Տէյվիտ Շուիմըր

Տէյվիտ Շուիմըր
Ծննդեան անուն	անգլերէն՝ David Lawrence Schwimmer
Ծնած է	2 Նոյեմբեր, 1966 (50 տարեկան)
Ծննդավայր	Նիւ Եորք, Ամերիկայի Միացեալ Նահանգներ
Քաղաքացիութիւն	Ամերիկայի Միացեալ Նահանգներ
Ազգութիւն	Ամերիկացի
Կրօնք	Յուդակայանութիւն
Ուսումնավայր	Նորթուեթըրն Համալսարան, Հիւսիսարեւմտեան համալսարանի հաղորդակցութեան դպրոց, Բևեռլի Հիլզ բարձրագույն դպրոց? և Բրիտանաամերիկյան դրամատիկական ակադեմիա?
Երկեր/Գլխաւոր գործ	Madagascar?
Մասնագիտութիւն	Դերասան եւ արտադրող
Ամուսին	Զոյի Պաքման (2010)
Երեխաներ	1
Ստորագրութիւն

Տէյվիտ Լորենս Շուիմըր, (անգլ.՝ David Lawrence Schwimmer, ծնած՝ 2 Նոյեմբեր 1966, Նիւ Եորք, Ամերիկայի Միացեալ Նահանգներ), ամերիկացի դերասան եւ արտադրող, յայտնի է «Friends» հեռուստաշարին մէջ, Ռոս Կելլերին կերպարով, ինչպէս նաեւ՝ «Madagascar Archived 2013-07-12 at the Wayback Machine.» ֆիլմին մէջ իր ձայնագրութեան մասնակցութեամբ:

Կենսագրութիւն

Շուիմըր ծնած է 2 Նոյեմբեր 1966-ին (թէեւ որոշ աղբիւրներ կը նշեն 12 Նոյեմբերը), Նիւ Եորքի Քուինզ թաղամասի Ֆլաշինկ արուարձանին մէջ, փաստաբաններ՝ Արթըրի (1941–2024) եւ Արլին Քոլման-Շուիմըրի (ծնած 1940-ին) ընտանիքին մէջ։ Անոր ընտանիքը հրեայ է։ Ան ունի քոյր մը՝ Էլլի անունով (ծնած 1965-ին)։ Մայրը ճանչցուած ամուսնալուծութեան փաստաբան էր, որ ներկայացուցած էր քանի մը հռչակաւոր անձնաւորութիւններ, ներառեալ՝ Էլիզապէթ Թէյլըրը եւ Ռոտ Սթիուըրթը։ Անոր ընտանիքը յետագային տեղափոխուեցաւ Լոս Անճելըս, ուր Շուիմըր, 10 տարեկան հասակին, ունեցաւ իր դերասանական առաջին փորձառութիւնը, երբ ստանձնեց կնքամօր (փերիի) դերը «Մոխրոտիկ»-ի հրէական տարբերակին մէջ։ 12 տարեկանին, Շուիմըր Լոս Անճելըսի մէջ մասնակցեցաւ անգլիացի դերասան Սըր Իան ՄաքՔելընի կողմէ տրուած Շէյքսփիրեան արուեստանոցի (workshop) մը։ Ան կը յիշէ, որ հիացած ու կլանուած էր այդ փորձառութեամբ։ Այնուհետեւ, Շուիմըր երեք տարի անընդմէջ մասնակցեցաւ Հարաւային Քալիֆորնիոյ Շէյքսփիրեան փառատօնի մրցոյթին՝ շահելով երկու առաջին մրցանակ։

Մօր՝ ամուսնալուծութեան փաստաբանի յաջող ասպարէզէն ետք, ընտանիքը տեղափոխուեցաւ Պեւըրլի Հիլզ, ուր Շուիմըր յաճախեց Պեւըրլի Հիլզի երկրորդական վարժարանը (Beverly Hills High School)։ Անոր դասընկերներուն մէջ էր դերասան Ճոնաթան Սիլվըրմանը։ Շուիմըր խոստովանած է, որ դպրոցական տարիներուն իրեն օտար զգացած է՝ յիշելով. «Երբ հոն էի, միշտ կը զգայի. "Ասիկա ես չեմ, շրջապատուած եմ տարբեր արժեհամակարգ ունեցող մարդոցմով"։ Եւ պարզապէս կ՚ուզէի հեռանալ Քալիֆորնիայէն»։ Անոր լաւագոյն նիւթերն էին գիտութիւնն ու թուաբանութիւնը, եւ ան սկզբնապէս կ՚ուզէր բժիշկ դառնալ։ Շուիմըր հետեւեցաւ թատերական դասընթացքի մը, ուր հանդէս եկաւ բեմական ներկայացումներով։ Քաջալերուելով իր դպրոցի թատրոնի ուսուցիչէն՝ խորացնելու իր դերասանական հմտութիւնները, ան մեկնեցաւ Շիքակօ՝ Նորթուեսթըրն համալսարանի (Northwestern University) ամառնային դերասանական ծրագրին մասնակցելու համար։ Ան նշած է, որ այդ փորձառութիւնը թէ՛ «լուսաւորող» էր, թէ՛ ալ «ոգեւորիչ»։ 1984-ին, Շուիմըր աւարտեց Պեւըրլի Հիլզի երկրորդական վարժարանը եւ կ՚ուզէր անմիջապէս անցնիլ դերասանութեան, բայց ծնողքը պնդեցին, որ ան նախ համալսարան յաճախէ, որպէսզի ապագային ապահով յենարան մը ունենայ։ Շուիմըր ամառ մը աշխատեցաւ որպէս դատական ծանուցագիրներ յանձնող (process server) իր մօր փաստաբանական գրասենեակին մէջ։ Ապա ան արձանագրուեցաւ Նորթուեսթըրն համալսարանը, ուր նախապէս մասնակցած էր ամառնային դերասանական ծրագրին։ Ան սկզբնապէս մտադիր էր վիրաբոյժ դառնալ՝ ուսումնասիրելով մարմնի տարբեր համակարգերը, բայց ի վերջոյ որոշեց արհեստավարժօրէն զբաղիլ դերասանութեամբ։ Համալսարանին մէջ ան թատրոն ուսանեցաւ եւ Սթեֆըն Քոլպերթի հետ մաս կազմեց «The No-Fun Mud Piranhas» յանկարծաբանութեան (improv) խմբակին։ 1988-ին, թատրոնի եւ խօսքի արուեստի պսակաւոր արուեստից (Bachelor of Arts) վկայականով աւարտելէ ետք, Շուիմըր համահիմնադրեց «Lookingglass Theatre Company» թատերախումբը։ Յետագային ան վերադարձաւ Լոս Անճելըս՝ դերասանական ասպարէզով զբաղելու համար։ Շուիմըր ծաղրածուութեան արուեստ ուսանեցաւ Ֆիլիփ Կոլիէի մօտ՝ «École Philippe Gaulier» դպրոցին մէջ։

Շուիմըրի մասնակցութեամբ այլ յայտնի ֆիլմերէն են՝ «Ուրիշի թաղումը» (1996), «Համբուրելով յիմարը» (1998), «Վեց օր, եօթը գիշեր» (1998), «Ընդունակ աշակերտը» (1998), «Մաս առ մաս» (2000) եւ այլն։

Ֆիլմեր եւ դերեր

Տարի	Վերնագիր	Դեր	Ծանօթ
1991	Flight of the Intruder	Սպայ
1992	Crossing the Bridge	Ճոն Անտերսըն
1993	Twenty Bucks	Նէյլ Քամպել
1994	Wolf	Ոստիկան
1996	The Pallbearer	Թոմ Թոմփսըն
1997	Breast Men	Բժիշկ՝ Քեւըն Սանտըրս
1998	The Thin Pink Line	Քելլի Կուտիշ
-	Kissing a Fool	Մաքս Ապիթ
-	Six Days, Seven Nights	Ֆրանք Մարթին
-	Since You've Been Gone	Ռոպերթ Լեւիթ	Նաեւ արտադրող:
-	Apt Pupil	Էտուարտ Ֆրենչ
1999	It's the Rage	Քրիս
2000	Love & Sex	Եհովայի վկան
2000	Picking Up the Pieces	Լէօ Ճերոմ
2001	Hotel	Ճոնաթան Տանտերֆայր
2005	Duane Hopwood	Տաուն Հոփոուտ
-	Madagascar	Մելման	Ձայպագրութիւն:
2006	Big Nothing	Չարլի
2007	Run Fatboy Run		Արտադրող:
2008	Madagascar: Escape 2 Africa	Մելման	Ձայնագրութիւն:
-	Nothing But the Truth	Ռէյ Արմսթրոնկ
2010	Trust		Արտադրող:
2012	John Carter	Թարք Ուարրիոր
-	Madagascar 3: Europe's Most Wanted	Մելման	Ձայնագրութիւն:
-	The Iceman	Ճոշ Ռոսենթալ
2013	Madly Madagascar	Մելման	Յայնագրութիւն Կարճ ֆիլմ:

Հեռուստաշարեր

Տարի	Վերնագիր	Դեր	Ծանօթ
1991, 1992	The Wonder Years	Մայքըլ	4 Դրուագներ:
1992, 1993	L.A. Law	Տանա Ռոմնի	5 Դրուագներ:
1993	NYPD Blue	Ճոշ Կոլտսթէյն	4 Դրուագներ:
1993	Blossom	Սոննի Քաթալանօ	2 Դրուագներ:
1994	Monty	Կրեկ Ռիչարտսըն	13 Դրուագներ:
1994 – 2004	Friends	Ռոս Կելլեր	236 Դրուագներ; նաեւ 10 դրուագներու արտադրող:
1995	The Single Guy	Ռոս Կելլեր	Դրուագ: «Neighbors»:
1996	ER	Բժիշկ՝ Քարուպեան (Ձայնագրութիւն)	Դրուագ: «Doctor Carter, I Presume»:
1998	Since You've Been Gone	Ռոպերթ Լեւիթ	Հեռատեսիլի ֆիլմ:
2001	Band of Brothers	Հերպերթ Սոպել	3 Դրուագներ:
-	Uprising	Եիթզհաք Զաքերման	Հեռատեսիլի ֆիլմ:
2004	Curb Your Enthusiasm	Որպէս ինքզինք	3 Դրուագներ:
2004, 2005	Joey		Արտադրած է 2 դրուագներ:
2007	30 Rock	Կրինզօ/Ճարետ	Դրուագ: «Greenzo»:
2008	Little Britain USA		Արտադրող:
2009	Entourage	Որպէս ինքզինք	Դրուագ: «Running on E»:
-	Merry Madagascar	Մելման	Ձայնագրութիւն Հեռատեսիլի ֆիլմ:
2011	Come Fly With Me	Որպէս ինքզինք	Դրուագ 1.2:
2012	Web Therapy	Նեուելլ Միլլեր	4 Դրուագներ:
2014	Growing Up Fisher		Արտադրող:
2015	Episodes	Որպէս ինքզինք	Դրուագ #4.5:
2016	The People v. O. J. Simpson: American Crime Story	Ռոպերթ Քարտաշեան	10 Դրուագներ:
-	Feed the Beast	Թոմմի Մորան

Արտաքին յղումներ

• Էջը IMDb կայքում(անգլերէն)