Աշոտ Նաւասարդեան

Աշոտ Նաւասարդեան;
Ծնած է	28 Մարտ 1950
Ծննդավայր	Երեւան, Խորհրդային Միութիւն
Մահացած է	3 Նոյեմբեր 1997 (47 տարեկանին)
Մահուան վայր	Երեւան, Հայաստան
Քաղաքացիութիւն	Խորհրդային Միութիւն և Հայաստան
Ազգութիւն	Հայ
Ուսումնավայր	Երեւանի Պետական Համալսարան
Մասնագիտութիւն	քաղաքական գործիչ
Վարած պաշտօններ	Հայաստանի Հանրապետութեան Ազգային Ժողովի պատգամաւոր
Կուսակցութիւն	Հայաստանի հանրապետական կուսակցութիւն

Աշոտ Նաւասարդեան (28 Մարտ 1950(1950-03-28), Երեւան, Խորհրդային Միութիւն - 3 Նոյեմբեր 1997(1997-11-03), Երեւան, Հայաստան), հայ քաղաքական, պետական գործիչ, Հայաստանի հանրապետական կուսակցութեան հիմնադիր-նախագահ՝ 1990 թուականէն^[2]։

Կեանք եւ գործունէութիւն

Ծնած է Երեւանի մէջ, ուր աւարտած է Երեւանի պետական համալսարանի իրաւագիտութեան ճիւղը։ Պատանեկան տարիքին անդամակցած է ընդյատակեայ Ազգային Միացեալ Կուսակցութեան (1968), որուն Խորհուրդին անդամ եղած է 1973-ին։

Յետագային հետեւած է Գարեգին Նժդեհի ցեղակրօնութեան գաղարախօսութեան, հանդէս գալով խորհրդային ամբողջատիրական համակարգի քննադատութեամբ եւ Հայ Դատի պաշտպանութեան։

Նաւասարդեան հայ ժողովուրի ապագան կապած է ազատ, անկախ եւ միացեալ Հայաստանի հետ։ Նման գաղափարներու տարածման համար երեք անգամ ձերբակալուած եւ ընդամէնը 17 տարուան բանտարկութեան ու 5 տարուան աքսորի դատապարտուած է։

Շուրջ 12 տարի անցուցած է կալանավայրերու մէջ, ներառեալ՝ 7 տարի բանտային եւ յատուկ վիճակի պայմաններու մէջ, վաղաժամ ազատելով երկրորդ եւ երրորդ անգամ։

1987 թուականին ազատ արձակուելէ ետք, քաղաքական գործունէութիւնը շարունակած է եւ 1989-1990ին Ազգային Ինքնորոշում Միաւորման Խորհուրդի անդամ եղած է։ Օգոստոս 1990-ին, Հայաստանի Գերագոյն Դատարանի որոշումով արդարացած է, յանցագործութեան փաստերու բացակայութեան պատճառով։

Ազգային Ինքնորոշում Միաւորման Խորհուրդի անդամներուն հետ, Աշոտ Նաւասարդեան հիմնած ու ղեկավարած է «Անկախութեան բանակ» ռազմա-քաղաքական կազմակերպութիւնը (1989), որ մասնակցած է Հայաստանի պաշտպանութեան եւ Արցախի ազատագրութեան մարտերուն Երասխաւանէն մինչեւ Մարտակերտ, Քելբաջար (Քարվաճառ), Լաչին (Բերձոր), Շուշի եւ այլն։

1990 թուականին, Նաւասարդեան հիմնած է Հայաստանի Հանրապետական Կուսակցութիւնը եւ անոր առաջին ղեկավարը եղած՝ մինչեւ մահ։ Նոյն տարին ընտրուած է Խորհրդային Հայաստանի Գերագոյն Խորհուրդի պատգամաւոր եւ 1990-1995 թուականներուն եղած է Գերագոյն Խորհուրդի անկախ պետականութեան հաստատման եւ ազգային քաղաքականութեան հարցերու եւ սահմանադրական յանձնաժողովներու անդամ։

1995-ին ընտրուելով Ազգային Ժողովի պատգամաւոր, 1995-1997 թուականներուն անոր պաշտպանութեան, ազգային անվտանգութեան եւ ներքին գործերու մշտական յանձնաժողովի փոխնախագահ։

Սրտի հիւանդութեան պատճառով մահացած է 47 տարեկանին։

Աշոտ Նաւասարդեանի անունը կը կրէ Երեւանի մէկ դպրոցը^[3]։

Պարգեւներ

Պարգեւատրուած է առաջին աստիճանի Մարտական խաչով։

Ծանօթագրութիւններ

↑ Karabakh War 1988–1994 — Հայկական հանրագիտարան հրատարակչություն, 2004. — 865 է.
<a href='https://wikidata.org/wiki/Track:Q16392167'></a><a href='https://wikidata.org/wiki/Track:Q124405912'></a>
↑ «Այսօր Աշոտ Նաւասարդյանի ծննդեան օրն է / Լուրեր / Տեղեկատուական կենտրոն / Հայաստանի Հանրապետական կուսակցութիւն»։ hhk.am։ արտագրուած է՝ 2022-11-07
↑ «ԱՇՈՏ ՆԱՒԱՍԱՐԴԵԱՆ (մահ՝ 3 Նոյեմբեր, 1997)» (en-US)։ 2022-11-03։ արտագրուած է՝ 2022-11-07

[<span_class="wikidata_cite_citetype_Q13136"_data-entity-id="Q16392167">[[:hy:s:Ինդեքս:Ղարաբաղյան_ազատագրական_պատերազմ_հանրագիտարան_(Karabakh_Liberation_War_encyclopedia).djvu|Karabakh_War_1988–1994]]<span_class="wef_low_priority_links">_—_[[:d:Q124405912|Հայկական_հանրագիտարան_հրատարակչություն]],_2004._—_865&nbsp;է.</span></span><div_style="display:none"><a_href="https://wikidata.org/wiki/Track:Q16392167"></a><a_href="https://wikidata.org/wiki/Track:Q124405912"></a></div>-1] Karabakh War 1988–1994 — Հայկական հանրագիտարան հրատարակչություն, 2004. — 865 է.
<a href='https://wikidata.org/wiki/Track:Q16392167'></a><a href='https://wikidata.org/wiki/Track:Q124405912'></a>

[2] «Այսօր Աշոտ Նաւասարդյանի ծննդեան օրն է / Լուրեր / Տեղեկատուական կենտրոն / Հայաստանի Հանրապետական կուսակցութիւն»։ hhk.am։ արտագրուած է՝ 2022-11-07

[3] «ԱՇՈՏ ՆԱՒԱՍԱՐԴԵԱՆ (մահ՝ 3 Նոյեմբեր, 1997)» (en-US)։ 2022-11-03։ արտագրուած է՝ 2022-11-07

[1]

[2]

[3]