Ռոճըր Հարթըլ

Ռոճըր Հարթըլ
Ծնած է	1965
Քաղաքացիութիւն	Ամերիկայի Միացեալ Նահանգներ
Մասնագիտութիւն	նեարդակենսաբան, նեարդավիրաբուժ, վիրաբուժ, համալսարանի դասախօս
Աշխատավայր	Քոռնելի Համալսարան

Ռոճըր Հարթըլ, (1965, ԱՄՆ), նեարդավիրաբուժ, Ամերիկայի Միացեալ Նահանգներու ողնայարի լաւագոյն 50 վիրաբուժներէն մէկը, իսկ անձնական հիւանդանոցներու լաւագոյն 10 վիրաբուժներէն մէկը:

Նիւ Եորք պարբերաթերթը (New York Magazine) զինք դասած է բարձրակարգ բժիշկներու շարքին, երբ ան Նիւ Եորքի մէջ փրկած է Էօժէն Սթոլովսկի անունով հրշէջի մը կեանքը, որ ծանրօրէն վիրաւորուած էր այրող շէնքէ մը նետուելուն պատճառով:

Մասնագիտութիւն

Ռոճըր Հարթըլ իր մագիստրոսի տիտղոսը ստացած է Գերմանիոյ Միունիխ քաղաքի Լութֆիկ Մաքսիմիլիանզ (Ludwig-Maximillians) համալսարանէն:

Բարձրագոյն կրթութիւնը ստացած է «Ուէյլ Քոռնել»ի բժշկական համալսարանէն (Weill-Cornell Medical College), ինչպէս նաեւ «Չերիթէ Հոսփիթըլ աֆ տը Համպոլթ» համալսարանէն (Charité Hospital of the Humboldt University)՝ Պերլին, Գերմանիա: Նեարդաբուժութեան իր մասնագիտութիւնը կատարելագործած է Նիւ Եորքի Փրեսբիթերիան հիւանդանոցին մէջ (NewYork-Presbyterian Hospital):

Այնուհետեւ ան ողնայարի բարդ վիրաբուժութեան մասնագիտական վերապատրաստութեան դասընթացքներու հետեւած է «Ֆենիքսի Պէրոզ Նեարդաբուժական Հիմնարկ»ին մէջ (Barrow's Neurological Institute in Phoenix) Վոլքըր Սոննթակի ղեկավարութեամբ:

2004-էն ի վեր ան ողնայարի վիրաբուժութեան տնօրէն է Նիւ Եորքի Ուէյլ Քոռնէլի ուղեղի եւ ողնայարի կեդրոնին մէջ (Weill-Cornell Medical College):

Հարթըլի գիտական ​​աշխատանքը կեդրոնացած է ուղեղի վիրաբուժութեան (TBI) վրայ:

Ան բժշկական Խորհրդատու է:

Աջակցած է մշակելու գլխուղեղի վնասուածքի բժշկական եւ վիրաբուժական կառավարման ուղեցոյցները, որոնք կ'օգտագործուին ամբողջ երկիրին տարածքին:

Թանզանիոյ Նեարդաբուժական ծրագիր

Հարթըլ եւ իր մասնագիտացած խումբը կենսական նեարդավիրաբուժական սարքեր կը տրամադրեն Թանզանիոյ «Պուկանտօ բժշկական կեդրոն»ին (Bugando Medical Center) եւ վերապատրաստած են տեղացի վիրաբուժներ: Անոր խումբը յաջողած է ողնայարի վիրահատութիւն կատարել ծանր վնասուածքներով հիւանդներու։ Ան վերապատրաստած է նաեւ երկու տեղացի վիրաբուժներ, որոնք յաջողած են աւելի քան 20 նմանատիպ վիրահատութիններ կատարել: