Jump to content

Օլիվըր Ինկրոսօ

Օլիվըր Ինկրոսօ
Ծնած է 30 Դեկտեմբեր 1989(1989-12-30)[1][2] (36 տարեկան)
Ծննդավայր Högalid Parish, Սթոքհոլմ, Ստոկհոլմի լեն, Շուէտ[2]
Քաղաքացիութիւն  Շուէտ
Տեսակ պրոգրեսիվ հաուս?
Մասնագիտութիւն երաժշտական պրոդյուսեր, երգահան և դիջեյ
Ծնողներ հայր՝ Emilio Ingrosso?, մայր՝ Պերնիլլա Ուոլգրեն?

Օլիվըր Ինկրոսօ (30 Դեկտեմբեր 1989(1989-12-30)[1][2], Högalid Parish, Սթոքհոլմ, Ստոկհոլմի լեն, Շուէտ[2]), շուէտացի DJ, ռիմիքսըր, երաժշտական արտադրիչ եւ դերասան։

Անձնական կեանք[3]

[Խմբագրել | Խմբագրել աղբիւրը]

Ինկրոսօն սերած է արուեստագէտներու ընտանիքէ։ Ան թոռն է շուէտացի դերասան, երգահան ու երգիչ Հանս Վալկրենի եւ հանրայայտ դերասանուհի Քրիսթինա Շոլինի։ Անոր ծնողքն են արուեստագիտուհի Փերնիլա Վալկրենը եւ պարող ու ճաշարանատէր Էմիլիօ Ինկրոսօն։ Ան ունի երկու կրտսեր քոյր-եղբայր՝ Պիանքա Վալկրեն Ինկրոսօն (ծնած՝ 1994-ին) եւ Պենիամին Վալկրեն Ինկրոսօն (ծնած՝ 1997-ին), որ երգիչ է։ Հօրենական կողմի մեծ հայրն ու մեծ մայրը՝ Քարմինէ եւ Մելինա Ինկրոսօները, երկուքն ալ ծնած են Իտալիոյ Թարանթօ քաղաքին մէջ։

Հօր եւ մօր դառնալուր ամուսնալուծումէն ետք, Փերնիլա Վալկրենը ամուսնացաւ Եոաքիմ Լենհոլմի հետ. անոնք ունին մանչ զաւակ մը եւս։

6 Սեպտեմբեր 2023-ին, Ինկրոսօն եւ իր զուգընկերուհին՝ Զոի-Ֆէյ Պրաունը, որդի մը ունեցան։

Ասպարէզ[4]

[Խմբագրել | Խմբագրել աղբիւրը]

Ան իր առաջին ելոյթը ունեցաւ գլխաւոր դերով մը 2007-ի շուէտական «Ciao Bella» ֆիլմին մէջ, որուն բեմադրիչն էր իրանա-շուէտացի Մանի Մասերրաթ-Ակահը: Ֆիլմին մէջ ան ներկայացուած էր իր աւազանի անունով՝ Օլիվըր Վալկրեն-Ինկրոսօ: Ան մարմնաւորեց Էնրիքոյի դերը՝ երիտասարդ իտալացի ֆութպոլիստ մը, որ կը մտերմանայ իրանական ծագումով շուէտացի ֆութպոլիստ Մուսթաֆայի հետ (զոր կը մարմնաւորէ Փոյեան Քարիմին) եւ կը մարզէ զայն՝ «դառնալու» Մասսիմօ, պարզապէս միջազգային ֆութպոլի մրցաշարքի մը ներկայ գտնուող աղջիկները հրապուրելու նպատակով:

Գործածելով Օլիվըր Ինկրոսօ կրճատ անունը՝ ան սկսաւ իր երաժշտական ասպարէզը իբրեւ «Progressive house» ոճի DJ՝ հրատարակելով «iTrack» խորագրով EP մը (փոքր ալպոմ) Թիմ Պերկի (աւելի ծանօթ իբրեւ Avicii) եւ Օթթօ Նոուսի (Otto Knows) հետ: Ան հանդէս եկած է նաեւ այնպիսի հանրայայտ DJ-ներու հետ, ինչպէս են՝ Tiësto, Armin van Buuren, Swedish House Mafia, Adrian Lux, Mandy եւ Adam Beyer: Երաժշտական ասպարէզ հետապնդելու հարցին մէջ անոր վրայ մեծ ազդեցութիւն ունեցած է իր զարմիկին՝ Սեպասթիան Ինկրոսսոյի յաջողութիւնը, որ 2005-էն ի վեր Swedish House Mafia-ի անդամ է. ասիկա բազմաթիւ առիթներ ստեղծած է Օլիվըր Ինկրոսսոյի համար: Ան իբրեւ DJ ելոյթներ ունեցած է մեծաթիւ վայրերու մէջ՝ թէ՛ տեղական մակարդակով Շուէտի մէջ, եւ թէ՛ միջազգային բեմերու վրայ, ինչպէս՝ Թորոնթօ, Նիւ Եորք, Պրազիլ ու Սպանիա:

Ծանօթագրութիւններ

[Խմբագրել | Խմբագրել աղբիւրը]
  1. 1 2 https://www.csfd.cz/tvurce/41755/
  2. 1 2 3 4 Sveriges befolkning 2000 — Sveriges Släktforskarförbund, 2020.
  3. ↑ (անգլերեն) Oliver Ingrosso, 2025-04-30, https://en.wikipedia.org/w/index.php?title=Oliver_Ingrosso&oldid=1288141974, վերցված է 2026-04-21
  4. ↑ (անգլերեն) Oliver Ingrosso, 2025-04-30, https://en.wikipedia.org/w/index.php?title=Oliver_Ingrosso&oldid=1288141974, վերցված է 2026-04-21

Արտաքին յղումներ

[Խմբագրել | Խմբագրել աղբիւրը]
Վերցուած է «https://hyw.wikipedia.org/w/index.php?title=Օլիվըր_Ինկրոսօ&oldid=250418» էջէն