Այս Հրաշալի Կեանքը

Jump to navigation Jump to search
Պատկեր:Poster for IAWL.jpg
Այս հրաշալի կեանքը, It's a Wonderful Life

«Այս հրաշալի կեանքը» (անգլերէն՝ It's a Wonderful Life), բեմադրիչ Ֆրենք Քափրայի 1946 թուականին նկարահանած ամերիկեան ֆիլմ։ Դիպաշարի հիմքը ամերիկացի գրող Ֆիլիփ Վան Տօրէն Սթերնի «Ամենամեծ նուէրը» ստեղծագործութիւնն է։ Առաջնախաղը կայացած է 1946 թ. Դեկտեմբերի 20-ին, Նիու Եորքի մէջ։

Ֆիլմի գլխաւոր հերոս Ճորճ Պէյլին է, զոր մարմնաւորած է այդ ժամանակներու յայտնի դերասան Ճէյմս Սթիուըրտը: Ճորճ տարեմուտին կ՛ունենայ բազմաթիւ խնդիրներ՝ յայտնուելով անելանելի իրավիճակի մէջ, որուն հիմնական պատճառը իր ընկերութեան մեծ գումարի կորուստն է։ Անոր որպէս օգնական երկիր կ'առաքուի հրեշտակ մը, որ կ՛օգնէ Ճորճին դուրս գալ այդ իրավիճակէն։

Միացեալ Նահանգներուն մէջ ֆիլմը արդէն երկար տարիներ աւանդաբար կը ցուցադրուի պատկերասփիւռով Ամանորեայ տօներուն[1], ինչպէս օրինակ նախկին Խորհրդային Միութեան երկիրներուն մէջ "Ճակատագրի հեգնանք, կամ բաղնիքդ անուշ" ֆիլմը[2]։ Այն կը համարուի Ծննդեան Տօներու դասական ու լաւագոյն ֆիլմերէն մէկը ամբողջ աշխարհի մէջ[3][4], Ամերիկեան բոլոր ժամանակներու 100 լաւագոյն ոգեշնչող ֆիլմերու ցանկին 1-ինն է[5]։: Անիկա կը համարուի Ծննդեան Տօներու դասական ու լաւագոյն ֆիլմերէն մէկը ամբողջ աշխարհի մէջ, Ամերիկեան բոլոր ժամանակներու 100 լաւագոյն ոգեշնչող ֆիլմերու ցանկին մէջ առաջինն է։

Ֆիլմը մեծ ազդեցութիւն ձգած է համաշխարհային սինեմարուեստին եւ յատկապէս ամերիկեան մշակոյթին վրայ, ֆիլմին մէջ հնչող շատ արտայայտութիւններ թեւաւոր խօսքեր դարձած են։ Ֆիլմը յարմար է ընտանեկան դիտման եւ նախատեսուած է բոլոր տարիքի դիտողներուն համար. անիկա ոգեշնչող է եւ քաջալերող։ Դերասաններուն կերտած հերոսները, հետաքրքրական սիւժէն՝ անսպասելի լուծումներով, շատ հետաքրքրական ու բարի այս ֆիլմը սիրուած դարձուցած են դիտողներու շրջանակին մէջ։

Սիւժէ[Խմբագրել | Խմբագրել աղբիւրը]

Նախաբան[Խմբագրել | Խմբագրել աղբիւրը]

Ֆիլմը կը սկսի «Պետֆորտ Ֆոլլզ» անուանումով Ամերիկեան յօրինուած փոքրիկ քաղաքի մը տեսարանով։ Քաղաքին բնակիչները կ'աղօթենք Աստուծոյ՝ խնդրելով օգնել Ճորճ Պէյլիին (Ճէյմս Սթիուըրթ)։ Ճորճը հօրմէն ժառանգած էր «Վարկով տուներ» կազմակերպութիւնը, որ քաղաքի բնակիչներուն վարկեր կը տրամադրէր տուներ կառուցելու համար. այդպէսով ան օգնած էր քաղաքի գրեթէ բոլոր բնակիչներուն։

Յաջորդ տեսարանը աստղալից երկինքի տեսարան կը բացուի, ուր Աստուած, խօսելով Յովսէփի հետ (եծ աստղ մը կը խօսի փոքր աստղի մը հետ), կը յանձնարարէ իրեն հրեշտակներէն մէկուն ուղարկել երկիր՝ օգնելու Ճորճին։ Կ՝որոշեն երկիր ուղարկուիլ անփորձ, բայց խոստումնալից հրեշտակ Քլարենսին, ով տակաւին թեւեր չունի։

Յովսէփը Քլարենսին ցոյց կու տայ ամբողջ կեանքը՝ սկսած մանկութիւնէն, որպէսզի Քլարենսը հասկնայ, թէ որուն հետ գործ ունի եւ ինչպէ՞ս կարող է օգնել իրեն՝ դուրս գալու ստեղծուած իրավիճակէն։

Ֆիլմի հիմնական իրադարձութիւնները կը սկսին պարզապէս Ճորճի մանկութիւնով...

Ճորճի Մանկութիւնը[Խմբագրել | Խմբագրել աղբիւրը]

Ճորճը Մերիի ու Վիոլէթի հետ,
Քատր ֆիլմէն

Կանուխ տարիքէն Ճորճ այնչափ հետաքրքրասէր ու խելացի էր. ան կ՝ երազէր դառնալ ճանապարհորդ, ըլլալ աշխարհի յայտնի քաղաքներու մէջ, մեկնիլ սորվելու այլ քաղաքի ուսումնական հաստատութիւններ։ Ան արդէն պատանի հասակին կ՝ աշխատէր քաղաքի դեղարաններէն մեկուն մէջ որպէս դեղերու ցրիչ՝ մտերմանալով դեղարանի տնօրէն միսթր Կովվերի (Հ. Պ. Ուորներ) հետ։ Օր մը Կովվերը հեռագիրով լուր կը ստանայ, որ երիտասարդ որդին մահացեր է եւ լուրի ազդեցութեան տակ դեղի փոխարէն թոյն կու տայ Ճորճին՝ յանձնարարելով հասցնել այն քաղաքի հիւանդներէն մէկուն։ Սակայն Ճորճ ուշադիր ըլլալով կը նկատէ, որ դեղի փոխարէն ան իրեն թոյն յանձնած է, եւ այդպէսով կը կանխէ յաճախորդին մահը։

Ճորճ փոքր եղբայրը ունէր՝ Կարրին, որուն իր մանուկ հասակին կը փրկէ խեղդուելէն՝ հանելով կոտրուած սառոյցի ջուրէն։ Այդ դէպքէն ետք Ճորճին ձախ ականջը կը վնասուի եւ կը զրկուի լսողութենէն։

Պատանի հասակին Ճորճին սիրահարուած էին 2 աղջիկ՝ Մերին (Տոննա Ռիտ) եւ Վիոլէթը (Կլորիա Կրահամ)։ Ճորճը, սակայն, կը համակրէր Մերիին։

«Վարկով տուներ» Ընկերութիւնը[Խմբագրել | Խմբագրել աղբիւրը]

Ճորճի հայրը՝ Փիթըր Պէյլին, (Սամուէլ Հինտս) ունէր «Վարկով տուներ» սեփական ֆինանսական ընկերութիւնը եւ քաղաքի բնակիչներուն կը տրամադրէր երկարաժամկէտ վարկեր՝ բնակելի տուներ կառուցելու համար: Ընկերութեան մէջ կ'աշխատէր նաեւ անոր հօրեղբայրը՝ Պիլլի Պէյլին (Թոմաս Միթչըլ): Սակայն այդ ընկերութեան՝ գրեթէ բարեգործական աշխատանքը, չէր սիրեր քաղաքի ամենահարուստ եւ դաժան մարդուն՝ Հէնրի Փոթըրին (Լայոնըլ Պէրիմոր), որ ամէն հնարաւորութիւն կ'օգտագործէր տիրանալու համար ուրիշներու սեփականութեան եւ կը ցանկանար, որ «Վարկով տուներ» ընկերութիւնը դադարի գործել կամ ինք ըլլայ սեփականատէրը: Այնուամենայնիւ Ճորճի հայրը ամէն գնով կը կարողանար պահպանել սեփական ընկերութիւնը Փոթըրի ոտնաձգութիւններէն:

Ծանօթագրութիւններ[Խմբագրել | Խմբագրել աղբիւրը]

  1. «One of America's Favorite Christmas Movies Has a Wonderful Life of Its Own: 72 Percent of Viewers are Younger Than the Movie»։ www.blockbuster.com։ 7 Դեկտեմբեր 2008։ արտագրուած է՝ 12 Նոյեմբեր 2014 
  2. Ասիա Սեմիոնովա (06 Յունուար 2014)։ «Американская "Ирония судьбы…", или как встречают Новый год в США»։ Радиостанция «Вести ФМ»։ արտագրուած է՝ 17 Նոյեմբեր 2014 
  3. «It's a Wonderful Life»։ Encyclopedia Britannica։ արտագրուած է՝ 2012 թ․ հուլիսի 15 
  4. «It's A Wonderful Life (1946)»։ filmsite.org։ արտագրուած է՝ 17 նոյեմբեր 2014 
  5. «AFI'S 100 YEARS...100 CHEERS»։ American Film Institute։ արտագրուած է՝ 2014 թ․ հունիսի 21 

Կատեգորիա:Ֆիլմէր