Jump to content

Սամութ Սոնկքրամի երկաթուղագիծը

Սամութ Սոնկքրամի երկաթուղագիծը, Թայլընտի մայրաքաղաք Պանքոքի մօտ Սամութ Սոնկքրամի նշանաւոր շուկային մէջէն անցնող շոգեկառքի գիծ: է

Շուկան տարածուած է 500 մեթր երկայնքի մը վրայ եւ կ'ընդգրկէ հարիւրաւոր վաճառականներու խանութներ:

Հոն ամէն ինչ կարելի է գտնել` ուտելիք, հագուստներ եւ յուշանուէրներ:

Օրական վեց անգամ ամէն մարդ կը հաւաքէ դուրսը շարուած ապրանքները, որպէսզի շուկային մէջէն անցնող շոգեկառքին անցքը կարելի դառնայ: Շոգեկառքը իր ճչակը կ'արձակէ եւ դանդաղօրէն կը յառաջանայ: Անոր կառքերը կ'անցնին գիծին երկայնքին զգուշութեամբ շարուած պտուղներու, բանջարեղէններու, պղպեղներու սեղաններուն մօտէն:

Վաճառականները կը հաստատեն, որ ասիկա բնաւ վտանգաւոր չէ: Անոնցմէ շատերը տասնեակ տարիներով այդ շուկային մէջ կ'աշխատին եւ ո՛չ մէկ արկածի հանդիպած են:

Այս շուկան զբօսաշրջիկներուն համար չէ նախատեսուած: Թայլանտի բնակիչները հոն կ'երթան իրենց գնումները ընելու[1]:

Ծանօթագրութիւններ[Խմբագրել | Խմբագրել աղբիւրը]

  1. «Սամութ Սոնկքրամի երկաթուղագիծը»։ արխիւացուած է բնօրինակէն-էն՝ 2022-01-21-ին։ արտագրուած է՝ 2023-08-25