Jump to content

Սիմէոն Սիւնակեաց

Սիմէոն Սիւնակեաց
արաբերէն՝ سمعان العمودي‎
Ծնած է 389
Ծննդավայր Սիս
Մահացած է 2 Սեպտեմբեր 459
Մահուան վայր Սուրբ Սիմեոն Սյունակյաց եկեղեցի, Հալէպի Նահանգ, Սուրիա
Քաղաքացիութիւն Սուրիա
Կրօնք Ուղղափառութիւն
Մասնագիտութիւն վանական և stylite

Սիմէոն Սիւնակեաց (ասորերէն՝ ܫܡܥܘܢ ܕܐܣܛܘܢܐ, յունարէն՝ Συμεών ὁ Στυλίτης, 389, Սիս, Կիլիկիա - 2 Սեպտեմբեր, 459, Քալաթ Սամ՛ան, Սուրիա), Ընդհանրական Եկեղեցւոյ նշանաւոր սուրբ, քրիստոնէական վանականութեան հիմնադիրներէն մէկը։

Սիմէոն Սիւնակեացը ինքն անձամբ աշխատանք չէ հեղինակած. շարք մը գիտնականներ հաւանական կը համարեն, որ ան նոյնիսկ գրաճանաչ չէ եղած[1]։ Սիմէոն Սիւնակեացի կեանքի եւ գործունէութեան վերաբերեալ կարեւոր տեղեկութիւններ կը հաղորդեն շարք մը պատմական աղբիւրներ, որոնցմէ իր պարունակած կարեւոր տեղեկութիւններով յատկապէս ուշագրաւ է Սիմէոնի կենդանութեան օրօք Թեոդորետոս Կիւրացիի կողմէ գրուած «Եկեղեցական պատմութիւն» աշխատութիւնը։ Սիմէոն Սիւնակեացի կենսագրութեան մասին կարեւոր տեղեկութիւններ կը պարունակեն նաեւ անյայտ հեղինակներու կողմէ ստեղծուած անոր յունարէն[2] եւ ասորերէն[3] վարքերը, որոնք գրուած են սուրբին վախճանումէն յետոյ։

Սիմէոն Սիւնակեացի սեան մնացորդները

Սիմէոն Սիւնակեաց ծնած է 389 թուականին Կիլիկիոյ Սիս բնակավայրին մէջ՝ յունախօս քրիստոնեայ գիւղացի ընտանիքի մը մէջ[4]։ Սկզբնական ժամանակ զբաղուած է հովիւութեամբ, սակայն անգամ մը եկեղեցիին մէջ ան կը լսէ Ղուկասի Աւետարանի Զ, 21-26 հատուածը եւ կ'որոշէ ինքզինք ամբողջութեամբ նուիրել Աստուծոյ։ Ան կը մտնէ վանք եւ կը մնայ այնտեղ 10 տարի[5]։ Սակայն վանքի կեանքը անոր չի բաւարարեր եւ ան կ'որոշէ ինքզինք նուիրել խիստ ճգնակեցութեան։ Իրեն համար կ'ընտրէ անմարդաբնակ վայր մը եւ այնտեղ կը կառուցէ սիւն մը, որու վրայ ալ կը սկսի բնակիլ եւ ըստ աւանդութեան այլեւս երբեք չի լքեր զայն։ Ան կը մահանայ 459 թուականին։ Սիմէոնի մահէն ետք անոր ճգնավայրը կը դառնայ քրիստոնէական կարեւոր ուխտատեղի, որ այժմ կը գտնուի ժամանակակից Սուրիոյ հիւսիսը եւ կը կրէ Քալ՛աթ Սամ՛ան անուանումը։

Մշակութային անդրադարձներ[6]

[Խմբագրել | Խմբագրել աղբիւրը]

Սիմէոն Սիւնակեացի կեանքը ներշնչման աղբիւր հանդիսացած է Ալֆրետ Թենիսընի 1842-ի «Սուրբ Սիմէոն Սիւնակեաց» (St. Simeon Stylites) բանաստեղծութեան համար։ Սուրբին կեանքին վրայ հիմնուած ժամանակակից գործերէն են՝ Լուիս Պունիուէլի 1965-ի «Անապատի Սիմոնը» (Simón del desierto) ժապաւէնը, Հանս Ցենտըրի 1986-ի «Ստեփան Քլայմաքս» (Stephen Climax) օփերան եւ 1998-ի «Սաչեմ Ֆարմի մէջ» (At Sachem Farm) ժապաւէնը։

Ճէյմս Համիլթըն-Փաթըրսընի «Ճերոնթիուս» (Gerontius) վիպակը, որ հիմնուած է Սըր Էտուարտ Էլկարի 1923-ի դէպի Պրազիլ կատարած իրական ճամբորդութեան վրայ, կը ներառէ երազային դրուագ մը։ Այդ դրուագին մէջ, Ռահութ անունով նորընծայ մը «երազողներէն» վճար կը պահանջէ, որպէսզի արտօնէ անոնց բարձրանալ սիւնին գագաթը՝ ճգնաւորին հետ զրուցելու համար։ Այցելուին մօտ ակնածանքը կը խառնուի սոսկումին հետ, երբ անոր «գլուխը կը խոնարհի զոյգ մը հսկայական ոտքերու առջեւ, որոնց փտած մատներէն դեղնած ու գալարուած եղունգներ կ’երկարին»։

  • Almut-Barbara Renger/Alexandra Stellmacher: Der Asketen- als Wissenskörper. Zum verkörperlichten Wissen des Simeon Stylites in ausgewählten Texten der Spätantike. In: Zeitschrift für Religions- und Geistesgeschichte 62 (4), 2010, 313-338.
  • Hugo Ball: Byzantinisches Christentum: Drei Heiligenleben. Insel, Frankfurt am Main 1979, ISBN 3-458-04965-7; Neuauflage, herausgegeben und kommentiert von Bernd Wacker: Wallstein Verlag, Göttingen 2011, ISBN 978-3-89244-779-5
  • Peter Bamm: Frühe Stätten der Christenheit, München 1960, S. 189 ff.
  • Hartmut Gustav Blersch: Die Säule im Weltgeviert: der Aufstieg Simeons, des 1. Säulenheiligen. (Sophia; Bd. 17). Paulinus, Trier 1978, ISBN 3-7902-1447-7
  • Nicolaus Heutger: Symeon Stylites der Ältere. In: Biographisch-Bibliographisches Kirchenlexikon (BBKL). Band 11, Bautz, Herzberg 1996, ISBN 3-88309-064-6, Sp. 353–356.
  • Wolfgang Hildesheimer: Auf den zweiten Blick. In: Die Geschichtenerzähler – Neues und Unbekanntes von Allende bis Zafón. Suhrkamp, Frankfurt am Main 2008, ISBN 978-3-518-46000-9

Ծանօթագրութիւններ

[Խմբագրել | Խմբագրել աղբիւրը]
  1. ↑ Theodor Nöldeke, Simeon der Säulenheilige, in: ders., Orientalische Skizzen, Berlin 1892, 224-239, 233.
  2. ↑ Ediert in: Das Leben des heiligen Symeon Stylites (Hans Lietzmann), Leipzig 1908, 20-78.
  3. ↑ Ediert in: Acta martyrum et Sanctorum (Paul Bedjan), Bd. 4, Hildesheim, 1968, 507-644.
  4. ↑ Nikolaos Trunte, Symeon Stylites, † 459, in: Wassilios Klein (Hrsg.), Syrische Kirchenväter, Stuttgart 2004, 71.
  5. ↑ Nikolaos Trunte, Symeon Stylites, † 459, in: Wassilios Klein (Hrsg.), Syrische Kirchenväter, Stuttgart 2004, 72.
  6. ↑ (անգլերեն) Simeon Stylites, 2025-12-18, https://en.wikipedia.org/w/index.php?title=Simeon_Stylites&oldid=1328277896, վերցված է 2026-01-16

Արտաքին յղումներ

[Խմբագրել | Խմբագրել աղբիւրը]
Վերցուած է «https://hyw.wikipedia.org/w/index.php?title=Սիմէոն_Սիւնակեաց&oldid=247420» էջէն