Jump to content

Ռոպէր Կէտիկեան

Ռոպէր Կէտիկեան
ֆրանսերէն՝ Robert Guédiguian
Ծնած է 3 Դեկտեմբեր 1953(1953-12-03)[1][2] (70 տարեկան)
Ծննդավայր Մարսէյլ[3]
Քաղաքացիութիւն  Ֆրանսա
Մասնագիտութիւն ժապաւէնի բեմադրիչ, հեղինակ, դերասան, Արտադրող, Շարժապատկերի դերասան, ժապաւէն արտադրող
Կուսակցութիւն Ֆրանսայի Համայնավար Կուսակցութիւն
Ամուսին Արիան Ասքարիտ

Ռոպէր Կէտիկեան (ֆրանսերէն՝ Robert Guédiguian, 3 Դեկտեմբեր 1953(1953-12-03)[1][2], Մարսէյլ[3]), ֆրանսահայ յայտնի բեմադրիչ, դերասան, բեմագրութեան հեղինակ:

Կենսագրութիւն[Խմբագրել | Խմբագրել աղբիւրը]

Ռոպէր Կէտիկեան ծնած է Մարսէյ։ Հայրը կարսեցի ծագումով հայ մըն է, մայրը՝ գերմանուհի։ Հասակ նետած է Մարսէյի բանուորական «L՛Estaque» թաղամասին մէջ:

Տասնչորս տարեկանին անդամակցած է համայնավար կուսակցութեան եւ նոյնիսկ բարձրաձայն կոչերով վաճառած` կուսակցութեան օրկանի (L՛Humanité) կիրակնօրեայ թիւերը:

«Միացեալ ծրագիր»-ի (programme commun) պատճառած պառակտումէն ետք, 1977-ին կուսակցութենէն հրաժարած է: Ներկայիս կը յարի «Parti de gauche»-ի: 

Ուսանած  է Մարսէյէն ոչ հեռու «d’Aix-en-Provence»-ի ընկերային գիտութիւններու բաժնին մէջ, ուր հանդիպած է իր կնոջ` Արիան Ասքարիտի[4]:

2005 թուականին Հայաստանին մէջ նկարահանած է «Ճամբորդութիւն Հայաստանին Մէջ ֆիլմը»[5]։

2015 թուականին Հայոց ցեղասպանութեան 100-ամեակին ընդհառաջ Կէտիկեանը նկարահանած է «Խենթ պատմութիւն մը» ֆիլմը[6]

2015-ին Երեւանին մէջ Ռոպէր Կէտիկեանը գլխաւորած է «Ոսկեայ ծիրան» միջազգային ֆիլմերու փառատոնի «Խաղարկային ֆիլմերու միջազգային մրցոյթի» ժիւրին[7]։

2018-ին ընդգրկուած է Քաննի փառատօնի հիմնական մրցոյթի ժիւրիի կազմին մէջ[8]: Իսկ 2018-ին տեղի ունեցած «Ոսկէ ծիրան 15» փառատօնը բացուած է Կէտիկեանի «Առանձնատունը» (La villa, 2017, 107վ.) ժապաւէնով[9]:

Հանրային Դիրքորոշում[Խմբագրել | Խմբագրել աղբիւրը]

2011 Հոկտեմբերին մշակոյթի եւ գիտութեան նշանաւոր գործիչներու խումբի մը կազմին մէջ յայտարարած է[10]. 2012 թուականի նախագահի ընտրութիւններուն Ձախ ճակատի թեկնածուի օգտին քուէարկելու մասին:

2017 թուականի Փետրուար 22-ին «Le Monde» թերթին մէջ հրապարակած է Ժան-Լիւք Մելանշոնին եւ Պէնուա Համոնին միաւորուելու ուղղուած կոչ մը [11]:

«Քիլիմանժարոյի Ձիւները» շարժապատկերը - 2011ի «Լիւքս» Մրցանակ[Խմբագրել | Խմբագրել աղբիւրը]

Ռոպէր Կէտիկեանի «Քիլիմանժարոյի Ձիւները» շարժապատկերը արժանացաւ 2011ի «Լիւքս» շարժապատկերի մրցանակին: Եւրոպական խորհրդարանի նախագահ Ժերզի Պիւզեք, Սթրազպուրկի մէջ տեղի ունեցած պաշտօնական արարողութեան ընթացքին մրցանակը յանձնեց վերոյիշեալ ժապաւէնի ֆրանսացի արտադրիչին[12]: Շարժապատկերը հարցականի տակ կ՛առնէ այսօրուան ընկերութիւններուն մէջ տիրող անարդարութիւնները, ինչպէս նաեւ այդ ընկերութեանց քաղաքական տագնապներն ու աշխատաւորական համադաշնակցութեանց տագնապները, նաեւ կոչ կ՛ուղղէ հանդուրժողականութիւն ցուցաբերելու:

Անձնական Կեանք[Խմբագրել | Խմբագրել աղբիւրը]

1975-էն ամուսնացած է դերասանուհի Արիան Ասքարիտին (ֆրանսերէն՝ Ariane Ascaride) հետ եւ անոնք ունին երկու դուստր՝ Վալենթին եւ Մետլին[13]

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 filmportal.de — 2005.
  2. 2,0 2,1 BD Gest'
  3. 3,0 3,1 3,2 Deutsche Nationalbibliothek Record #122366514 // Gemeinsame Normdatei — 2012—2016.
  4. «Տեսակէտ. Խելագար Պատմութիւն – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2022-12-21 
  5. Ով ով է. Հայեր. Կենսագրական հանրագիտարան, հատոր առաջին, Երեւան, 2005 
  6. Ռոպեր Կէտիկեան Շարժանկար Կը Նկարահանէ՝ Անդրադառնալով ԱՍԱԼԱ-ին[permanent dead link]
  7. «Ռոբեր Գեդիկյանի «Խենթ պատմությունը»` «Ոսկե ծիրան»-ի բացման ֆիլմ»։ արխիւացուած է բնօրինակէն-էն՝ 2015-07-11-ին։ արտագրուած է՝ 2018-05-08 
  8. «Cannes: Léa Seydoux et Robert Guédiguian dans le jury» (ֆրանսերեն)։ le Figaro։ 2018-04-18։ արտագրուած է՝ 2018-04-1 
  9. La Villa, University of Pennsylvania Press, ISBN 978-0-8122-0380-6, http://dx.doi.org/10.9783/9780812203806.81, վերցված է 2020-07-23 
  10. Mina Kaci (2011-10-18)։ «Ils et elles votent Front de gauche» (ֆրանսերեն)։ L’Humanité.fr։ արտագրուած է՝ 2017-08-30 
  11. Robert Guédiguian (2017-02-22)։ «Robert Guédiguian : « Hamon, Mélenchon, unissez-vous ! »» (ֆրանսերեն)։ Le Monde։ արտագրուած է՝ 2017-08-30 
  12. Ռոպեր Կէտիկեանի «Քիլիմանժարոյի Ձիւները» Կ՛արժանանայ 2011ի «Լիւքս» Մրցանակին
  13. «Ariane Ascaride - La biographie de Ariane Ascaride»։ Gala.fr