Ասլամազեան Քոյրերու Պատկերասրահ

Ասլամազեան Քոյրերու Պատկերասրահ
Տեսակ	Պատկերասրահ եւ հուշային թանգարան?
Երկիր	Հայաստան
Տեղագրութիւն	Գիւմրի
Մասն է	Արգելոց «Կումայրի»?
Հիմնադրուած է	1987
	40°47′11″N 43°50′19″E / 40.786331°N 43.8387°E

40°47′11″N 43°50′19″E / 40.786331°N 43.8387°E / 40.786331; 43.8387

Ասլամազեան քոյերու պատկերասրահ, բացուած Է 16 Նոյեմբեր 1987-ին, Լենինականի «Կումայրի» պատմաճարտարապետական արգելոցի համակարգին մէջ՝ Ասլամազեան քոյերու՝ Լենինական քաղաքին իրենց աշխատանքները նուիրաբերելու առիթով։

Ընդգրկուած Է Գիւմրիի պատմութեան եւ մշակոյթի անշարժ յուշարձաններու ցանկին մէջ:

Պատմութիւն

«Մարիամ եւ Երանուհի Ասլամազեան քոյերու պատկերասրահին մէջ» կը պահուին քոյերու գեղանկարչական, գծագրական, խեցեգործական աշխատանքներու ամբողջական հաւաքածոն: Պատկերասրահը կը գործէ 1987-էն եւ այստեղ կը պահպանուին քոյերու կողմէ նուիրատուած մօտ 620 բնօրինակ աշխատանքներ: Պատկերասրահի շէնքը 1988-ի Գիւմրիի երկրաշարժէն ետք տրամադրուած Էր անօթեւաններուն եւ վերաբացուած Է 2004-ին:

Պատկերասրահը կը գտնուի Գիւմրիի կեդրոնական հրապարակին մէջ, այն կառուցուած Է 1880-ին մեծահարուստ վաճառականներ, յայտնի գիւմրեցի ընտանիքի Քեշիշովներու կողմէ՝ իբրեւ իրենց բնակարան: Պատկերասրահի շէնքը 19-րդ դարու Ալեքսանդրապոլեան քաղաքաշինութեան ճարտարապետութեան վառ օրինակ է, իր մէջ ներառելով այն ժամանակուան եւրոպական եւ աւանդական հայկական ճարտարապետութեան տարրերը, ձեւաւորած է Գիւմրիին բնորոշ սեւ տուֆով շարուածք ունեցող քաղաքի իւրայատուկ դիմագիծը՝ ներքին շքեղ բակով եւ փայտեայ պատշգամբով: 19-րդ դարու ճարտարապետութեան վառ օրինակ հանդիսացող այդ կառոյցը 1980-ին ներառուած Է «Կումայրի արգելոց թանգարան»-ի մէջ՝ անցնելով պետութեան կողմէ պահպանուող պատմամշակութային ժառանգութեան կառոյցներու ցանկը:

Պատկերասրահի շէնքը իր 136 տարիներու ընթացքին երկու անգամ ենթարկուած Է հզօր փորձութիւններու՝ Գիւմրիի մէջ տեղի ունեցող աղէտալի երկրաշարժերու (1923,1988), որոնցմէ ետք այն վերականգնուած Է եւ վերաբացուած:

«Մարիամ եւ Երանուհի Ասլամազեան քոյերու պատկերասրահը» կ՚իրականացնէ կրթական ծրագրերու կազմակերպում` դասընթաց-վարժանքներու միջոցով, արուեստային բուժումներ, որոնց նպատակներն են պատկերասրահի տարածքին ստեղծել արուեստի դաշտ,որու աշխոյժ մասնակիցը կը հանդիսանայ հասարակութիւնը՝ անկախ տարիքային սահմանափակումէ եւ սեռային պատկանելիութենէ: Պատկերասրահը հնարաւորութիւն կը ստեղծէ արուեստ-հասարակութիւն կապի ամրապնդման զարգացման համար^[2]:

Մարիամ Ասլամազեանի 80-ամեակի կապակցութեամբ Մարիամ եւ Երանուհի Ասլամազեան քոյրերը Գիւմրի քաղաքին նուիրած են իրենց աշխատանքներէն մօտ 620 բնօրինակ^[3]։

Ցուցադրութիւն

Ցուցանմուշները (մօտ 619 կտաւ, զարդական-կիրառական արուեստի առարկաներ) նուիրած են Մարիամ եւ Երանուհի Ասլամազեան քոյրերը։ Պատկերասրահը, իբրեւ գեղարուեստական թանգարան, կը պահպանէ եւ կը ցուցադրէ Ասլամազեան քոյերու գեղանկարչական, գծագրական եւ խեցեգործական աշխատանքները։

Պատկերսարահին մէջ կը ցուցադրուին ՀԽՍՀ ժողովրդական նկարչուհիներու (գեղանկար, գծագրութիւն), նկարազարդ թասեր, սպասք, մոմակալներ։