Ֆանժինկշան
![](http://upload.wikimedia.org/wikipedia/commons/thumb/a/a5/%E6%A2%B5%E6%B7%A8%E5%B1%B1%E7%B4%85%E9%9B%B2%E9%87%91%E9%A0%82%EF%BC%88%E6%96%B0%E9%87%91%E9%A0%82%EF%BC%89.jpg/220px-%E6%A2%B5%E6%B7%A8%E5%B1%B1%E7%B4%85%E9%9B%B2%E9%87%91%E9%A0%82%EF%BC%88%E6%96%B0%E9%87%91%E9%A0%82%EF%BC%89.jpg)
Ֆանժինկշան կամ Ֆանժինկ գագաթը Չինաստանի Կիժու նահանգին Թոնկրեն քաղաքին մէջ, Ուուլինկ լեռներուն ամէնէն բարձր գագաթն է:
Ֆանժինկշան չինարէն կը նշանակէ «պուտտայական հանգստութիւն»:
Անիկա կազմուած է մօտաւորապէս 65 միլիոն եւ 2 միլիոն տարի առաջ[1]:
Բնութիւն
[Խմբագրել | Խմբագրել աղբիւրը]![](http://upload.wikimedia.org/wikipedia/commons/thumb/a/a8/%E6%A2%B5%E6%B7%A8%E5%B1%B1%E9%A2%A8%E6%99%AF.jpg/220px-%E6%A2%B5%E6%B7%A8%E5%B1%B1%E9%A2%A8%E6%99%AF.jpg)
Ֆանժինկշան լեռներուն միջավայրը ունի բնապահպանման վերաբերեալ մեծ կարեւորութիւն: Անիկա օժտուած է հարուստ բնական միջավայրով մը: Հոն կարելի է գտնել 3724 բոյսի տարբեր տեսակներ, ինչպէս նաեւ` աւելի 2317 անողնաւոր, եւ 450 ողնաւոր անասուններու տարբեր տեսակներ: Օրինակի համար, միայն հոն կարելի է հանդիպիլ Ֆանժինկշանի եղեւնիին եւ Կիժուի տնկուած քիթով կապիկին:
Ֆանժինկշան տաճարը
[Խմբագրել | Խմբագրել աղբիւրը]![](http://upload.wikimedia.org/wikipedia/commons/thumb/5/55/Fanjingshan-new.jpg/220px-Fanjingshan-new.jpg)
Ֆանժինկշան տաճարը կը գտնուի Ֆանժինկ լերան գագաթին: Այս «տաճարը» կազմուած է երկու տարբեր տաճարներէ` Պուտտայի տաճարը եւ Մայթրէյա տաճարը: Անոնք զետեղուած են սրածայր ժայռի մը Կարմիր ամպերու ոսկեգոյն գագաթին վրայ, իր 100 մեթր բարձրութեամբ` արդէն բարձր լերան մը վրայ հանգչած:
![](http://upload.wikimedia.org/wikipedia/commons/thumb/5/59/A_view_over_Cheng%27en_Temple%2C_Mount_Fanjing%2C_31_March_2020f.jpg/220px-A_view_over_Cheng%27en_Temple%2C_Mount_Fanjing%2C_31_March_2020f.jpg)
Ծովու մակերեսէն 2336 մեթր բարձրութեան վրայ գտնուող այս զոյգ տաճարներուն կարելի է հասնիլ մագլցելով հազարաւոր նեղ աստիճաններ` լերան երկայնքին:
Ֆանժինկշան չինարէն կը նշանակէ «պուտտայական հանգստութիւն»: Պուտտային նուիրուած Պուտտայի տաճարը կը ներկայացնէ ներկան, իսկ Մայթրէյա տաճարը կը ներկայացնէ ապագան: Իսկ տաճարներուն հասցնող ճամբուն վերջին բաժինը կը ներկայացնէ այս խորհրդանշական գաղափարը, երբ այցելուները նախ կը հասնին Պուտտայի տաճարը, ապա անկէ կրնան անցնիլ Մայթրէյա տաճար:
![](http://upload.wikimedia.org/wikipedia/commons/thumb/e/e9/Stone_steps%2C_Mount_Fanjing%2C_Picture2.jpg/220px-Stone_steps%2C_Mount_Fanjing%2C_Picture2.jpg)
![](http://upload.wikimedia.org/wikipedia/commons/thumb/6/6a/Dharma_Hall%2C_Cheng%27en_Temple%2C_Mount_Fanjing%2C_31_March_2020b.jpg/220px-Dharma_Hall%2C_Cheng%27en_Temple%2C_Mount_Fanjing%2C_31_March_2020b.jpg)
Կարմիր ամպերու ոսկեգոյն գագաթին հասնելու համար այցելուները պէտք է ֆիզիքական մեծ ճիգեր գործադրեն, որովհետեւ անոնք պէտք է մագլցին մօտաւորապէս 9000 աստիճան` հասնելու համար Պուտտայի տաճար, իսկ միւս տաճարը հասնելու համար պէտք է պարզապէս կտրել Ոսկեգոյն Սութին Կիրճի քարէ կամուրջը, որ իրարու կը միացնէ երկու գագաթները:
![](http://upload.wikimedia.org/wikipedia/commons/thumb/3/31/Buddhist_temple_on_Red_Clouds_Golden_Summit%2C_Mount_Fanjing%2C_31_March_2020h.jpg/220px-Buddhist_temple_on_Red_Clouds_Golden_Summit%2C_Mount_Fanjing%2C_31_March_2020h.jpg)
Յստակ չէ, թէ այս տաճարները ճիշդ ե՛րբ շինուած են: Ըստ տարբեր աղբիւրներու, անոնք կրնան շինուած ըլլալ Թանկ թագաւորութեան օրերուն (Է.-Ժ. դարեր), կամ աւելի ուշ` Մինկ թագաւորութեան Եոնկըլի իշխանութեան օրերուն, 1403-1425 թուականներուն միջեւ[2]: