Գիւղացի Կանանց Միջազգային Օր

Jump to navigation Jump to search
Work.JPG

Գիւղացի կանանց միջազգային օր (անգլերէն՝ International Day of Rural Women), Հոկտեմբեր 15-ր կը յիշատակուի որպէս Գիւղացի կանանց միջազգային օր։

Պատմութիւն[Խմբագրել | Խմբագրել աղբիւրը]

1995 թուականին, Փեքինի մէջ՝ Չինաստան, ՄԱԿ-ի Կանանց 4-րդ միջազգային համագումարին ընթացքին առաջարկուած է Հոկտեմբեր 15-ը յիշատակել որպէս գիւղացի կանանց միջազգային օր։ Սակայն տօնն հաստատուած է 2008 թուականի Դեկտեմբեր 18-ին[1], 136/62 որոշումամբ[2][3]: Օրը կոչուած է յիշեցնելու, թէ որքա՛ն շատ բաներու համար հանրութիւնը պարտական է գիւղացի կնոջն ու անոր կատարած աշխատանքին[4]:

Ըստ վիճակագրութեան` գիւղացի կանայք աշխարհի բնակչութեան մէկ քառորդէն աւելին կը կազմեն: Անոնք մեծ ներդրում ունին արդիւնաբերութեան եւ գիւղական համայնքներուն կայուն զարգացման ընթացքին մէջ։ Գիւղական միջավայրերու մէջ ամէն տարի տեղի կ՛ունենան տարբեր միջոցառումներ[5]:

Տօնը Հայաստանի Մէջ[Խմբագրել | Խմբագրել աղբիւրը]

Տօնը տարբեր միջոցառումներով կը յիշատակուի նաեւ Հայաստանի մէջ: Ըստ Հայաստանի հանրապետութեան աշխատանքային աղբիւրներուն, գիւղատնտեսական ոլորտը կը զբաղեցնէ շուրջ 37,1 %-ը, որնցմէ 58.7 %-ը կանայք են, հետեւաբար կանայք կը հանդիսանան գիւղատնտեսութեան զարգացման առաւել կարեւոր մասնիկը[6]։

2013 թուականի Հոկտեմբեր 15-ին, այս օրուան առթիւ, Սիրահարներու այգիին մէջ տեղի ունեցած է «Գիւղմթերքների արտադրութեան ոլորտի կին հերոս-2013» մրցոյթի մրցանակաբաշխութիւնը, անոր զուգահեռ կազմակերպուած է գիւղատնտեսութեան ոլորտի հերոս կանանց մասին պատմող գրքոյկի շնորհանդէս եւ անոնց կողմէ արտադրուող գիւղմթերքներու ցուցահանդէս:

Ծանօթագրութիւններ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]

Կատեգորիա:Միջազգային օրեր