Սինիքիա

Սինիքիա․ Ատիկէի հին տեղական տօն, ի պատիւ Թիսէասին եւ Աթինա աստուածուհիին։

Հակիրճ տեղեկութիւններ

Ըստ Թուքիտիտիսին, Թիսէաս այդ թագաւորն է որ կը հաստատէ Աթէնքի մեծութիւնը միացնելով Ատիկէի բնակավայրերը եւ խաղաղութիւն կը տիրէ շրջանին մէջ։ Իրմէ առաջ, բնակավայրերը շարունակ վէճի մէջ էին։

Պլուտարքոս իր արձանագրութիւններուն մէջ կը նշէ թէ 16 Էքաթոմվէոնային կը տօնուէր «Մեթիքիա» տօնը (Սինիքիա) եւ թէ զոհաբերութիւն կը կատարուէր։

Տօնակատարութիւն

Սինիքիա (կամ Սինիքեսիա), կը տօնուէր 16 Էքաթոմվէոնային Աքրոփոլիսին հիւսիսային մասը, հոն ուր հին «Փրիթանիօ»ն (Πρυτανείο Երիցարան) կը գտնուէր։

Տօնին ընթացքին կը պատուէին Աթինա աստուածուհին։ Շքերթ կը կատարուէր հին Փրիթանիոյէն մինչեւ Փանտրոսիօ՝ Էրեհթիոյի (կամ Էրէխթիօ, տե՛ս ^[1]) շրջափակը։ Խաղաղութեան աստուածուհիին (Իրինի Ειρήνη) համար կով մը կը զոհէին։ Նաեւ՝

Հանդէս մը կ՛ըլլար ի պատիւ Թիսէասին կողմէ հաստատուած Աթէնքի քաղաքացիներու բաժանումը 3 դասակարգերու․ ազնուականներու, հողատէրերու եւ ստեղծագործներու (շինականներ եւ արհեստագործներ)։
Կը նշուէր Ատիկէի 12 բնակավայրերուն անունները, որ Թիսէաս միացուց եւ Աթէնքը մայրաքաղաք դարձուց։
«Փրիթանիօ»ն կը նշուէր իբրեւ Ատիկէի վարչական սպասարկութիւնը։

^[2] ^[3] ^[4] ^[5] ^[6] ^[7]

Ծանօթագրութիւններ

[1] Աքրոփոլիս (Աթէնք)#Էրեհթիօ

[2] uchicago.edu - (անգլերէն)Սինիքիա(անգլերէն)

[3] rsee - Աթէնքի 6 զոհաբանական օրացոյցներ(անգլերէն)

[4] BMCR - Աթենեան փորձը․ հաստատել երեւայական քաղաքական համայնք մը հին Ատիկէի մէջ(անգլերէն)

[5] The Encyclopedia of Ancient History․ Սինիքիա կամ Սինիքեսիա, Էլիզապեթ Քոսմէոթաթու, 26-10-2012(անգլերէն)

[6] Ուիքի աղբիւր, Իրինի (Խաղաղութիւն) Արիսթոֆանիս(յունարէն)

[7] Աթենացիներու փառտօներ․ Parke, H. W. (1977)(անգլերէն)

[1]

[2]

[3]

[4]

[5]

[6]

[7]