Sense8
Sense8 (բառախաղ sensate sɛnseɪt)[1] Ամերիկեան երեւակայական եւ տրամա հեռուստաշար մըն է, ստեղծուած՝ Լանա եւ Լիլի Ուաչաուսքիներու եւ Մայքըլ Սթրաքզնսքիի կողմէ Netflix-ի համար։ Sense8-ը կ'արտադրուի Ուաչաուսքիըներու Anarchos Productions եւ Սթրաքզնսքիի Studio JMS արտադրիչ ընկերութիւններուն կողմէ, ինչպէս նաեւ Javelin Productions, Georgeville Television եւ Unpronounceable Productions ընկերութիւններուն կողմէ։
Համազգային գլխաւոր կերպարներու դերասաններէ կազմուած է հեռուստաշարը, որ կ'ընդգրկէ Թուփընս Միտլթըն, Պրայըն Ճ. Սմիթ, Տունա Պէյ, Ամըլ Ամին, Մէքս Ռիէմէլթ, Թինա Տէզայ, Միկէլ Անճէլ Սիլվէսթր եւ Ճէյմի Քլէյթըն, որոնք կը ներկայացնեն 8 անծանօթ մարդիկ եւ անակնկալօրէն կը դառնան «սէնսէյթ»-ներ՝ այսինքն, մարդ արարածներ, որոնք ֆիզիքապէս եւ զգացականօրէն իրար կապուած են, ուր որ ալ ըլլան աշխարի վրայ։
Դիպաշար (Plot)[2]
[Խմբագրել | Խմբագրել աղբիւրը]«Sense8»-ի պատմութիւնը կը սկսի, երբ աշխարհի տարբեր կողմերէն եկած եւ կեանքի տարբեր ուղիներ ունեցող ութ անծանօթներու միջեւ հոգեկան կապը «կը ծնի» Անժելիքա անունով կնոջ մը կողմէ, որ ինքնասպան կ’ըլլայ՝ խուսափելու համար «Ուիսփըրզ» (Whispers) կոչուած մարդուն ձեռքը գերի իյնալէ։ Այդ ութը կը յայտնաբերեն, որ իրենք կը կազմեն «զգայուններու» (sensates) խումբ մը. անոնք մարդկային էակներ են, որոնք մտային եւ զգացական կապ ունին իրարու հետ, կրնան զգալ ու հաղորդակցիլ մէկզմէկու հետ, ինչպէս նաեւ կրնան կիսել իրենց գիտելիքները, լեզուները եւ հմտութիւնները։
Առաջին տարեշրջանին, ութը հոգին՝ Քաֆիուսը, Սանը, Նոմին, Քալան, Ռայլին, Ուոլֆկանկը, Լիթոն եւ Ուիլը, կը ջանան թէ՛ իրենց առօրեայ կեանքը ապրիլ, եւ թէ՛ հասկնալ, թէ ինչպէ՞ս եւ ինչո՞ւ կապուած են իրարու։ Միեւնոյն ժամանակ, Եոնաս անունով զգայուն մը, որ կապ ունէր Անժելիքայի հետ, կու գայ օգնելու անոնց, մինչ չարագործ «Կենսաբանական պահպանման կազմակերպութիւնը» (BPO) եւ Ուիսփըրզը՝ այդ կազմակերպութեան մէջ բարձր դիրք ունեցող զգայուն մը, կը փորձեն որսալ զանոնք։
Երկրորդ տարեշրջանին, ութը արդէն վարժուած են իրենց կապին եւ ամէն օր կ’օգնեն իրարու։ Անոնք աւելի շատ բան կը սորվին զգայուններու մասին, թէ ինչպէս գործածել (կամ ժամանակաւորապէս կասեցնել) իրենց կարողութիւնները, ինչպէս նաեւ կը տեղեկանան BPO-ի պատմութեան, անոր նպատակներուն եւ Անժելիքայի ունեցած դերակատարութեան մասին։ Անոնք կը հանդիպին նաեւ այլ զգայուններու, որոնցմէ ոչ բոլորը բարեկամական են։ Նոյն ատեն, Եոնասը կը փորձէ թէ՛ անոնց օգնել եւ թէ՛ ինքնիրեն պաշտպանել Ուիսփըրզի կողմէ գերի բռնուելէ ետք, որն այժմ «մուկն ու կատուի» խաղի մը մէջ է Ուիլին հետ՝ իւրաքանչիւրը փորձելով գերազանցել միւսը։
Վերջաբանին (Finale), խումբը եւ իրենց ամենամօտիկ մարդիկը անձամբ կը հանդիպին՝ փրկելու համար Ուոլֆկանկը, որ գերի բռնուած էր BPO-ի կողմէ։ Այդ նպատակով, խումբը առեւանգած է Ուիսփըրզը եւ Եոնասը՝ զանոնք գործածելու համար որպէս փոխանակման միջոց եւ տեղեկատուութեան աղբիւր։ Հերոսները կը բացայայտեն երկու տղամարդոց եւ Անժելիքայի անձնական շարժառիթները, կը հանդիպին հաւանական դաշնակիցներու (թէ՛ զգայուններ եւ թէ՛ սովորական մարդիկ), եւ կը պայքարին BPO-ի նախագահին դէմ, որ համաշխարհային յարձակում կը սկսի զգայուններուն ու անոնց դաշնակիցներուն դէմ։
Տե՛ս Նաեւ
[Խմբագրել | Խմբագրել աղբիւրը]Ծանօթագրութիւններ
[Խմբագրել | Խմբագրել աղբիւրը]- ↑ Chris Arrant (October 30, 2013)։ «JMS Discusses Collaborating With Wachowskis For Netflix's 'Sense8′»։ Spinoff Online։ Comic Book Resources։ արխիւացուած է բնօրինակէն-էն՝ May 7, 2016-ին։ արտագրուած է՝ October 19, 2014
- ↑ (անգլերեն) Sense8, 2026-03-04, https://en.wikipedia.org/w/index.php?title=Sense8&oldid=1341693653, վերցված է 2026-03-11