Սուզըն Պէնըթ
| Սուզըն Պէնըթ | |
|---|---|
 | |
| Ծնած է | 31 Յուլիս 1949[1] (75 տարեկան) կամ 31 Յուլիս 1949[2] (75 տարեկան) |
| Ծննդավայր | Քլինթոն, Օնեյդա շրջան, Նիւ Եորք, Ամերիկայի Միացեալ Նահանգներ |
| Քաղաքացիութիւն |
 Ամերիկայի Միացեալ Նահանգներ[3] |
| Ուսումնավայր |
Պրաուն Համալսարան Քլինթընի Երկրորդական Վարժարան |
| Մասնագիտութիւն | Հնչիւնաւորող, երաժիշտ |
| Ամուսին | Քըրթ Պենեթ |
| Կայքէջ | susancbennett.com |
Սուզըն Պէնըթ (անգլերէն՝ Susan Bennett, 31 Յուլիս 1949[1] կամ 31 Յուլիս 1949[2], Քլինթոն, Օնեյդա շրջան, Նիւ Եորք, Ամերիկայի Միացեալ Նահանգներ)՝ ամերիկացի ձայնային դերասանուհի: Ճանչցուած է իր «Apple» ընկերութեան «Siri» ծրագիրին իգական ձայնաւորմամբ, ինչ որ առաջին անգամ կը հրապարակուի iPhone 4S հեռախօսէն՝ 4 Հոկտեմբեր, 2011-ին:
Կենսագրութիւն
[Խմբագրել | Խմբագրել աղբիւրը]Պէնըթ ծնած է Քլինթըն, Նիւ Եորք։ Յաճախած է Քլինթընի Կեդրոնական Վարժարանը («Clinton Central School»): 1967-ին յաճախած է «Pembroke College» ուսումնարանը, սակայն 1971-ին աւարտած է Պրաուն Համալսարանը («Brown University»), երբ երկու ուսումնարանները կը միացուին[4]:
Ուսման տարիներուն, Պէնըթ կ'ուզէր ուսուցչուհի դառնալ: Ան «Sock and Buskin» ընկերութեան թատերական արտադրութիւններուն մաս կը կազմէ, նաեւ կ'անդամակցի «Chattertocks» ճազ խումբին[4]: Հանդէս կու գայ նաեւ «Berklee School of Music» վարժարանին խումբին հետ:
Գործի Ասպարէզ
[Խմբագրել | Խմբագրել աղբիւրը]Պէնըթ գործի ասպարէզը կը նետուի 1974-ին, երբ կ'ընտրուի դառնալու ձայնագրողը «First National Bank of Atlanta» դրամատան ծանուցման[5]: Ան ձայնագրած է համաշխարհային «Delta Air Lines» ընկերութեան բոլոր յայտարարութիւնները, ինչպէս նաեւ կատարած է GPS-ներու ձայնագրութիւնները[6][7]: Պէնըթի ձայնը նաեւ օգտագործուած է տեղային եւ համաշխարհային ծանուցումներու մէջ, ինչպէս՝ «Ford», «Coca-Cola», «Fisher-Price», «McDonald's», «The Home Depot», «Goodyear», «VISA», «Macy's», «Hot Pockets», «Club Med», եւ «Cartoon Network», եւ այլն:
Յունիս 2005-ին, «ScanSoft» ընկերութիւնը կը փնտռէր անձ մը, որպէսզի ձայնագրէր զրոյց մը: Երկար փնտռտուքէ ետք, կը զատէ Պէնըթը, երբ բուն ձայնագրողը կը բացակայի[8]: Պէնըթ յիշեալ ընկերութեան հետ կ'աշխատի մէկ ամիս (Յուլիս 2005), օրական դրութեամբ, գրեթէ չորս ժամ, կարդալով բառեր, ասացուածքներ եւ նախադասութիւններ: Արձանագրութիւնները կը միանան կազմելու համար խօսակցական նախադասութիւններ, ինչ որ հետագային կը կազմեն «Siri»ն[7]: Պէնըթ Հոկտեմբեր 2011-ին կը տեղեկանայ, թէ «Siri» ծրագիրը ձայնագրողը ինքն է, երբ իր բարեկամներէն մին ե-նամակ մը կ'ուղարկէ իրեն, հարց տալով, եթէ ի՞նքն է «Siri»ն:
Հակառակ «Apple» ընկերութեան հերքման, ատենախօսական եւ ձայնային ճանաչողական մեքենաները, «CNN»-ի հսկողութեան տակ, կը քննեն հարցը եւ հարիւր տոկոսով կը հաստատեն, թէ իրապէս Պէնըթն է «Siri» ծրագիրը ձայնագրողը[7]:
Անձնական Կեանք
[Խմբագրել | Խմբագրել աղբիւրը]Երբ Պրաուն համալսարան կը յաճախէր, Պէնըթ կը ծանօթանայ Քըրթ Պէնըթի, որ Ազգային Հոքիի (ճոկանախաղ մը) Խումբին մաս կը կազմէր[4], ինչպէս նաեւ ԱՄՆ-ի ներկայացուցիչ խումբին մէջն էր 1970-ականներուն: Պէնըթ այժմ կ'ապրի Աթլանթա, Ճորճիա, ԱՄՆ եւ ունի տղայ զաւակ մը՝ Քամէրըն[8]:
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 http://articles.latimes.com/2013/oct/19/entertainment/la-et-st-conversation-siri-susan-bennett-20131020
- ↑ 2,0 2,1 Person Profile // Internet Movie Database — 1990.
- ↑ http://www.usatoday.com/videos/tech/columnist/talkingtech/2013/10/09/2953547/
- ↑ 4,0 4,1 4,2 Nussenbaum Kate (2013-10-22)։ «Alum revealed as voice of iPhone’s Siri»։ The Brown Daily Herald։ արտագրուած է՝ 2013-10-25
- ↑ Cooper Daniel (04-10-2013)։ «Susan Bennett confirms that she is the original voice of Apple's Siri (video)»։ Engadget։ արտագրուած է՝ 04-10-2013
- ↑ Boone John (04-10-2013)։ «Meet Siri: Susan Bennett Reveals Herself as the Mysterious Voice Behind the iPhone»։ E!։ արտագրուած է՝ 04-10-2013
- ↑ 7,0 7,1 7,2 Ravitz Jessica (2013-10-04)։ «'I'm the original voice of Siri'»։ CNN։ արտագրուած է՝ 04-10-2013
- ↑ 8,0 8,1 «Interview with Susan Bennett»։ All Things Considered (National Public Radio via WNYC)։ 9-12 2013