ Պէյրութի Ամերիկեան Համալսարանին մէջ որպէս ճարտարագէտ պսակաւոր գիտութեան վկայականով, 1969-ին, ապա Անգլիոյ Սաութհեմփթըն Համալսարանէն որպէս ճարտարագէտ մագիստրոս գիտութեան վկայականով, 1974-ին:

նշեմ որ այն երազը որ շրջան մը փայփայեցի Հայաստան մեկնելու՝ դժբախտաբար փարատեցաւ, երբ հայրս մերժեց գրաւոր հաւանութիւն տալ, որպէսզի տիկին Սիրան Սեզան (Երիտասարդ Հայուհիի խմբագիր) կարգադրէր երթալս: Հայրս նոր էր արձանագրուած բանակի դերձակ՝ վախցաւ: Այդ օրերուն սովետի հետ գործ ունենալը ճիշտ բան չէր:

- Թադէոս Եսայեան

1969ին գարնան, Պէյրութի Ամերիկեան Համալսարանին մէջ կը հանդիպի Օր. Լենա Ենիգոմշուեանին, հալէպահայ, քիլիսցի, նախահայրերը Ակնէն գաղթած հայախօսներ: կ'ամուսնանան Ամման 1970-ի ամռան: Կը բախտաւորուին երեք զաւակներով՝ Ալեքսի, Լենար, Մարալ:

Աշխատանքի բերումով կը մեկնի Լոնտոն ուր կը պաշտօնավարէ ճարտարագիտական ընկերութեան մէջ, Sir William Halcrow & Partners: Նոյն շրջանին, Թադէոս Եսայեան ջրաբաշխական մագիստրական դասընթացքի կը հետեւի University of Southampton-ին մէջ։ 1974-ի ամռան ան արդէն ճարտարագէտ էր մագիստրոս գիտութեան վկայականով: 1977-ի գարնան աւարտելով շինարարական պարտականութիւնը՝ կը վերադառնան Ամման: Յորդանանի մէջ 13 տարիներ աշխատելէ ետք, ան կ'անցնի Աթէնք աշխատանքի բերումով, ուր կը մնայ 24 տարի: 2014-ին հանգստեան կը կոչուի ու կը փարի իր հայերէն գիրքերուն:

Հրատարակութիւն

Ուր որ աշխատած եմ հայերէն մէկ կամ երկու գիրք ընկերակցեր են երթիս: Հայերէն կարդալս կամ բանաստեղծելս միշտ գաղտնի մնացած է, որովհետեւ արաբ մրցակից գործընկերներուս համար բանաստեղծ ըլլալը բարենիշ մը չէ ճարտարագէտի մը համար: Այնպէս որ, նոյնիսկ հրատարակած գիրքերս գաղտնի են մնացեր ու միայն նուէր տրուած մտերիմ ծանօթներու

- Թադէոս Եսայեան

Թադէոս Եսայեան ունի հրատարակած հինգ գիրքեր

Առաջին Փորձեր (բանաստեղծութիւններ), Հրատ.՝ Ապրիլ Գրատուն, Լոս Անճելըս, 1985, 100 էջ.
Երկրորդ փորձեր (Բեմադրական Երգիծաբանութիւն թատրերգութիւն) «Նոր Քօնթրէքթօրը», Հրատ.՝ Ապրիլ Գրատուն, Լոս Անճելըս, 1985, 80 էջ.
Պտղունց Մը Սէր (բանաստեղծութիւններ), Հրատ.՝ Նոր Աշխարհ Շաբաթաթերթ, Աթէնք, 1987, 95 էջ.
Կեանք Մը Տողերու Վրայ (բանաստեղծութիւններ), Հրատ.՝ Նոր Աշխարհ Շաբաթաթերթ, Աթէնք, 1989, 76 էջ.
Պատկերազարդ Ցուցահանդէս (բանաստեղծութիւններ), Հրատ.՝ Նոր Աշխարհ Շաբաթաթերթ, Աթէնք, 1991, 76 էջ:

Պատկերազարդ դասագիրքեր սկսնակ ճարտարագէտներու համար

Ան իր պաշտօնավարած ընկերութեան (Consolidated Contractors Company)ի համար քաղած ու անգլերէն պատրաստած է 6 ծաւալուն, պատկերազարդ դասագիրքեր՝ Finishing Works in Buildings, որոնք կ'օգտագործուին սկսնակ ճարտարագէտներու կողմէ եւ ընկերութեան արհեստաւորական դասընթացքներուն կը ծառայեն՝ կարօտեալ պաղեստինցի երիտասարդներու:

Պատկերասրահ

Պատկերազարդ ցուցահանդէս - Բանաստեղծութիւններ 1990-1991
Առաջին Փորձեր (Բանաստեղծութիւններ)
Երկրորդ Փորձեր (Բեմադրական Երգիծաբանութիւն)

Աղբիւրներ