Թագուհի Աւագեան

Jump to navigation Jump to search

Աւագեան Թագուհի, (տիկին), Երգչուհի (քօնդրալդօ), ծնած Զմիւռնիա: Մանուկ հասակէն ծնողաց հետ գացած է Ամերիկա: Ձայնին քաղցրութեան եւ երգելու ընդունակութեան շրնորհիւ, յաճախ հրաւիրուած է երգելու ազգային եւ բարեսիրական հաւաքոյթներու մէջ, ուրկէ խրախուսուած՝ սկսած է հետեւիլ երաժշտական դասընթացքներու: Երեք տարի աշակերտած է բրոֆ. տ’Արիտին, ի Պրի ճֆորթ, երկու տարի ալ բրոֆ. տիկին Տէյվիս Հաուլիի: Ամերիկեան թերթերը գովեստով խօսած են իր ձայնին ազդուութեան եւ տպաւորչութեան մասին: Յ. Մեհարապեան «Հանրագիտակ Տարեգիրք»ին մէջ հետեւեալը կը գրէ: «Անոր (Տիկին Թ. Աւագեանի) ձայնը թաւշային կակուղ քօնդրալդօ է. ցած եւ միջին ձայները լեցուն են եւ թաւ: Կ’երգէ մտածուած եւ զգացմունքով»: Մինչեւ 1925 Տիկին Աւագեան երգած է առ հասարակ անգլիերէն եւ իտալերէն կտորներ: 1925-ին Պրուքլի կը հաստատուի եւ աւելի մօտէն կը ծանօթանայ հայ ազգային եւ ժողովրդական երգերուն: 1926-ին Նիւ Եորքի ռատիոյի կայանէն երգած է: 1936-ին կը վախճանի Պրուքլինի մէջ:

Աղբիւրներ[Խմբագրել | Խմբագրել աղբիւրը]

  • Հայ Հանրագիտակ, Հ. Մկրտիչ Վարդ. Պոտուրեան, 1938, Պուքրէշ, Հատոր Բ., էջ 320: