Օլիմպիաքոս ԲՄՄ (ոտնագնդակ)

Օլիմպիաքոսին դրոշմը

«Օլիմպիաքոս Բիրէայի Մարզասէրներու Միութիւն» եւ կամ հակիրճ «Օլիմպիաքոս Բիրէոս», (յուն․՝ Ολυμπιακός Σ.Φ.Π. (Ολυμπιακός Σύνδεσμος Φιλάθλων Πειραιώς) եւ կամ Ολυμπιακός Πειραιώς)․ մարզական յունական միութիւն (ոտնագնդակի ակումբ), որուն կեդրոնն է Բիրէա։ Հիմնուած է 10 Մարտ 1925-ին եւ Յունաստանի մարզական մեծագոյն միութիւններէն է։ Օլիմպիաքոս Բիրէայի Մարզասէրներու Միութեան ոտնագնդակի բաժինը կը մրցի Super League 1 արհեստավարժ ախոյանութեան «Օլիմպիաքոս ԲԱԷ» (Ολυμπιακός Π.Α.Ε.) անունով․ այսինքն Ո․Ա․Ը․՝ Ոտնագնդակի Անանուն Ընկերութիւն)։

Տեղեկութիւններ

Կը սեպուի յունական ոտնագնդակի պատմութեան ամենայաջող խումբը․ Յունաստանի ախոյանութեան բաժանակակիր 47 անգամ (87 կազմակերպութիւններու ընթացքին), Յունաստանի 28 Բաժակներ (80 կազմակերպութիւններու ընթացքին) եւ 18 անգամ «տապլ» տիտղոսակիր (նոյն տարուան ընթացքին ե՛ւ ախոյան ե՛ւ բաժանակակիր)։ Նաեւ պատուաբեր ներկայութիւն ունի Եւրոպայի ախոյանութեան եւ Բաժակի մրցումներուն, ինչպէս նաեւ հիմնադիրներէն է «Եւրապական ոտնագնդակի ակումբներու Դաշնակցութեան»։

Օլիմպիաքոսին կեդրոնատեղին է Եորղոս Քարայիսքաքիս մարզադաշտը, 32 115 հոգիի կարողւթեամբ։

Պատմական ակնարկ

Ստեղծում

Օլիմպիաքոս կը հիմնուի 10 Մարտ 1925-ին, Բիրէա․ «Բիրայիքօ Սինդեսմոս» (հիմնուած ԺԹ․ դարավերջին) եւ «Բիրայիքի Էնոսի» (հիմնուած Ի․ դարասկիզբին) մարզա-մշակութային միութիւններուն համաձուլումով։

Անունը

Օլիմպիաքոսին հիմնադիրները, նկար՝ 1925

«Օլիմպիաքոս» անունին կնքահայրն է միութեան առաջին փոխ-նախագահը՝ Նոթիս Քամպերաս, իսկ «Բիրէայի Մարզասէրներու Միութիւն» անունը կ՛աւելցնէ Միխալիս Մանուսքոս։ Անունը միաձայնութեամբ կ՛ընդունուի․ ներշնչուած է Հին Ողիմպիական Խաղերէն եւ կը համապատասխանէ միութեան ոգիին եւ բնութեան հետ։ Կը յատկանշէ ուժը, մարզական կորովը, բարքն եւ ազնիւ մրցակցութիւնը․ արժէքներ որոնք կը համընկնին հինն յունական ոգիին։

Հիմնադիրներ

Անդրիանոբուլոս եղբայրներուն յարձակողական հինգեակը․ ձախէն աջ՝ Եանիս, Տինոս, Եորղոս, Վասիլիս եւ Լէոնիդաս

Նոթիս Քամպերոս

Կեդրոնին՝ Լէոնիդաս Անդրիանոբուլոս

Օլիմպիաքոսին դրոշմը 1960-1970

Օլիմպիաքոսին հիմնադիրները 33 հոգի են․ Անդրիանոբուլոս եղբայրները (Եանիս, Եորղոս, Տինոս եւ Վասիլիս)՝ որոնք նաեւ մաս կը կազմէին խումբին եւ իրենց տրուած է «Անդրիանոբուլի հնգեակ յարձակողականներ» անունը, Միխալիս Մանուսքոս, Նոթիս Քամպերոս, Գոսթաս Քլիդուհաքիս, ինչպէս նաեւ Տիմիթրիս Անդրոնիքոս, Նիքոս Անդրոնիքոս, Տիմիթրիս Ավդիս, Նիքոս Վլասիս, Սթեֆանոս Էմանուիլ, Նիքոս Զահարիաս, Թանասիս Քալիցիս, Նիքոս Քալուդիս, Տինոս Քալուդիս, Օթոն Քոքինոս, Թրիանտաֆիլոս Քրեմոս, Բանայոթիս Գոսթալաս, Բանայոթիս Լաղումիծիս, Անդրէաս Լուքաքիս, Սբիրոս Լուքաքիս, Եանիս Լուլուդաքիս, Վակելիլ Մակոբուլոս, Սթաւրոս Մարակուդաքիս, Ղրիղորիս Տուֆաս, Թէոդորոս Օրլոֆ, Ֆոթիս Բրոթոփալթիս, Եանիս Սիմիղդալիս, Նիքոս Սիմիղդալիս, Խրիսթոս Ծումերիքիոթիս, Վրասիդաս թրուբոսքիադիս եւ Սբիրոս Փսալիդաս։

Կեդրոնատեղի

«Բոդիլաթոդրոմիօ»ն 1896-ին։ Հետագային կը կոչուի «Եորղոս Քարայիսքաքիս» մարզադաշտ եւ մինչեւ այսօր Օլիմպիաքոսին կեդրոնատեղին է

Օլիմպիաքոսին առաջին կեդրոնատեղին եղած է «Բոդիլաթոդրոմիօ»ն։ Հետագային կը կոչուի «Եորղոս Քարայիսքաքիս» մարզադաշտ եւ մինչեւ այսօր Օլիմպիաքոսին կեդրոնատեղին է։

Ղուլանդրիսի ժամանակաշրջան (1972 - 1983)

1972-ին Նիքոս Ղուլանդրիս կը ստանցնէ Օլիմպիաքոսին նախագահութիւնը եւ կարեւոր փոփոխութիւններ կը մէջբերէ խումբին։

Ոսկեդարը (1996-2010)

Օլիմպիաքոսին ոսկերդարը կը համարուին 1996 - 2010 տարիները՝ Սոգրաթիս Քոքալիսին նախագահութեան ընթացքին։ Խումբը կը զօրանայ քանի մը միջազգային համբաւի արժանացած մարզիկներով, ինչպէս օրինակ՝ Ճիովանի, Զախովիչ, Քարեպէ, Ռիվալտօ, եւայլն։

1996 - 2003

Խումբը կը ձեռքբերէ 7 շարունակական ախոյանութիւններ (1996-2003) եւ կը հասնի UEFA Champions League-ի եզրափակիչ մրցումներուն (1996-2003)։

2004 - 2010

Խումբը 4 շարունական ախոյանութիւններ կը շահի եւ UEFA Champions League-ի ախոյանութեան մրցաշարքին կ'ունենայ 2 ներկայութիւն։

2010 - 2017

Սոգրաթիս Քոքալիսի նախագահութենէն ետք, Էվանկելոս Մարինաքիս յանձն կ՛առնէ Օլիմպիաքոսին նախագահութիւնը եւ 7 տարուան ընթացքին խումբը կը ձեռքբերէ շարունակական ախոյանութիւններ եւ Եւրապական ճանաչում։

Մարզիկներ

Հիմնադրումէն ետք, մարզիկներուն մեծամասնութիւնը մասնակցած է Երկրորդ Համաշխարհային Պատերազմին, մասնաւորաբար յունա-իտալական ճակատումին Բինդոս լեռներուն վրայ եւ շատեր մաս կազմած են յունական Ազգային Դիմադրութեան, ինչպէս օրինակ Նիքոս Ղոդաս։ Ան Երկրորդ Համաշխարհային Պատերազմին ընթացքին գերմանական բռնիշխանութեան դէմ Յունաստանի Ազգային Դիմադրութեան անդամ եղած է, սակայն ձփռբակալուած է եւ գերմանացիներէն գնդակահարուած է հագուած Օլիմպիաքոսին շապիկը։

1972 - 1980

Այնուհետեւ, Օլիմպիաքոս ունեցած է համաբաւի արժանացած մարզիկներ, Նիքոս Եուցոս, Երղոս Դելիքարիս, Բանայոթիս Քելեսիդիս, Եանիս Քիրասթաս, Ռոմեն Արղիրուդիս, Իվ Թրիանտաֆիլոս, Բեթրոս Քարավիտիս, եւայլն։

1980 - 1992

Յիշատակելի արժանի են մարզիկներ Խրիստոս Արվանիթիս, Վակելիս Քուսուլաքիս, Մայք Ղալաքոս, Եանիս Քիրասթաս, Նիքոս Վամվաքուլաս, Նիքոս Սարկանիս, Բեթրոս Միխոս, Թասոս Միթրոբուլոս, եւայլն։

1993 - 2010

Խումբկը զօրանայ քանի մը միջազգային համբաւի արժանացած մարզիկներէվ, ինչպէս օրինակ՝ Ճիովանի, Զախովիչ, Քարեպէ, Ռիվալտօ։ Եւրոպական շրջանակներուն մէջ հանրածանօթ կ՛ըլլան մարզիկներ Ալեքսիս Ալեքսանդրիս, Սթելիոս Եանաքոբուլոս, Երոքլիս Սթոլիդիս

ԻԱ․ դար

Էվանկելոս Մարինաքիսի նախագահութեան շրջանին խումբին կորիզը կը բաղկանայ միջազգային համբաւի արժանացած յունազգի մարզիկներէ , ինչպէս օրինակ՝ Եանիս Մանիաթիս, Գոսթաս Մանոլաս, Գոսթաս Միթրողլու, Ավրաամ Բաբադոբուլոս, Անդրէս Սամարիս, Տիմիթրիս Սիովաս, Վասիլիս Թորոսիդիս, Եանիս Ֆեթֆածիդիս, Գոսթաս Ֆորթունիս, եւայլն։ Իսկ խումբը պարբերաբար կը հարստանայ օտարազգի համբաւոր մարզիկներով, ինչպէս օրինակ՝ Ալպերթ Ռիերա, Ռոպերթօ, Էրիք Ապիտալ, Մարչելօ, եւայլն։

Պատկերասրահ, եւայլն։

• 
  Օլիմպիաքոս խումբը․ 1927-1929
• 
  Առասպելական դարձած Ախիլէաս Ղրամաթիքոբուլոս, եղած է Օլիմպիաքոսին հերթապահ եւ միջազգային համբաւի արժանացած է
• 
  1935․ Օլիմպիաքոսին խումբին մարզիկներ
• 
  Նիքոս Ղոդաս․ Երկրորդ Համաշխարհային Պատերազմին ընթացքին գերմանական բռնիշխանութեան դէմ Յունաստանի Ազգային Դիմադրութեան անդամ եւ գերմանացիներէն գնդակահարուած է հագուած Օլիմպիաքոսին շապիկը։
• 
  Եորղոս Անդրիանոբուլոս․ Օլիմպիաքոսին հիմնադիրներէն ու մարզիկներէն։ 1954-1967 եղած է Օլիմպիաքոսին նախագահը
• 
  Անդրէաս Մուրաթիս, խաղցած է 295 խաղեր Օլիմպիաքոսին համար (1945-1955)
• 
  Բրետրակ Ճորճեվիչ․ Օլիմպիաքոսին մէջ պատմութիւն ձգած (1996-2009) եւ համբաւ ստացած ազգութեամբ սերպ մարզիկ
• 
  Անտոնիս Նիքոբոլիդիս, Օլիմպիաքոսի հերթապահ 2004-2011
• 
  Սթելիոս Եանաքոբուլոս Օլիմպիաքոսին մարզիկ 1996 - 2003

Տիտղոսներ

Միջազգային

• 1 ՈՒԵՖԱ-ի կոնֆերանսների լիգա 2023-24
• 1 Պալքանեան Բաժակ․ 1961-1963

Առտնին

• 47 Համայունական ախոյանութիւններ մինչեւ 1959 եւ Յունաստանի Ա․Ազգային դասակարգ․-

 1930–31, 1932–33, 1933–34, 1935–36, 1936–37, 1937–38, 1946–47, 1947–48,   1950–51, 1953–54, 1954–55, 1955–56, 1956–57, 1957–58, 1958–59, 1965–66, 1966–67, 1972–73, 1973–74, 1974–75, 1979–80, 1980–81, 1981–82, 1982–83, 1986–87, 1996–97, 1997–98, 1998–99, 1999–00, 2000–01, 2001–02, 2002–03, 2004–05, 2005–06, 2006–07, 2007–08, 2008–09, 2010–11, 2011–12, 2012–13, 2013–14, 2014–15, 2015–16, 2016–17, 2019-20, 2020-21, 2021-22

• 28 Յունաստանի Բաժակներ

 1946–47, 1950–51, 1951–52, 1952–53, 1953–54, 1956–57, 1957–58, 1958–59, 1959–60, 1960–61, 1962–63, 1964–65, 1967–68, 1970–71, 1972–73, 1974–75, 1980–81, 1989–90, 1991–92, 1998–99, 2004–05, 2005–06, 2007–08, 2008–09, 2011–12, 2012–13, 2014–15, 2019-20

• 4 Յունաստանի Սուբեր Քաբ

 1980, 1987, 1992, 2007

Տեղական

• 24 Ախոյանութիւններ Բիրէայի Ոտնագնդակի Դաշնակցութիւններու Միութեան․-

 1925, 1926, 1927, 1929, 1930, 1931, 1934, 1937, 1938, 1940, 1946, 1947,    1948, 1949, 1950, 1951, 1952, 1953, 1954, 1955, 1956, 1957, 1958, 1959.

Ուրիշ

• 3 Մեծ Յունաստանի բաժակներ (Յունաստանի եւ Կիպրոսի բաժանակակիրներուն միջեւ մրցում)․ ախոյանութիւններ կայացան 1969-1973 եւ 1976-ին․-

 1969, 1972, 1976

• 11 Զատկուան Բաժակներ (կայացած են 1928 - 1959 եւ 1963-ին)․-

 1928, 1929,  1934, 1936, 1943, 1945, 1946, 1949, 1951, 1953, 1959

• 11 Ծննդեան Բաժակներ (կայացած են 1943 - 1962)․-

 1943, 1948, 1951, 1952, 1953, 1954, 1956, 1959, 1960, 1961, 1962

• 2 Սեպտեմբերի բաժակներ (կայացած են 1952-1959)․-

 1956, 1959

• 1 Նիու Եորքի Միջազգային մրցհանդէս, 1969

• 1 Կոստանթինոս Քարամանլիս Բաժակ, 1957

• 1 Համերաշխութեան Բաժակ, 1955

• 1 Յունաստանի Ֆրիդերիքի Թագուհիին Բաժակ, 1948

• 1 Բաժակ ՍԵՂԱՍ-ի 50-ամեակին առթիւ, 1947

• 1 Բաժակ Բիրէայի Քաղաքապետութեան, 1943