Սուրէն Դանիէլեան

Jump to navigation Jump to search
Սուրէն Դանիէլեան
Ծնած է 9 Օգոստոս 1948
Ծննդավայր Երեւան, Հայկական ԽՍՀ, ԽՍՀՄ
Ազգութիւն Հայ
Մայրենի լեզու Հայերէն
Մասնագիտութիւն գրականագէտ
Անդամութիւն Հայաստանի Գրողներու Միութիւն

Սուրէն Դաւթի Դանիէլեան (9 Օգոստոս 1948, Երեւան, Հայկական ԽՍՀ, ԽՍՀՄ), հայ գրականագէտ, բանասիրական գիտութիւններու տոկթոր, փրոֆեսոր։ Հայաստանի գրողներու միութեան անդամ (1996)։

Կենսագրութիւն[Խմբագրել | Խմբագրել աղբիւրը]

Ուսանած է Երեւանի Խաչատուր Աբովեանի անուան հայկական պետական մանկավարժական ինստիտուտի բանասիրական ‎բաժանմունքը, այնուհետեւ՝ ասպիրանտուրայի եւ սկսած է դասախօսական աշխատանքը։ 1993-2001 թուականներու միջեւ հայ գրականութիւն դասաւանդած է Էջմիածինի Գէորգեան ճեմարանէն ներս։ 1995-ին հիմնադրած է «Սփիւռք» գիտաուսումնական կեդրոնը, կազմակերպած է արեւմտահայ լեզուի, գրականութեան, մեսրոպեան ուղղագրութեան՝ շուրջ երեք տասնեակի հասնող միամսեայ վերապատրաստութեան դասընթացքներ Սփիւռքի եւ հայրենիքի ուսուցիչներու համար։ 2013-էն Խաչատուր Աբովեանի անուան հայկական պետական մանկավարժական համալսարանի հայ նոր եւ նորագոյն գրականութեան եւ անոր դասաւանդման մեթոտիկայի ամպիոնի վարիչն է։ Հեղինակ է բազմաթիւ յօդուածներու. կազմած եւ հրատարակած է 50-էն աւելի ժողովածուներ՝ դասագիրքեր, ձեռնարկներ, պատմական, գիտական, գեղարուեստական հատորներ։

Պարգեւներ[Խմբագրել | Խմբագրել աղբիւրը]

  • ՀՀ սփիւռքի նախարարութեան եւ ՀԳՄ համատեղ «Ուիլիամ Սարոյեան» մետալ, 2012
  • ՀԳՄ «Գրական վաստակի համար» մետալ, 2007
  • ՀԳՄ Միքայէլ Նալպանտեանի անուան մրցանակ, 1994

Երկեր[Խմբագրել | Խմբագրել աղբիւրը]

  • Արեւմտահայ գրականութիւն. Տիտանիկ թէ՞ շարունակականութիւն, Եր., 2014 թ.
  • Միջուկի տրոհումը. սփիւռքահայ գրականութեան պատմութիւն, գիրք Ա, Եր., 2011 թ.
  • Բանաստեղծութեան ազատագրումը. Զարեհ Խրախունի, Ս. Էջմիածին, 1999 թ.
  • Ներաշխարհի գեղարուեստական քննութիւն. Ռոպէր Հատտէճեան, Իսթանպուլ, 1996 թ.
  • Սփիւռքահայ վէպը. ժանրը, աւանդոյթները, պատմութեան փիլիսոփայութիւնը, Անթիլիաս, 1992 թ.

Առցանց[Խմբագրել | Խմբագրել աղբիւրը]

  • Սուրէն Դանիէլեան. Բանաստեղծի ապրուած ժամանակը, «Գարուն», 1987, № 1:

Ծանօթագրութիւններ[Խմբագրել | Խմբագրել աղբիւրը]