Սուրբ Աստուածածին Եկեղեցի (Նոր Նորք)

Սուրբ Աստուածածին Եկեղեցի
Հիմնական տեղեկութիւններ
Ճարտարապետական նկարագրութիւն
Առանձնայատկութիւններ

Սուրբ Աստուածածին եկեղեցի, Հայ առաքելական եկեղեցի Հայաստանի Հանրապետութեան Երեւանի Նոր Նորք վարչական շրջանի նանսենի անուան այգիին մէջ:

Պատմութիւն

Եկեղեցին կը գտնուի Ֆրիտեօֆ Նանսենի անուան թանգարան-յուշահամալիրի կից։ Սուրբ Աստուածածին եկեղեցւոյ Սուրբ Սեղանը օծուած է 2014 թուականի Հոկտեմբեր 12-ին Արարատեան Հայրապետական թեմի առաջնորդական փոխանորդ գերաշնորհ տէր Նաւասարդ արքեպիսկոպոս Կճոյեանի ձեռքով։

2014 թուականի Հոկտեմբեր 11-ին Տ. Նաւասարդ արքեպիսկոպոսի ձեռքով օծուած են եկեղեցւոյ գմբէթին խաչը, զանգը, դուռը, եկեղեցւոյ սիւները, մկրտութեան Սուրբ Աւազանը, սրբապատկերները, եկեղեցւոյ շրջափակին ութ խաչքարերը, տնօրհնէքի կարգ կատարուած է երիցատունին։

Սուրբ Աստուածածին եկեղեցւոյ, Ֆրիտեօֆ Նանսենի անուան թանգարան-յուշահամալիրի եւ երիցատան կառուցման բարերարներ են ՀՀ վաստակաւոր բժիշկներ Կառլեն եւ Սառա Եսայեանները։

Թանգարան-յուշահամալիրի շինարարական աշխատանքները սկիզբ առած են 2012 թուականին։ Այնուհետեւ սկսուած են եկեղեցւոյ, երիցատան եւ յարակից յուշարձանախումբերու կառուցման աշխատանքները։ Յուշահամալիրի տարածքը կ'ընդգրկէ եկեղեցին, երիցատունը` յարակից հանգստեան տաղաւարով, մոմավառութեան խորանը` զարդաքանդակներով։ Այստեղ կան շուրջ երեսուն յուշարձան եւ խաչքար, նուիրուած՝ հայ ժողովուրդի պատմութեան հերոսական եւ ողբերգական էջերուն, անուանի հայորդիներուն եւ հայ ժողովուրդի բարեկամներուն:

Պատկերասրահ

• 
• 
• 
• 
• 
•