Վահան Ամատունի

Վահան Ամատունի
Ծնած է	1870
Ծննդավայր	Մուշ
Մահացած է	31 Յուլիս 1915(1915-07-31)
Մասնագիտութիւն	ուսուցիչ

Վահան Ամատունի (1870, Մուշ, 31 Յուլիս 1915), ուսուցիչ։

Կրտսեր որդին՝ վաճառական Պօղոս Գոշոյեանին, շրջանաւարտ տեղւոյն Կեդրոնական Վարժարանէն, հմուտ պատմագէտ։ ։ 1894-ին Միացեալ Ընկերութեան կողմէ իբրեւ քննիչ կ'երթայ Բաղէշ, Սգերգ եւ Սասուն: կ'անցնի Սեբաստիա, Ազիզիյէի մէջ կը հիմնէ Միացեալ Ընկերութեան անդրանիկ վարժարանը, ուր կը պաշտօնավարէ երկար տարիներ իբրեւ տնօրէն։

Կը ձերբակալուի Ազիզիյէի մէջ եւ Սեբաստիա կը տարուի։ Երկար ամիսներու բանտարկութենէ ետք ներման կ'արժանանայ։ Կը պաշտօնավարէ Կեսարիոյ Հայկեան եւ Յակոբեան եւ Միացեալ Վարժարաններուն մէջ իբրեւ պատմութեան եւ թուաբանութեան ուսուցիչ։

• 1901-1904՝ տնօրէն Յակոբեան վարժարանի։ Կեսարիոյ Հնչակեան մասնաճիւղի կազմակերպութեան մէջ մէծ դեր կը կատարէ։
• 1909-ին,Կիլիկիոյ եղեռնին, կը մասնակցի Կեսարիոյ ինքնապաշտպանութեան գործին:
• 1911-ին Ամատունի իր կնոջ հետ Նիկոսիոյ Ազգ․վարժարաններու տնօրէնութիւնը կը ստանձնէ։
• 1914-ին կ'երթայ Հաճըն իբրեւ որբանոցին տնօրէն։
• 20 Ապրիլ 1915-ին կը ձերբակալուի եւ Կեսարիա կը ղրկուի պատերազմական ատեանին յանձնուելու համար։
• 31 Յուլիս 1915-ին կախաղան կը հանուի, նախկին ուսուցիչ Գէորգ Եալանճեանի մատնութեամբ։

Աղբիւրներ

• Հ․ Մկրտիչ Վարդ․ Պոտուրեան, Հայ Հանրագիտակ, 1938 Պուքրէշ, էջ 125։
• Ալպոյեաճեան, Հնչ․ Յուշարձան, էջ 215։