Ենովք Տէր Յակոբեան

Ենովք Տէր Յակոբեան;
Ծնած է	24 Մայիս 1900
Մահացած է	15 Մարտ 1966 (65 տարեկանին)
Քաղաքացիութիւն	Օսմանեան Կայսրութիւն
Մասնագիտութիւն	քանդակագործ, գեղանկարիչ, երաժիշտ

Ենովք Տէր Յակոբեան (24 Մայիս 1900(1900-05-24) - 15 Մարտ 1966(1966-03-15)), 20-րդ դարու հայ գեղնկարիչ, քանդակագործ, երաժիշտ^[1]։

Կենսագրական գիծեր

Ծնած է Վանի շրջանի Իշխանիգոմ գիւղը (Վանայ լիճի ափին, Վան քաղաքի հարաւ-արեւմուտքը, ներկայ անունը Պաքըմլը)։ Եղած է աշուղ, երաժիշտ եւ քանդակագործ։

Ենովքի մեծ հայրը աշուղ էր, իսկ հայրը՝ Ախթամար կղզիի Սուրբ Խաչ տաճարին քահանան։ Ջարդերու ժամանակ ամերիկացի միսիոնարներու շնորհիւ, ընտանիքը փրկուած եւ ապաստանած է Երեւան։

1916-ին, Ենովք Թիֆլիսի մէջ արուեստի ուսում ստացած է, 1918-1923 վարչական պաշտօններ վարած է Մերձաւոր Արեւելքի նպաստամատոյց կոմիտէի (Near East Relief) Երեւանի եւ Նոր Բայազիդի որբանոցներուն մէջ։

Փետրուար 1921-ին Ենովք իր մասնակցութիւնը բերած է Հայաստանի մէջ խորհրդային կարգերուն դէմ տեղի ունեցած ապստամբութեան, ոտքէն վիրաւորուած, փամփուշտը երբեք ալ կարելի չէ եղած դուրս հանել, այս պատճառով ալ Ենովք մինչեւ կեանքին վերջը կաղ մնացած է։ 1923-ին գաղթած է դէպի Միացեալ Նահանգներ եւ հաստատուած՝ Արեւելեան ափ, Մասաչիւսեց նահանգին մէջ։ Ամուսնացած է 1948-ին Նուարդ Քալարճեանի հետ։

Ենովքի արուեստի գործերէն ոմանք ցուցադրուած են Ուոթըրթաունի «Armenian Library and Museum of America»-ին մէջ (Մասաչիւսեց)^[2]^[3]։

Ծանօթագրութիւններ

[1] «Ենովք Յակոբի Տէր Յակոբեան»։ արխիւացուած է բնօրինակէն-էն՝ 2023-07-09-ին։ արտագրուած է՝ 2023-07-09

[2] Lost Hagopian Art to Be Exhibited at AMA

[3] The Bishop Gallery's Touring Exhibition Opens At The Armenian Museum Of America

[1]

[2]

[3]