Ալիսը Հրաշքներու Աշխարհին Մէջ (տեսաժապաւէն)
| Alice in Wonderland | |
|---|---|
 _Logo_Black.svg){kind=logo} | |
| Արտադրիչ | Ուոլթ Տիզնի |
| Գրագէտ | Լուիս Քերոլ |
| Գլխաւոր դերեր | Ալիս |
| Արտադրող ընկերութիւններ |
Ուոլթ Տիզնի ընկերութիւն |
| Թողարկման թուական | 28 Յուլիս 1951 |
Տեւողութիւն | 75 |
| Երկիր | ԱՄՆ |
| Լեզու | անգլերէն |
| Պիւտճէ | 3000000 |
Ալիսը Հրաշքներու Աշխարհին Մէջ (անգլերէն՝ Alice in Wonderland), մանուկներու տեսաժապաւէն Ուոլթ Տիզնի ընկերութեան կողմէ, ստեղծուած 1951-ին։ Գրուած է անգլիացի գրող Լուիս Քերոլի վէպին հետեւողութեամբ, որ կազմուած է երկու գիրքերէ. «Ալիսը Հրաշքներու Աշխարհին Մէջ» եւ «Ալիսը Հայելիի Աշխարհին Մէջ»:
Նիւթ
[Խմբագրել | Խմբագրել աղբիւրը]Ալիս անունով աղջիկը, քնանալով կը տեսնէ երազ մը՝ վազող սպիտակ նապաստակին մասին։ Ան կը վազէ անոր ետեւէն եւ յանկարծ կը յայտնուի հրաշքներու աշխարհին մէջ, ուր տեղի կ'ունենան անհաւանական իրադարձութիւններ։
Գործող նձեր
[Խմբագրել | Խմբագրել աղբիւրը]Ալիս
[Խմբագրել | Խմբագրել աղբիւրը]Ալիս (անգլերէն՝ Alice) – տեսաժապաւէնին գլխաւոր հերոսուհին, հետաքրքիր եւ երազկոտ աղջիկ մը, որ հրաշքներու աշխարհին մէջ հետաքրքրութեամբ կը հետեւի սպիտակ նապաստակի մը, անցնելով ճագարի որջին մէջէն։ Հոն Ալիս կ'որոշէ ելք մը գտնել եւ տուն հասնիլ։ Ան կը ստիպուի անցնիլ ամբողջ հրաշքներու աշխարհէն, ծանօթանալ տարբեր հերոսներու, որոնցմէ են՝ Չեշիրեան Կատուն, Մարտեան Նապաստակը, Գլխարկագործը, Երկուորեակ եղբայրները եւ այլն։ Ժապաւէնին վերջաւորութեան Կարմիր Թագուհիին հետապնդումէն փրկուելով, կ'անդրադառնայ, որ քնացած է, կը սթափի եւ ինքզինք կը գտնէ տան մէջ։ Ան ունի կատու մը՝ Թինան եւ իրմէ մեծ քոյր մը։
Հերոսներու կենսունակութեամբ կը զբաղին Օլլի Ճոնսոնը, Մարք Տէյվիսը, Միլթ Քալը եւ Ճոն Լաունսպըրին։ Ինչպէս Ձիւնաթիւրին եւ Մոխրիկին, Ալիսի համար ալ նշանակուած էր կենդանի տիպար մը, որ կը կատարէր նկարահանման տեսարանները, իբրեւ ուղեցոյց ոգեւորողներուն համար։ Ալիսին տիպարն էր 14 ամեայ անգլիացի Քեթրին Պոմոնտը։ Յետագային Պոմոնտ կը դառնայ նաեւ հերոսներու համար հնչիւնաւորող։
Դերերը հնչիւնաւորեցին
[Խմբագրել | Խմբագրել աղբիւրը]- Ալիս - Քեթրին Պոմոնտ
- Գլխարկագործ - Էտ Վինն
- Մարտեան Նապաստակ - Ճերրի Քոլոննա
- Թրթուռ - Ռիչարտ Հէյտըն
- Չեշիրեան Կատու - Ստերլինկ Հոլլոէյ
- Կարմիր Թագուհի - Վեռնա Ֆելթըն
- Երկուորեակներ/Ծովափիղը եւ Հիւսնը/ոստրէներու մայր - Պետ Օմելլի
- Տօտօ/Սպիտակ ճագար - Պիլլ Թոմփսըն
- Ալիսի քոյրը - Հեզզըր Էյնդժել
- Դռան բանալի - Ժոզէֆ Քիորնս
- Մողեսիկ Պիլլ/Խաղաթուղթ ներկարար - Լարրի Կրէյ
- Թագաւոր - Դինկ Տրաուտ
- Վարդ - Տորիս Լոյտ
- Սոնիա - Ճիմմի ՄաքՏօնալտ
- Խաղաթուղթ ներկարարներ - The Mellomen խումբ
- Ուրիշ խաղաթղթեր - Տօն Պառկլայ
- Արեւածաղիկ/վարդակակաչ - Լյուսիլ Պլիսս
Պարգեւներ
[Խմբագրել | Խմբագրել աղբիւրը]| «Ալիսը հրաշքներու աշխարհին մէջ» տեսաժապաւէնի մրցանակներու եւ պարգեւներու ցուցակը։[1] | |||
|---|---|---|---|
| Մրցանակ | Պարգեւատրում | Թեկնածու | Ցուցանիշ |
| Վենետիկեան փառատօն (1951) | Ոսկիէ առիւծ | Քլայտ Ճերոնիմի, Ուիլֆրետ Ճէքսոն, Հեմիլթոն Լասք | թեկնածու |
| Օսքար |(1952) | լաւագոյն երգը լաւագոյն երաժշտական ժապաւէնին մէջ | Օլիվըր Ուոլլըս | թեկնածու |
Ծանոթագրութիւններ
[Խմբագրել | Խմբագրել աղբիւրը]- ↑ «Awards for Alice in Wonderland» (անգլերեն)։ արտագրուած է՝ 7 Յուլիս 2010