Պերլինի Պատկերասրահ

Jump to navigation Jump to search
Պերլինի Պատկերասրահ
19-11-01-Kulturforum-Berlin-RalfR DSF3889.jpg
Տեսակ Պատկերասրահ[1]
Երկիր Flag of Germany.svg Գերմանիա[2]
Տեղագրութիւն Միտտե?
Վայր Tiergarten?
Կազմուած է Իտալական Վերածննդի գեղանկարչության XVIII դահլիճ?, 13-16-րդ դարերի գերմանական գեղանկարչություն?, 13-16-րդ դարերի գերմանական գեղանկարչության III դահլիճ?, Paintings in the Gemäldegalerie, Berlin - Room 38?, Paintings in the Gemäldegalerie, Berlin - Room VI?, Room V?, Paintings in the Gemäldegalerie, Berlin - Room XII? եւ Italienische, französische, spanische Malerei, Saal XIV?
Մասն է Կուլտուֆորում? եւ Բեռլինի պետական թանգարաներ?
Նստավայր Պերլին, Գերմանիա
Հասցէ Matthäikirchplatz
Հիմնադրուած է 1830
52°30′31″N 13°21′53″E / 52.5086°N 13.3647°E / 52.5086; 13.3647
Կայքէջ smb.museum/gg

Պերլինի պատկերասրահ (գերմ.՝ Berliner Gemäldegalerie), նշանաւոր պատկերասրահ Պերլինի մէջ, Եւրոպայի առաջատար թանգարաններէն մէկը, կը մտնէ Պերլինի պետական թանգարաններու եւ Պրուսական մշակութային ժառանգութեան ֆոնտին մէջ։ Կը գտնուի Բոտստամի հրապարակէն արեւմուտք։ Պատկերասրահին մէջ կը պահուի 13-18-րդ դարերու նկարներու հարուստ հաւաքածոյ, որ կ՚ընդգրկէ այնպիսի վարպետներու գործեր, ինչպիսին են Ալպրեխտ Տիւրերը, Լուքաս Քրանախը, Պոտիչելլին, Ռաֆայէլը, Տիցիանը, Քարաւաճօն, Պոսխը, Պրեյկէլը, Ռուբէնսը, Ռեմպրանդտը եւ այլք։ Պատկերասրահը բացուած է 1830-ին եւ վերակառուցուած է 1998-ին։

Շէնք[Խմբագրել | Խմբագրել աղբիւրը]

Պատկերասրահի գլխաւոր նախասրահը

1998-ին Պերլինի պատկերասրահը կը տեղափոխուի յատուկ այդ նպատակով կառուցուած շէնք։ Նոր շէնքի ճարտարապետներն են Հայնց Հիլմերը, Քրիստոֆ Զատլերը, Թոմաս Ալպրեխտը։ Ուղղանկեան տեսք ունեցող շէնքի հիւսիսային ճակատը փոքր-ինչ թեքուած է առաջ։ Այն կառուցուած է իտալական վերածնունդի եւ պրուսական կլասիցիզմի ոճով։ Շէնքի կեդրոնը կը գտնուի գլխաւոր նախասրահը՝ երկու շարք սիւներով, հարթ կամարներով, ապակեայ 32 գմբէթներով, ամերիկացի կոնցեպտուալ նկարիչ Ուոլթեր տէ Մարիայի նախագծած շատրուանով։ Նախասրահէն կը բացուին ցուցասրահներ տանող 72 դռներ։ Նախասրահին մէջ երբեմն կը ներկայացուին քանդակներ, սակայն ընդհանուր առմամբ այն դատարկ է, որ թոյլ կու տայ հեշտութեամբ տեղաշարժուիլ սենեակէ սենեակ[3]։ Ցուցասրահները կը լուսաւորուին բնական լոյսով։ Անոնց ընդհանուր մակերեսը կը կազմէ 7.000մ²։ Այցելուները ցուցասրահներուն մօտ 900 նկարները տեսնելու համար պէտք է անցննն 2քմ ճանապարհ։ Եւս 400 նկար ցուցադրուած է տանիքային յարկի էսքիզային սրահի 12 սենեակներուն մէջորոնք նոյնպէս բաց են այցելուներուն համար[3]։

Պատկերասրահի համար նոր շէնք կառուցելու գաղափարը ընդունուած էր 1986-ին եւ ի սկզբանէ նախատեսուած էր Պերլին-Տալէմ թանգարանային կեդրոնի հաւաքածոն պահելու համար։ 1991-ին, երբ միաւորուեցան Արեւմտեան Պերլինի Տալէմի հաւաքածոն եւ Արեւելեան Պերլինի թանգարանային կղզին, պարզ դարձաւ, որ ցուցասրահները բաւարար չեն կրկնապատկուած ֆոնտերը ներկայացնելու։ Այնուամէնայնիւ, շէնքը կը կառուցուի հաստատուած նախագիծով։ Սակայն կրկնապատկուած ֆոնտերը հնարաւորինս մանրամասն ներկայացնելու համար, ինչպէս եղած է, օրինակ, Լոնտոնի ազգային պատկերասրահին մէջ, որոշում կ՚ընդունուի տանիքային յարկին վրայ տեղաւորել ոչ թէ նկարներու վերականգնման վարպետանոցները, ինչպէս նախատեսուած էր սկիզբը, այլ էսքիզային սրահը, ուր կազմակերպուելու էին տարբեր ցուցահանդէսներ։

Հաւաքածոյ[Խմբագրել | Խմբագրել աղբիւրը]

Ալվիզէ Վիվարինի, Խորան, 1478, Պոտէ թանգարան

Պերլինի պատկերասրահին մէջ ներկայիս կը պահուին աւելի քան 3.500 նկար, որոնք ներկայացուած են տասը բաժիններով.

  • Գերմանական գեղանկարչութիւն XIII-XVI դարեր
  • Գերմանական գեղանկարչութիւն XVII-XVIII դարեր
  • Հոլանտական գեղանկարչութիւն XIV-XVI դարեր
  • Ֆլամանտական գեղանկարչութիւն XVII դար
  • Իտալական գեղանկարչութիւն XIII-XVI դարեր
  • Իտալական գեղանկարչութիւն XVII-XVIII դարեր
  • Սպանական գեղանկարչութիւն XV-XVIII դարեր
  • Ֆրանսական գեղանկարչութիւն XV-XVIII դարեր
  • Անգլիական գեղանկարչութիւն XVIII դար

Ժամանակաւոր ցուցադրութեան նկարներ[Խմբագրել | Խմբագրել աղբիւրը]

Բացի սեփական ֆոնտերէն՝ Պերլինի պատկերասրահը կը տնօրինէ նաեւ Ֆրիտրիխ կայսրի թանգարանային ֆոնտը, Շթրայթի ֆոնտը, Լիպերհայտէի հաւաքածոն։

Պատկերասրահին մէջ ցուցադրուած են կտաւներ, որոնք ժամանակաւոր ցուցադրութեան ներկայացուցած են մասնաւոր հաւաքածոներու տէրերը՝ չմատնանշելով իրենց անունը։ Այդ հաւաքածոներուն մէջ ընդգրկուած են Ատրիան վան տեր Վերֆի, Ֆիլիբս Վաուերմանի, Ժան-Բատիստ Պատէրի կտաւները։

Ցուցադրութիւն Պոտէ թանգարանին մէջ[Խմբագրել | Խմբագրել աղբիւրը]

2006-էն Պերլինի պատկերասրահի ֆոնտերը լայնօրէն կը ցուցադրուին եւ Պոտէ թանգարանին մէջ։ Ինչպէս պատկերասրահին մէջ, Պոտէ թանգարանին մէջ նոյնպէս յատուկ ուշադրութեան առնուած են իտալական, հին հոլանտական, հին գերմանական նկարները։ Կեդրոնական տեղ կը զբաղեցնեն Ջովաննի Փաթիստա Տիեպոլոյի եւ Ջովաննի Տոմէնիկօ Տիեպոլոյի ֆրեսկոները։ Ներկայացուած են նաեւ Փաոլօ Ուչելլոյի, Ջովաննի Պելլինիի, Ալուիզէ Վիվարինիի, Ճորճօ Վազարիի եւ հանրահռչակ բազում այլ նկարիչներու գործեր։

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. https://www.smb.museum/en/museums-institutions/gemaeldegalerie/exhibitions/current/
  2. archINFORM — 1994.
  3. 3,0 3,1 Prestel, 10–12

Արտաքին հղումներ[Խմբագրել | Խմբագրել աղբիւրը]