Ափրիկէի Երաժշտութիւն

Ուիքիփետիաէն
Jump to navigation Jump to search
Ափրիկեան Երաժշտութիւն

Ափրիկեան երաժշտութիւն արտայայտութիւնը սովորաբար կը գործածուի մայր ցամաքի կեդրոնական, արեւմտեան եւ հարաւային մասերու ժողովուրդներու երաժշտական արուեստին վերաբերեալ։ Ափրիիկեան ցամաքամասին վրայ կ՚ապրին աւելի քան 1200 մլն. մարդ, որոնք կը խօսին հազարաւոր լեզուներ։ Այս ցամաքամասը կ՚առանձնանայ իւրայատուկ հարուստ երաժշտական երանգապնակով, որ պայմանաւորուած է ափրիկեան մշակոյթի եզակի բազմազանութեամբ։

Կշռոյթ եւ Մեղեդի[Խմբագրել | Խմբագրել աղբիւրը]

Ափրիկեան երաժշտութեան բնորոշ է ընգծուած իւրայատուկ կշռոյթ (Rythme), որ կ՚իրագործեն հարուածային նուագարանները։ Երգերու պարզ մեղեդիները կը հարստացուին բարդ ռիթմիք բաբախումներով, որոնք նոյնիսկ ունկնդիրները կը ստիպեն մասնակցիլ պարով կամ երգով։ Ափրիկեան ժողովրդային երգային երաժշտութեան ամէնէն տարածուած ձեւը անուանակոչն է, երբ մենակատարը եւ երգչախումբը յաջորդաբար կ՚երգեն հարցում պատասխանի ձեւով։ Ափրիկեան եւ արեւմտաեւրոպական ձայնաշարերը եւ Intervalle-ները ունին շատ ընդհանրութիւններ եւ այդ է պատճառը, որ ափրիկեան երաժշտութիւնը աւելի հասկնալի եւ ըմբռնելի է Արեւմուտքի ունկնդիրներուն, քան չինականը կամ ճափոնականը։ Վերջին տասնամեակներուն մեծ յառաջընդաց արձանագրեց ափրիկեան Pop-երաժշտութիւնը՝ Popular music, ուր զուգորդուած են աւանդական ափրիկեան ոճերը եւ ժամանակակից եւրոպական նուագարանները, օրինակ՝ «Juju» կամ «High life» ոճերը։

Ափրիկեան Թմբուկները[Խմբագրել | Խմբագրել աղբիւրը]

Ափրիկէի մէջ մեծ տարածում ունին թմբակահարներու բազմատեսակ համոյթներ։ Իւրաքանչիւր համոյթ կ՚ընդգրկէ մեծաքանակ կատարողներ եւ կը ղեկավարուի խումբի լաւագոյն երաժիշտին կողմէ։ Ափրիկեան թմբուկներու չափերն ու ձեւերը այլազան են, նաեւ թմբուկներու գործածութեան առիթը եւ վայրը. օրինակ՝ մէկ տեսակը կը գործածուի միայն թաղման արարողութեան ատեն եւ այլն։

Աղբիւրներ[Խմբագրել | Խմբագրել աղբիւրը]

Նարդուհի Էքիզեան- Մարկոսեան, «երաժշտութիւն», պատմութիւն եւ տեսութիւն, Պէյրութ, 2017