Սքէյթպորտը Ողիմպիական 2024-ին

Սքէյթպորտի մարզաձեւը մեծ յաջողութիւն կը գտնէ իր առաջին մուտքին, Թոքիոյի խաղերուն ընթացքին:

Ամառնային Ողիմպիականը սովորաբար 28 մարզաձեւեր կ'ընդգրկէ: Սակայն 2020 թուականէն ի վեր խաղերը կազմակերպող երկիրներուն արտօնութիւն կը տրուի աւելցնելու մինչեւ վեց տարբեր մարզաձեւեր` իրենց Ողիմպիական յայտագիրին:

2024-ի ամառնային Ողիմպիական խաղերը կը սկսին 26 Յուլիսին, Ֆրանսայի Փարիզ մայրաքաղաքին մէջ, իրենց յայտագիրին մէջ ընդգրկելով չորս նոր մարզաձեւեր` պրէյքտենս, սըրֆ, սքէյթպորտ եւ յատուկ պատի մագլցում:

Մասնակցողները ընտրութիւն կ'ունենան երկու տարբեր մարզաձեւի միջեւ`փարք եւ սթրիք:

Փարքի մրցումին ընթացքին մարզիկները կը դատուին դաշտին մակերեսին վրայ եւ արգելքներուն միջեւ նաւարկելու իրենց ճկունութեան, արագութեան եւ բարձրութեան հիման վրայ: Իւրաքանչիւր մարզիկ երեք 45 երկվայրկեան տեւող ժամանակամիջոց մը կ'ունենայ:

Սթրիթ մրցումին պարագային, մարզիկները կը շրջին աստիճաններով, բռնակներով եւ ուրիշ արգելքներով օժտուած եւ մրցումին համար յատուկ շինուած քաղաքային փողոցի մը նման մակերեսի մը վրայ:

Իւրաքանչիւր մարզիկ կ'ունենայ երկու 45 երկվայրկեան տեւող ժամանակամիջոցներու, հինգ հնարքներ ցուցաբերելու համար: Անոնք կը դատուին ըստ սըրֆպորտին վրայ ունեցած իրենց կառավարման, հնարքներու տեսակին եւ ընդհանուր ոճին: