Pretty Woman (ֆիլմ)

Pretty Woman (Ֆիլմ)
Պատկեր:Գեղեցկուհին.jpg
Pretty Woman
Գրագէտ	Հէրի Մարշալ
Հիմնուած	1990
Գլխաւոր դերեր	Ռիչարտ Գիր Ճուլիա Ռոպերթս Ռալֆ Բելլամի
Տեւողութիւն	119 վայրկեան
Երկիր	Դրոշաւորում
Լեզու	Անգլերէն

«Սիրունիկը» (անգլերէն՝ Pretty Woman, ԱՄՆ, 1990), գեղարուեստական ֆիլմ՝ նկարահանուած սիրային պատմութեան ժանրին մէջ։

Սիւժէ

Ֆինանսական մագնատ՝ Էտուարտ Լուիսը, մոլորուելով գիշերային քաղաքին մէջ, կը կանգնի փողոցային մարմնավաճառ Վիվիանի մօտ, որպէսզի ան ցոյց տայ ճանապարհը։ Աղջիկը դուր կու գայ Էտուարտին, եւ ան կը հրաւիրէ աղջկան հիւրանոցին իրեն համար։ Առաւօտեան կը տեղեկանէ, որ շատ կարեւոր գործարք կնքելուն պետք է երթալ ուղեկցորդուհիի հետ եւ լրացուցիչ հոնորարի դիմաց կ'առաջարկէ աղջկան մնալը իր բնակարաններուն մէջ վեց օր եւս։

Վիվիանը ամէն ինչ կը հանդուրժէ հանուն իր ընտրեալի, որ արդէն դադարած է «յաճախորդ» ըլլալէն։

Այս բոլորին զուգահեռ՝ կը զարգանայ սիւժետային երկրորդ գիծը. Էտուարտը կ'աշխատի մեծ պայմանագիրի վրայ՝ մեծ նաւաշինարարական ընկերութեան առքով ու վերավաճառքով։ Ինչպէս կը բացատրէ Վիվիանը իրեն հասկանալի լեզուով, «այդ նման է մեքենայ գնելուն եւ մասերով վաճառելուն»։

Թռուցիկ ծանօթութիւնը կը ստիպէ Էտուարտին՝ վերաիմաստաւորել կենսական արժէքները։ Վիվիանը ալ չ'ուզեր ըլլալ միլիարտատիրոջ հովանաւորեալը. ան կ'երազէ «սպիտակ ձիով ասպետի» մասին, որ կու գայ եւ կը տանի զինք իր նախկին կեանքէն։

Դերակատարութիւն

• Ռիչարտ Գիր — Էտուարտ Լուիս
• Ճուլիա Ռոպերթս — Վիվիան Ուորդ
• Ռալֆ Բելլամի — Ճեյմս Մորս
• Էմի Յասբեկ — Էլիզապէթ Ստակի
• Ճեյսոն Ալեքսանտր — Ֆիլիպ Ստակի
• Հեքթոր Էլիզոնդօ — Բարնի Թոմփսոն
• Լորա Սան Ճակոմո — Կիտ Տէօ Լիւկա
• Էլինոր Դոնահիւ — Պրիճիթ

Դերակատարներու Ընտրութիւն

«Սիրունիկի» դերակատարութիւնը բաւական երկար էր։ Էտուարտ Լուիսի դերին մէջ, ի սկզբանէ՝ Հարի Մարշալը կը դիտարկէր Քրիստոֆըր Ռիվին, բայց վերջինս մերժեց։ Կը դիտարկուէր նաեւ՝ Ալ Պաչինօն, բայց քանի մը փորձէ ետք, ան հրաժարեցաւ։ Ռիչարտ Գիրը համաձայնեցան միանգամէն։ Ի սկզբանէ՝ ան կը փորձէր իր հերոսին կերտել աւելի աշխոյժ, բայց Հէրի Մարշալը զինք մէկ կողմ մը տարաւ եւ ըսաւ. «Ո՛չ, ո՛չ, Ռիչա՛րտ։ Այս ֆիլմին մէչ, աշխոյժ պէտք է ըլլայ միայն մէկ կերպար։»

Վիվիանի դերին մէջ, ի սկզբանէ՝ չէր դիտարկուեր Ճուլիա Ռոպերթսը, աւելին, Disney ընկերութիւնը դէմ էր անոր թեկնածութեան։ Հէրի Մարշալըկը ծրագրեր, որ դերը կը հասնի Կարէն Ալլէնին։ Ասկէ ետք, երբ ան հրաժարեցաւ, տնօրէնը դերի համար հրաւիրեց բազմաթիւ յայտնի դերասանուհիներու։ Դերէն հրաժարեցան՝ Մեգ Ռայանը, Սառա Ճեսիքա Փարքերը, Մերի Սթինբերգէնը, Միշել Պֆայֆերը, Վալերիա Գոլինօն, Ճենիֆեր Ճեյսոն Լին եւ այլն։

Տերիլ Հաննան իր մերժումը կը հիմնաւորէր անորմով, որ իր կարծիքով ֆիլմը սեքսուալ բնոյթի էր եւ կը ստորացնէր կանանց։

Հրաժարեցաւ նաեւ՝ Մոլլի Ռինկուոլդը, որուն դուր չեկաւ մարմնավաճառի դերը։ Ճիշտ է, որոշ հարցազրույցներուն, ան նշած է, որ շատ կ'ափսոսի, որ այն ժամանակ մերժած է այդ դերը։ Վայնոնա Ռայտերը եւ Ճենիֆեր Քոննելին չստացան իրենց դերը, որովհետեւ տնօրէնը անոր շատ երիտասարդ կը համարէր։

Երբ մնացած բոլոր դերասանուհիները հրաժարեցան դերէն, Վիվիանի դերը ստացաւ 23 տարեկան Ճուլիա Ռոպերթսը, որ այն ժամանակ տահաւին յայտնի չէր լայն հասարակութեան։ Այս դերը զինք՝ աստղ դարձուց։

Մշակութային Ազդեցութիւնը

Ֆիլմի կարեւորագոյն՝ հերոսներու թատրոն այցելելու դրուագին մէջ, կը հնչեն Ճուզեպպէ Վերդիի «Տրաւիատա» օփերայէն հատուածներ։ Այս օփերայի ընտրութիւնը պատահական չէ. գոյութիւն ունի կապ ֆիլմի եւ օփերայի սիւժետներու միջեւ։ Վերդիի օփերայի (որ ըստ էութեան՝ Ալեքսանդր Դիւմա-որդիին «Կամելիազարդ տիկինը» վէպի կը վերապատմէ) գլխաւոր հերոսուհին փարիզեան կուրտիզանուհի՝ Վիոլեդդա Վալերին է։ Նմանօրինակ, ինչպէս օփերային մէջ, ֆիլմին մէջ մարմնավաճառ Վիվիանի կեանքը կը փոխուի այլ դասակարգէն տղամարդու հետ ծանօթութենէն ետք։

Մէկ այլ տեսարանի մէջ՝ (ուր գլխաւոր հերոսները քնացած են այգիի խոտերուն մէջ) կը հնչէ Ուիլիըմ Շեքսպիրի սոնէտներէն հատուած՝ «անոր աչքերը՝ նման աստղերու». Էտուարտը գիրքէն կը կարդայ Վիվիանին համար։

Հետաքրքիր Փաստեր

Ֆիլմին մէջ կան տպաւորութիւն ստեղծող տեսարաններ՝ փոլօ խաղի տեսարանին մէջ, երբ հերոսուհիին կը սիրահարուի գեղեցկատես պատանին, համարեայ ամբողջութեամբ կը կրկնէ 1964 թուականի՝ «Իմ չքնաղ լեդի» ֆիլմի տեսարանը։

Ֆիլմին մէջ կայ բառախաղ։ Էտուարտ Լուիսը սկզբը՝ «Սեւ ասպետէն» կը վերափոխուի «սպիտակ ասպետի» Մորսի ընկերութեան համար, իսկ շուտով Վիվիանի համար կը դառնայ «սպիտակ ձիու վրայ ասպետի»։

Ֆիլմի պաստառին մէջ, Ճուլիա Ռոպերթսի գլուխը տեղադրուած է դերասանուհի Շելլի Միշելի մարմնի վրայ։ Պաստառի վրայ՝ Ռիչարտ Գիրի մազերը շագանակագոյն են, երբ ֆիլմին մէջ ատոնք ալեխառն են։.

Պարգեւներ եւ Անուանակարգեր

• 1991 — «Օսքար» մրցանակաբաշխութեան Լաւագոյն դերասանուհի (Ճուլիա Ռոպերթս) անուանակարգ։
• 1991 — «Ոսկէ կլոբուս» մրցանակաբաշխութեան՝ կնոջ լաւագոյն դեր կատակերգութեան կամ երաժշտութեան մէջ (Ճուլիա Ռոպերթս), ինչպէս նաեւ՝ 3 անուանակարգ՝ լաւագոյն ֆիլմ - կատակերգութիւն կամ երաժշտութիւն, տղամարդու լաւագոյն դեր կատակերգութեան կամ երաժշտութեան՝ (Ռիչարտ Գիր), երկրորդ պլանի տղամարդու լաւագոյն դեր (Հեքթոր Էլիզոնդօ)։
• 1991 — BAFTA մրցանակաբաշխութեան չորս անուանակարգ՝ լաւագոյն ֆիլմ՝ (Արնոն Միլչըն, Սթիվըն Ռեթեր, Հարի Մարշալ), լաւագոյն կանացի դեր՝ (Ճուլիա Ռոպերթս), հագուստներու լաւագոյն ձեւաւորութիւն՝ (Մերիլին Վենս), լաւագոյն օրիգինալ սցենար (Ջ. Ֆ. Լոութոն)։

Երաժշտութիւն

1. «Wild Women Do» — Նաթալի Քոուլ
2. «Fame '90» — Դաւիդ Բոուի
3. «King of Wishful Thinking» — Go West
4. «Tangled» — Jane Wiedlin
5. «It Must Have Been Love» — Roxette
6. «Life in Detail» — Ռոպերտ Փալմեր
7. «No Explanation» — Peter Cetera
8. «Real Wild Child (Wild One)» — Christopher Otcasek
9. «Fallen» — Lauren Wood
10. «Oh, Pretty Woman» — Ռոյ Օրբիսոն
11. «Show Me Your Soul» — Red Hot Chili Peppers

Գրականութիւն

• Կրեկորի Լ. Sew Iconic. Հոլլիուուտի 10 լեգենդար հագուստները / Անգլ. թարգմ. Պ. Օխրիմչուկ — Մ.։ РИПОЛ Классик, 2013. — 144 էջ, պատկերազարդ, տպաքանակ՝ 3000, ISBN 978-5-386-05322-2 ։ (Ճուլիա Ռոպրթսի սպիտակ գնդիկներով շագանակագոյն հագուստի մասին է)