Տիգրան Աբգարեան

Տիգրան Աբգարեան
Տիգրան 1938-ին
Ծնած է	20 Օգոստոս 1877(1877-08-20)
Ծննդավայր	Նոր Ջուղա, Ղաջարական Պարսկաստան
Մահացած է	31 Հոկտեմբեր 1950(1950-10-31) (73 տարեկանին)
Մահուան վայր	Նոր Ջուղա, Իրան
Քաղաքացիութիւն	Իրան
Մասնագիտութիւն	հրապարակախօս և բանասէր

Աբգարեան Տիգրան որդի Դաւթի (20 Օգոստոս 1877(1877-08-20), Նոր Ջուղա, Ղաջարական Պարսկաստան - 31 Հոկտեմբեր 1950(1950-10-31), Նոր Ջուղա, Իրան), խմբագիր ու գրող։

Կենսագրական գիծեր

Ծնած է 1877 թուականի Օգոստոս 2-ին, Նոր Ջուղա: Նախնական ուսումը տեղւոյն կաթոլիկներուն վարժարանը կը ստանայ ու յետոյ Կեդրոնական ազգային դպրոցը կ'անցնի, որուն լրիւ ընթացքը կ'աւարտէ 1895 թուականին եւ ուր 42 տարի իբրեւ ուսուցիչ կը պաշտօնավարէ: Իբրեւ դաստիարակ մտաւորական եւ դրամշակ՝ Նոր Ջուղայի մէջ յարգուած ու սիրուած համեստ գործիչ մը եղած է եւ բազմաթիւ գրական, բարեգործական, թատերական եւ այլ վարչութեանց անդամ ընտրուած:

1911 թուականէն կը սկսի վարել Նոր Ջուղայի Ս. Ամենափրկիչ վանքի, Հայոց Առաջնորդարանի եւ Համայնական Խորհուրդի քարտուղարութեան եւ դիւանապետութեան պաշտօնը: Պատանի հասակէն աշխատակցած է «Նոր դար», «Մշակ», «Մուրճ», «Ջանգ», «Նոր Ջուդայի լրաբեր», «Հայաթերթ», «Տարազ», «Արտեմիս», «Հովիտ», «Վերածնունդ» եւ այլ թերթերու: Նոր Ջուղայի Հայոց դպրոցի, թատրոնի եւ տպագրութեան ու մամուլի մասին քանի մը գրքոյկներ հրատարակած է: Նոր Ջուղայի ժողովրդական բանահիւսութեան մասին ունի երկհատոր եւ շատ արժէքաւոր ուսումնասիրութիւն մը, որ անտիպ կը մնայ:

Գրած է երկհատոր աշխատութիւն մը Նոր Ջուղայի ժողովրդական բանահիւսութեան մասին, ինչպէս նաեւ «Նոր Ջուղայի դպրոցները» (1914), «Նոր Ջուղայի թատրոնն ու երաժշտութիւնը» եւ այլն։

Օգտագործած է Լռիկ-Մնջիկ, Ծխական, Տ. Ա. ծածկանունները։

1925-ին Նոր Ջուղայի մէջ տօնուեցաւ ուսուցչական գործունէութեան 30-ամեայ յոբելեանը:

Աղբիւրներ

• Հայ Հանրագիտակ, Հ. Մկրտիչ Վրդ. Պոտուրեան, Ա․ հատոր, էջ 13: