Գրիգորիս (բժիշկ)
 | |
|---|---|
| Ծննդավայր | Չանղըրը |
| Մահուան պատճառ | Հայոց ցեղասպանութիւն |
| Մասնագիտութիւն | բժիշկ |
Գրիգորիս (Չանղըրը - Ապու Հարարի անապատ), հայ բժիշկ։
Ծնած է Չանղըրըի մէջ։ Աշխատած է Գոնիացի բժիշկ Տատիի դեղատան մէջ եւ բժիշկ Ժամկոչեանի մօտ։ Ձերբակալուած է Չանղըրըի մէջ ու աքսորուած՝ Տէր Զօր։ Հասած է մինչեւ Ապու Հարարի անապատը, ուր ալ սպանուած է։
1916 թուականին Ապու Հարարի անապատի մէջ՝ սեւ պաշտօնական տարազն ու սպիտակ օսլայած վերնաշապիկը հագած, ինկած է մէջքի վրայ, գանկը ճակատի կողմէն բացուած եւ ուղեղը դուրս ինկած։ Քովը ընկած եղած է սեւ տետրակը, որ գտած են անապատի մէջ հանգրուանած հայ մանչուկները։ Տետրակին մէջ գրի առած է իր հետ կատարուածը, որուն վերջին տողերն են. «…Գիշերային լուսնի լոյսով, ետ դէպի Հալէպ զարտուղի ճանապարհով հետիոտն քալելով ինքզինքս մեծ սպանդէն ազատել որոշած եմ»։
Գրականութիւն
[Խմբագրել | Խմբագրել աղբիւրը]- Սերոբեան Յակոբ Ա., Եղեռնի յուշերս, Պէյրութ, 2005։
Աղբիւրներ
[Խմբագրել | Խմբագրել աղբիւրը]- Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։