Աննա Մայիլեան

Jump to navigation Jump to search
Աննա Մայիլեան
Annamailyan.jpg
Ծնած է 23 Հոկտեմբեր 1970(1970-10-23) (49 տարեկան)
Ծննդավայր Երեւան, Հայաստանի Խորհրդային Սոցիալիստական Հանրապետութիւն, Խորհրդային Ընկերվարական Հանրապետութիւններու Միութիւն
Քաղաքացիութիւն Flag of Armenia.svg Հայաստան
Ազգութիւն հայ
Ուսումնավայր Ռոմանոս Մելիքեանի անուան երաժշտական ուսումնարան
Երեւանի Կոմիտասի անուան պետական երաժշտանոց
Մասնագիտութիւն երգչուհի
Կայքէջ annamayilyan.com

Աննա Մայիլեան (ծնած՝ 23 Հոկտեմբեր 1970, Երեւան), հայ երգչուհի (սոփրանօ), ազգային եւ միջազգային բազմաթիւ մրցոյթներու դափնեկիր։

Ուսումնառութիւն[Խմբագրել | Խմբագրել աղբիւրը]

Ծնած է Երեւան, 23 Հոկտեմբեր 1970-ին։ Աւարտած է Երեւանի Ռոմանոս Մելիքեանի անուան երաժշտական ուսումնարանը (1992), Երեւանի Կոմիտասի անուան Պետական Երաժշտանոցը (1996)։ Ուսանած է Լեհաստանի՝ Մոցարթ, Ֆրանսայի՝ Վիլլեքրով, Ռումանիոյ՝ Հարեկլիա Տարքլէ ակադեմիաներուն մէջ։ Վարպետութեան դասերու հետեւած է Արաքս Դաւթեանի (Հայաստան), Քերստին Մայերի (Շուէտ), Մարիանա Նիկոլեսկոյի (Ռումանիա) եւ Քերոլ Սմիթի մօտ (Զուիցերիա):

Գործունէութիւն[Խմբագրել | Խմբագրել աղբիւրը]

1995 թուականէն ի վեր կը մեներգէ Ջրվէժի Ս. Կաթողիկէ եկեղեցիէն ներս, իսկ 1998-էն՝ կը դասաւանդէ Կոմիտասի անուան Պետական Երաժշտանոցի երգի ամպիոնին մէջ, 2010-էն դոցենտ է։ Երեւանում 2000 թուականին հիմնած է «Սաղմոս» մշակութային կեդրոնը եւ «Վարպետներ» վոքալ անսամպլը։ 2006 թուականին հիմնած եւ ղեկավարած է «Էթնօ» վոքալ եռեակը։ Մասնակցած է համերգային փառատօներու, մրցոյթներու (Ֆրանսա, Գերմանիա, Պելճիգա, Քանատա եւ այլն)։

1992-էն ի վեր, երգչուհին բազմաթիւ համերգներով ելոյթ կ՚ունենայ Հայաստանի եւ արտասահմանի մէջ։ Աննա Մայիլեանի երգացանկը կը ներառէ տարբեր սեռերու բազմաթիւ ստեղծագործութիւններ։ Երգչուհիին ուշադրութեան կեդրոնը կը մնայ հայ ազգային երաժշտութիւնը իր այլազան դրսեւորումներով՝ ժողովրդական եւ հոգեւոր երգեր, ռոմանսներ, դասական եւ ժամանակակից հայ երգահաններու ստեղծագործութիւններ։

Մրցանակներ[Խմբագրել | Խմբագրել աղբիւրը]

1994 թուականին Երեւանի մէջ «Կոմիտաս-125» վոքալ մրցոյթին արժանացած է 1-ին մրցանակի, 1996 թուականին Աւստրոգերմանական եւ հայ երգի հանրապետական մրցույթում՝ 1-ին մրցանակի, 2000 թուականին Ռումանիոյ Հարեկլիա Տարքլէի անուան միջազգային մրցոյթին՝ ոսկէ մետալի եւ դափնեկրի կոչման։ 2001 թուականին Իտալիոյ «Իպլա-Կրանտ Փրայզ» միջազգային մրցոյթին արժանացած է դափնեկրի կոչման՝ հայ եւ արեւմտագերմանական երգի իւրայատուկ մատուցման համար։

Պարգեւները[Խմբագրել | Խմբագրել աղբիւրը]

2003 թուականին արժանացած է «Հ. Հ. Վաստակաւոր արտիստուհի» կոչման։

2008 թուականին արժանացել է ՀՀ վաստակավոր արտիստի կոչմանը[1]։

Երգացանկ[Խմբագրել | Խմբագրել աղբիւրը]

Երգացանկում են հոգեւոր եւ ժողովրդական երգեր, դասական եւ ժամանակակից հայ եւ արեւմտեան երգահաններու ստեղծագործութիւններ։[2]

Ծանօթագրութիւններ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]