Ազազի Ճակատամարտ

Jump to navigation Jump to search

Կաղապար:Տեղեկաքարտ ճակատամարտ

Ազազի ճակատամարտ, ռազմական ընդհարում խաչակիրներու եւ սելճուքներու միջեւ ժամանակակից Սուրիոյ Ազազ քաղաքին մօտ: Տեղի ունեցած է 11 Յունիս 1125-ին:

Նախադրեալներ[Խմբագրել | Խմբագրել աղբիւրը]

1118-ին Եդեսիոյ կոմս Ժոսլէնը Հալէպի աթաբեկ Իլ-Գազիէն գրաւած էր հիւսիսային Սուրիոյ մէջ Ազազ քաղաքը: Յաջորդող տարուան Յունիսին Անտիոքի դքսութեան վարիչ Սալերնոյի իշխան Ռոժերի գլխաւորութեամբ խաչակիրները ջախջախուեցան Արիւնոտ դաշտի ճակատամարտի ընթացքին, իսկ 18 Ապրիլ 1123-ին Եդեսիա ուղեւորուած ժամանակ գերի ինկաւ Երուսաղէմի արքայ Պալտուինը: 19 Հոկտեմբեր 1124-ին Պալտուին, որ 80,000 տինարի դիմաց ազատած էր Խարբերդի մէջ միամեայ գերութենէն, սկսաւ Հալէպի պաշարումը:

ճակատամարտ[Խմբագրել | Խմբագրել աղբիւրը]

Հալէպի օգնութեան հասաւ Մոսուլի աթաբեկ Պուրսուքին: Անոր ճնշման տակ խաչակիրները ստիպուած դադրեցուցին պաշարումը եւ նահանջեցին: Ապա Բուրզուկին պաշարեց Եդեսիոյ կոմսութեան Զերդան բնակավայրը: Պալտուինը, հայոց իշխան Լեւոն Ա.[1], Ժոսլէնը, Թրիփոլիի կոմս Փոնսը ճակատամարտ տուին Պուրզուքիին Ազազ քաղաքի մօտակայքը: Խաչակիրներու զօրքը կազմուած էր 1100 ասպետներէ եւ 2000 հետեւակայիններէն, իսկ իսլամներու ուժերը բազմակի անգամ կը գերազանցէին անոնց:

Պալտունին ձեւացուց թէ կը նահանջէ եւ սելճուքներուն դուրս բերաւ քաղաքի շրջակայքը գտնուող բաց դաշտ մը, ուր ճակատամարտեցաւ անոնց հետ: Երկարատեւ ու արիւնոտ ճակատամարտի ընթացքին սելճուքները ջախջախուեցան: Վերջիններէն մնացած հարուստ աւարի շնորհիւ Պալտուինը ետ գնեց իսլամներէն բազմաթիւ գերիներ, որոնցմէ են Եդեսիոյ ապագայ կոմս Ժոսլէն Բ․-ը:

Հետեւանքներ[Խմբագրել | Խմբագրել աղբիւրը]

Ազազի մէջ տարած յաղթանակի շնորհիւ խաչակիրները տարածաշրջանին մէջ մասնակիօրէն վերականգնեցին Արիւնոտ դաշտի ճակամարտի ընթացքին կրած պարտութեան հետեւանքով կորսուած ազդեցութիւնը: 1128-ին Հալէպի եւ Մոսուլի ուժերը միաւորուեցան հզօր հրամանատար Զենկիի գլխաւորութեամբ, եւ խաչակիրները սկսան կորսնցնել իրենց դիրքերը հիւսիսային Սուրիոյ մէջ:

Ծանօթագրութիւններ[Խմբագրել | Խմբագրել աղբիւրը]

  1. Княжество Рубенидов Киликии в международных отношениях на Ближнем Востоке в 20-30е годы XII в. //Византийский временник //Институт истории // հատոր 55; էջ 167; — 1994 թ. [1] (ռուս.)

Լրացուցիչ ընթերցանութիւն[Խմբագրել | Խմբագրել աղբիւրը]

  • Smail, R. C. (1995) [1956], Crusading Warfare 1097-1193, New York: Barnes & Noble Books, ISBN 1-56619-769-4