Պեգասեան Թռչնիկ (հանդէս)
| Պեգասեան Թռչնիկ | |
|---|---|
| Տեսակ | պարբերաթերթ |
| Խմբագիր | Գրիգոր Վ. Ալէաթճեան |
| Հիմնադրուած է | 1863 |
| Հրատարակման վայր | Կոստանդնուպոլիս |
«Պեգասեան թռչնիկ», oրագիր հնգետասանօրեայ, ապա՝ տասնօրեայ հասարակական հանդէս։ Հրատարակուած է 1863-1866 թուականներուն, Կոստանդնուպոլիս։ Խմբագիր-տնօրէն՝ Գրիգոր Վ. Ալէաթճեան։
Լուսաբանած է արեւմտահայութեան առօրեան, մշակութային եւ ներազգային կեանքը, հայ մամուլի վիճակը, դպրոցական եւ դաստիարակութեան խնդիրները։ Պաշտպանած է յառաջադիմական պարբերականներու դիրքորոշումը յետ-սահմանադրական պայքարի ընթացքին։ Բացայայտած է հոգեւոր դասի ստուերոտ կողմերը, տպագրած՝ արեւմտահայութեան ընկերային, տնտեսական թշուառ վիճակը ներկայացնող նիւթեր։
Ազգային վերածնութեան կարեւոր պայման նկատած է գիտութեան զարգացումը, «Բնագիտական հարցմանց պատասխաններ», «Գիտութեան եւ մտքի մշակութեան օգտակարութիւնը» յօդուածներով շեշտած է երկրագործութեան զարգացման կարեւորութիւնը։
Անդրադարձած է նաեւ կենցաղային հարցերու։ Թարգմանաբար զետեղած է արեւմտաեւրոպական գրողներու ստեղծագործութիւններ։ Նիւթերու որոշ մասը հայատառ թուրքերէն են[1][2]։
Ծանոթագրութիւններ[Խմբագրել | Խմբագրել աղբիւրը]
- ↑ «Վիեննայի մենաստանի մամուլի շտեմարան- ՊԵԳԱՍԵԱՆ ԹՌՉՆԻԿ»։ արտագրուած է՝ 2023-01-16
- ↑ «Համահայկական թվանշային գրադարան»
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|