Սայաթ-Նովա Աշուղական Երգի Համոյթ

Սայեաթ-Նովա Աշուղական Երգի Համոյթ, հիմնադրուած է 1927-ին երգիչ Շարա Տալեանի կողմէ:

Պատմութիւն[Խմբագրել | Խմբագրել աղբիւրը]

1942-1972 թուականներուն համոյթը ղեկավարած է ՀՀ ժողովրդական արուեստագէտ Վաղարշակ Սահակեանը: 1972-ին համոյթը դադրեցուցած է գործունէութիւնը: 1992-ին Թովմաս Պօղոսեանը իր շուրջը համախմբած է խումբ մը արհեստավարժ երգիչներու ու երաժիշտներու եւ վերստեղծած համոյթը:

Համոյթի երգացանկը կ՛ընդգրկէ տարբեր ժամանակներու ստեղծագործող աշուղներու շուրջ 400 եւ աւելի երգեր: 2005-ին համոյթի երգացանկը համալրուած է իրանահայ (փերիահայ) աշուղներու 24 ստեղծագործութիւններով, որոնց հիմնական մասը ունկնդրին անյայտ եղած է: Բացի համերգը, նոյն ծրագիրը թողարկուած է ԱՄՆ-ի մէջ՝ ձայնասկաւառակով (CD) եւ տեսասկաւառակներով (DVD): Ձայնագրուած եւ թողարկուած են նաեւ Սայեաթ-Նովայի 31 ստեղծագործութիւններ` 2 ձայնասկաւառակով: ԱՄՆ-ի մէջ Սայեաթ-Նովա աշուղական երգի վաստակաւոր համոյթի կատարմամբ թողարկուած է «Հայ աշուղներու ազգային հայրենասիրական երգեր» ձայնասկաւառակը: Սայեաթ-Նովա համոյթը համերգներով հանդէս եկած է Հայաստանի եւ սփիւռքի տարբեր բնակավայրերու մէջ` Ռուսաստան, Վրաստան, Իրան, Սուրիա, Լիբանան[1], ԱՄՆ եւ այլուր[2]: 2012-ին Սայեաթ-Նովայի ծննդեան 300-ամեայ յոբելեանի առթիւ համոյթը բարեգործական համերգներով հանդէս եկած է Արցախի մէջ[3]:

Համոյթի գեղարուեստական ղեկավարն է ՀՀ ժողովրդական արուեստագէտ, փրոֆեսոր Թովմաս Պօղոսեանը, գործիքային մասի ղեկավարը ՀՀ վաստակաւոր արուեստագէտ Վարդան Պաղտասարեանն է:

Ծանօթագրութիւններ[Խմբագրել | Խմբագրել աղբիւրը]

  1. ««Սայեաթ-Նովա» աշուղական երգի վաստակաւոր համոյթը ելոյթ ունեցած է Լիբանանի մէջ»։ արխիւացուած է բնօրինակէն-էն՝ 2019-04-11-ին։ արտագրուած է՝ 2019-04-11 
  2. «Սայեաթ-Նովա աշուղական երգի համոյթ»։ արխիւացուած է բնօրինակէն-էն՝ 2019-04-11-ին։ արտագրուած է՝ 2019-04-11 

Արտաքին յղումներ[Խմբագրել | Խմբագրել աղբիւրը]