Քըրք Քըրքորեան

Jump to navigation Jump to search
Քըրք Քըրքորեան
210px
Ծնած է 6 Յունիս, 1917
Ծննդավայր Ֆրեզնոյ, Կալիֆորնիա, Ամերիկայի Միացյալ Նահանգներ Միացեալ նահանգներ
Վախճանած է 15 Յունիս, 2015
(98 տարեկան)
Վախճանի վայրը Ամերիկայի Միացյալ Նահանգներ Լոս Անճելըս, Կալիֆորնիա, Ամերիկայի Միացյալ Նահանգներ Միացեալ նահանգներ
Քաղաքացիութիւն Ամերիկայի Միացյալ Նահանգներ Միացեալ նահանգներ
Ազգութիւն ամերիկահայ
Կարողութիւն Կաղապար:Steady 4,0 միլիարդ ԱՄՆ դոլար (հունիսի, 2015)[1]
Մասնագիտութիւն օդաչու, ձեռնարկատեր, ֆինանսիստ, բռնցքամարտիկ, ժապաւէն արտադրող
Աշխատավայր Գործարար, «Tracinda Corporation»-ի գործադիր տնօրեն
Պարգեւներ եւ
մրցանակներ
Հայաստանի ազգային հերոս
Ամուսին Հիլտա Շմիտթ (1942–1951)
Ժան Մարի Հարպոր-Հարտի (1954–1984)
Լայզա Պոնտեր (1999)
Երեխաներ Թրէյսի
Լինտա

Քըրք Քըրքորեան (անգլերէն՝ Kerkor "Kirk" Kerkorian, Գրիգոր Ահարոն Գրիգորյան, 6 Յունիս, 1917 - 15 Յունիս, 2015), ամերիկահայ գործարար,«Թրասինտա Քորփորեյշնի» գործադիր տնօրէն։

Կենսագրութիւն[Խմբագրել | Խմբագրել աղբիւրը]

Ծնած է 1917 թուականին: Կը սերէ 1890-ին Խարբերդէն Ֆրեզնոյ գաղթած Ահարոն Գրիգորեանի ընտանիքէն։ Համաձայն ամերիկեան հեղինակաւոր ՖՈՐԲՍ ընկերութեան 2007 թուականին իր կարողութիւնը կը հասնէր 15 պիլիոն ամերիկեան տոլլարի, բացի այդ ինքը կը համարուէ Լաս Վեկասի հայրը։ 2004 թուականին հայրենիքին մատուցած բացառիկ ծառայութիւններուն համար անոր շնորհուած է Հայաստանի Հանրապետութեան բարձրագոյն կոչում՝ Հայաստանի ազգային հերոս։ Մինչեւ 1935-ը կատարած է զանազան աշխատանքներ, եղած է մասնագետ բռնցքամարտիկ։ Այնուհետեւ սորված է օդաչուական դպրոցին մէջ, դարձած է հրահանգիչ օդաչու։

Գործարար Գործունէութիւն[Խմբագրել | Խմբագրել աղբիւրը]

Որպես ռազմաօդային ուժերու օդաչու մասնակցած է Երկրորդ համաշխարհային պատերազմին, որուն աւարտէն յետոյ զբաղած է օդանաւերու բաժնեթղթերու առեւտրով (1947-ին գնած է «Los Angeles Air Service» փոքրիկ չարթըրային աւիաընկերութիւնը), ինչպես նաեւ հիւրանոցային պիզնըսով։ Կառուցած է Լաս Վեկասի «Ֆլամենկոյ», «Էմ Ճի կրանտ» եւ այլ խոշոր հիւրանոցներ։ 1968-էն զբաղուած է սինեմայի գործունեութեամբ, «Մեթրոյ Կոլտուին Մայըր» (մասնաճիւղերով) եւ «Իւնայթըտ Արթիստս» սթուտիոներու, «Էմ Ճի Էմ Միրաժ» քորփորէյշնի հիմնադիր բաժնետերն է։ Եղած է «Քրայսլեր Քորփորեյշնի» բաժնետերը։

Բարեգործական Գործունէութիւն[Խմբագրել | Խմբագրել աղբիւրը]

Սպիտակի երկրաշարժէն յետոյ եւ շրջափակման տարիներուն մեծապէս օգնած է Հայաստանին ու Արցախին։ Քըրքորեանի հիմնադրած «Լինսի» հիմնադրամը 2001-էն ի վեր 151 միլիոն տոլլար տրամադրած է Հայաստանին՝ ճանապարհներուն վերակառուցման, մշակութային հաստատութիւններու վերանորոգման, աղետի գօտիի բնակարանաշինութեան, իսկ 21 միլիոն տոլլար՝ Հայաստանի փոքր միջին ձեռներեցութեան զարգացման համար։
Իր մահէն ետք խոշոր գումարներ տրամադրուած են զանազան բարեսիրական կազմակերպութիւններու:[2]

Ծանօթագրութիւններ[Խմբագրել | Խմբագրել աղբիւրը]

  1. «Քըրք Քրքորյան»։ Forbes։ արտագրուած է՝ հունիսի 1, 2015 (անգլ.)
  2. http://asbarez.com/arm/297607/