Գեղամ Գրիգորեան

Գեղամ Գրիգորեան;
Ծնած է	29 Յունուար 1951
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Մահացած է	23 Մարտ 2016 (65 տարեկանին)
Մահուան վայր	Երեւան, Հայաստան
Քաղաքացիութիւն	Խորհրդային Միութիւն; Հայաստան
Ուսումնավայր	Երեւանի Կոմիտասի անուան պետական երաժշտանոց
Տեսակ	օփերա
Մասնագիտութիւն	Օփերային երգիչ
Ամուսին	Իրանա Միլքեվիչիութա
Երեխաներ	Յասմիկ Գրիգորեան

Գեղամ Գրիգորեան (29 Յունուար 1951(1951-01-29)^[1], Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն - 23 Մարտ 2016(2016-03-23)^[2]^[1], Երեւան, Հայաստան), հայ անուանի օփերայի երգիչ (թենոր) եւ բեմադրիչ, Ալեքսանդր Սպենդիարեանի անուան օփերայի եւ պալէի ազգային ակադեմական թատրոնի գեղարուեստական ղեկավար, Լիթուական վաստակաւոր արուեստագէտ (1982), Խորհրդային Հայաստանի ժողովրդական արուեստագէտ (1985)։

Կեանք եւ գործունէութիւն[Խմբագրել | Խմբագրել աղբիւրը]

Ծնած է Երեւան: Աւարտած է Երեւանի Կոմիտասի անուան պետական երաժշտանոցը` Հայաստանի ժողովրդական արուեստագէտ, Փրոֆ. Սէրկէյ Դանիէլեանի դասարանը:

Գրիգորեան առաջին անգամ մեծ բեմի վրայ հանդէս եկած է 1971 թուականին, քսան տարեկանին, 1972 թուականին մենահամերգներով մեկնած է արեւմտեան Պերլին:

1975 թուականին կայացած է անոր ելոյթը Ալեքսանդր Սպենդիարեանի անուան օփերայի եւ պալէի ազգային ակադեմական թատրոնին մէջ` Էտկարի դերերգով, Տոնիցեթիի «Լուչիա տի Լամերմուր» օփերային մէջ: Այնուհետեւ Սարօն (Արմէն Տիգրանեանի «Անոյշ»), Տիրիթը (Տիգրան Չուխաճեանի «Արշակ Բ.»), Սայաթ Նովա (Ալեքսանդր Յարութիւնեանի «Սայաթ Նովա»), Կոմս Ալմաւիւա (Ռոսսինի «Սեւիլեան սափրիչ»), Ֆաուստ (Կունոյի «Ֆաուստ»):

1970-ականներուն Գրիգորեան յայտնի մեներգիչ եղած է ողջ Խորհրդային Միութեան մէջ:

1978 թուականին մասնակցած է Միլանոյի «Լա Սքալա» թատրոնի Գեղարուեստական կատարելագործման դպրոցի մրցոյթին (Scuola di Perfizionamento Artistico) եւ ընդգրկուած է այն չորս երգիչներու կազմին մէջ, որոնք հրաւիրուած են աշխատանքային փորձ կատարելու «Լա Սքալա»ի մէջ:

«Լա Սքալա»ի համերգը[Խմբագրել | Խմբագրել աղբիւրը]

Այդ տարիներուն Իտալիոյ մէջ Գեղամ Գրիգորեան ունեցած է շարք մը համերգներ: «Լա Սքալա»ի մէջ հանդէս եկած է Պինկերթոնի դերով (Փուչինիի «Մատամ Պաթըրֆլայ» օփերա): Այս ելոյթէն յետոյ ան «Լա Սքալա»ի թատրոնին հետ ստորագրած է պայմանագիր այնտեղ «Պորիս Կոտունով» եւ «Թոսքա» օփերային ներկայացումներուն գլխաւոր դերերով հանդէս գալու համար՝ խմբավար Քլաուտիօ Ապպաթոյի ղեկավարումով, որ այն ժամանակ «Լա Սքալա»ի գլխաւոր խմբավարը եղած է^[3]: