Սիմոն Շահրիկեան
Սիմոն Շահրիկեան | |
|---|---|
| Ծնած է | 1911 |
| Ծննդավայր | Գահիրէ, Եգիպտոս |
| Մահացած է | 30 Դեկտեմբեր 1989 |
| Մահուան վայր | Գահիրէ, Եգիպտոս |
| Կրթութիւն | Գալուստեան Ազգային Վարճարան |
| Մասնագիտութնիւն | գեղանկարիչ |
Սիմոն Շահրիկեան (1911, Գահիրէ, Եգիպտոս - 30 Դեկտեմբեր 1989, Գահիրէ, Եգիպտոս), եգիպտահայ նկարիչ, դիմանկարիչ։
Կենսագրութիւն
[Խմբագրել | Խմբագրել աղբիւրը]Սիմոն Շահրիկեան ծնած է Գահիրէ 1911 թուականին։ Նախնիները Թամզարացի են, որոնք տեղափոխուած են Կոստանդնուպոլիս՝ աւելի բարեկեցիկ կեանք որոնելու եւ զաւակներուն աւելի լաւ կրթութիւն տալու նպատակով։
Սորված է Եգիպտոսի Գալուստեան ազգային վարժարանը, աշակերտած է Ալեքսանդր Սարուխանին, Մարտիրոս Պալայանին (1891-1957): Արուեստի պատմութիւնն ուսումնասիրած է ինքնուրոյն։
1938 թուականի Սեպտեմբերին Եգիպտոսի անգլիական զօրքերու գլխաւոր շտապին մէջ աշխատած է որպէս նախագծող ճարտարապետ։ 1931-1941 Գահիրէի Նուպարեան ազգային վարժարանին մէջ դասաւանդած է նկարչութիւն եւ գեղագիտութիւն։
1935 թուականին միաժամանակ յաճախած է հարաւսլաւացի նկարիչ Եարօ Հիլպերթի մասնաւոր դպրոցի դասընթացքներուն։ Չորս տարիներու ընթացքին ձեռք բերած լուրջ ակադեմիական կրթութիւնը հնարաւորութիւն ընձեռած է անոր՝ դառնալու կայացած դիմանկարիչ։
Որպէս նախագծող-ճարտարապետ աշխատած է «Մոքաթթամ» քաղաքաշինութեան ընկերութեան մէջ։
1979 թուականէն մինչեւ կեանքի վերջը Շահրիկեան մասնաւոր դասեր տուած է քանի մը ուսանողներու, որոնց կարգին Նայիրի Համբիկեան եւ Արմէն Կրպոյեան:
Կեանքի ընթացքին Շահրիկեան տառապած է առողջական լուրջ խնդիրներէ (տասներկումատի աղիքի խոց, շագանակագեղձի քաղցկեղ, երիկամի անհանգստութիւններ եւ այլն), եւ այդ որոշակիօրէն խոչընդոտած է անոր ստեղծագործական կեանքը։ Ան երբեք չէ ընկճուած, բայց լարուած տրամադրութիւններն արձագանգ գտած են անոր կտաւներուն մէջ[1],[2]։:
Ստեղծագործութիւններ
[Խմբագրել | Խմբագրել աղբիւրը]- «Գլխափաթթոցով ծերունին»
- «Չալմայով նուբիացի կինը»
- «Դռնապան Ֆարշալին»
- «Տեղացին՝ երկրի զաւակը»
- «Եգիպտացին»
- «Աշխատաւորը»
- «Ամբոխը»
- «Խորհրդածութիւն»
- «Բարկացած երեխան»
- «Դերասան»
- «Մուշտակով տիկինը»
- «Սիրվարդ»
- «Երիտասարդ աղջիկը գլխարկով»
- «Երեխան»
- «Երկու կին»
- «Էքստազ»
- «Ծերունին»
- «Ճաղատ ծերուկը»
- «Անտառը»
Ցուցահանդէսներ
[Խմբագրել | Խմբագրել աղբիւրը]Ունեցած է 20 խմբակային («Սալոն դիւ Կ'երէ») եւ երկու անհատական ցուցահանդէս (առաջինը 1970-ի Յուլիսին՝ Գահիրէ, երկրորդը՝ 1982-ին, Աղեքսանդրիա):