Փութին (ճաշատեսակ)

Jump to navigation Jump to search
Փութին (ճաշատեսակ)

Փութին (ֆրPoutine), Քանատայի Քէպէք նահանգի ազգային ուտեստներէն է` արագ սնունդի շարքէն։ Բաղկացած է գետնախնձորէ, անալի պանիրէ (cheese curds) եւ սոուսէ: Փութինը ստեղծուած է Քէպէքի մէջ, 1950-ականներուն։ 2000-ականներուն լայն ճանաչում կը սկսի գտնել նաեւ այլ երկիրներու մէջ` ԱՄՆ, Ֆրանսա, Պելճիքա: Առկայ է տեղի ճաշարաններու ճաշացանկին մէջ, ինչպէս նաեւ McDonald's, Burger King, KFC եւ A&W ցանցերու քանատական մասնաճիւղերուն մէջ: Երբեմն կը մատուցուի ծովամթերքներու հետ, մասնաւորապէս, լաւ կը համակցուի թառափի դասի ձկնեղէնի, մանր եւ խոշոր ծովախեցգետիններու հետ:

Պատմութիւն[Խմբագրել | Խմբագրել աղբիւրը]

Փութինը Քէպէքի մէջ յայտնուած է 1950-ականներուն: Այս ուտեստի ի յայտ գալու քանի մը տարբերակներ կան[1][2].

  • Ուորիկ (Warwick): Ամենատարածուած տարբերակը այն է, որ փութինը 1957-ին յայտնուած է Le lutin qui rit ճաշարանին մէջ, որ կը գտնուի Կեդրոնական Քէպէքի Ուորիկ փոքրիկ քաղաքի Սէն Լուի փողոցին վրայ: Ճաշարանին այցելուներէն մէկը` Ժան Կի Լենեսը, Ֆեռնան Լաշանս անունով ճաշարանատիրոջ կը պատուիրէ մէկ ափսէ գետնախնձոր, այնուհետեւ կ՛որոշէ անոր վրայ լեցնել անալի քերած պանիր:
  • Տրամոնուիլ (Drummondville): Այլ վարկածով փութինը առաջին անգամ մատուցած են 1964-ին Տրամոնուիլի նոր բացուած Le roy Jucep ճաշարանին մէջ: Անոր սեփականատէրը` Ժան Պոլ Ռուան կը պնդէր, որ ճիշդ ինքը ստեղծած է փութինը: Ուտեստի անուանումը կը ծագի ճաշարանին մէջ աշխատող խոհարարին անունէն` Թի-Փու: Այդ մասին գրուած է ճաշարանի պաշտօնական կայքէջին մէջ:
La Banquise Poutine.jpg
  • Նիկոլէ (Nicolet) կամ Սենտ-Իասենտ (Saint-Hyacinthe): Փութինի հայրենիք կ՛անուանեն նաեւ Կեդրոնական Քէպէքի մէջ գտնուող Նիկոլէ քաղաքը: Այդ շրջանին մէջ կան մեծ թիւով պանրագործարաններ, որտեղ կ՛արտադրուի չեդեր պանրի տեսակը:
  • Փրինսուիլ (Princeville): Հնարաւոր է, որ փութինը ծագած է Փրիսուիլի մէջ, Կեդրոնական Քէպէք: Այնտեղ կը գտնուէր Արքայադուստր պանիրի գործարանը: 1966-ին պանիրի գործարանին կից կը բացուի La P’tite Vache փոքրիկ ճաշարանը: Պանիրի գործարանն ու ճաշարանը կը պայմանաւորուին պանիրի վաճառքի համար, այնպէս որ այցելուները կրնային պատուիրել տապկուած գետնախնձոր եւ անոր վրայ լեցնել քերած պանիր:

Ծագումնաբանութիւն[Խմբագրել | Խմբագրել աղբիւրը]

1950-1960-ականներուն Քէպէքի մէջ անգլերէն փուտինկ բառով կ՛անուանէին բոլոր այն ուտեստները, որոնց պատրաստութեան համար կը խառնուէին շատ տարբեր բաղադրիչներ:

1880-ին քանատացի լրագրող եւ բառարանագիր Օսքար Տանը կը հրատարակէ «Քանատայի մէջ օգտագործուող խեղաթիւրուած արտայայտութիւններու Ֆրանքոքանատական բացատրական բառարան»ը, որտեղ կայ նաեւ փութին բառը հետեւեալ նշանակութեամբ.

Aquote1.png Փութին - խօսակցական քանատերէն` անգլերէն փուտինք բառի խեղաթիւրուած տարբերակն է[3] Aquote2.png


Ծանօթագրութիւններ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]